Project K Movie: ఇవెక్కడి దిక్కుమాలిన ఫస్ట్‌లుక్‌లు.. నాగ్‌అశ్విన్‌ను ఆడుకుంటున్న ట్రోలర్స్‌…
బాహుబలి తర్వాత ప్రభాస్ యాక్ట్ చేసిన దాదాపు అన్ని మూవీస్ ఫ్లాప్‌గానే మిగిలిపోయాయ్. సాహో ఒక్కటి పర్వాలేదనిపించినా.. రాధేశ్యామ్ డిజాస్టర్‌గా మిగిలింది. ఇక ఆదిపురుష్‌ మీద జరిగిన రచ్చ అంతా ఇంతా కాదు. దీంతో ఇప్పుడు ప్రభాస్ అభిమానుల ఆశలన్నీ సలార్, ప్రాజెక్ట్ K మీదే ఉన్నాయ్.
Dialtelugu Desk
Posted on: July 19, 2023 | 04:45 PM ⚊ Last Updated on: Jul 19, 2023 | 4:45 PM
Project K Frist Look Prabhas Poster Release
సలార్ సంగతి కాసేపు పక్కనపెడితే.. ప్రాజెక్ట్ K నుంచి హీరో, హీరోయిన్ల ఫస్ట్‌ లుక్‌లు వచ్చాయ్. వీటి మీద నెటిజన్లు ఫైర్ అవుతున్నారు. ఐరన్‌ మ్యాన్‌ లుక్‌లో ప్రభాస్ పోస్టర్ రిలీజ్ చేశారు. దీని మీద అభిమానులంతా పెదవి విరుస్తున్నారు. తల ప్రభాస్‌ది.. మొండెం ఐరన్‌మ్యాన్‌ది అన్నట్లు ఉంది ఆ ఫొటో. కనీసం సరిగ్గా అతికించడం కూడా చేతకాకపోతే ఎలా అంటూ.. నాగ్‌అశ్విన్ అండ్ టీమ్‌ మీద సెటైర్లు గుప్పిస్తున్నారు. ప్రభాస్ అభిమానులు కూడా ఇలాంటి ఫీలింగ్‌లోనే ఉన్నారు. సినిమా కాన్సెప్ట్ ఏంటి అన్న సంగతి ఎలా ఉన్నా.. ఎంతో ఆతృతగా ఎదురుచూస్తే ఇలాంటి ఫొటోనా రిలీజ్ చేసేది అంటూ భగ్గుమంటున్నారు అభిమానులంతా.
ఒక్క ప్రభాస్ మాత్రమే కాదు.. దీపికా పదుకునే ఫస్ట్‌ లుక్ విషయంలోనూ ఇలానే డిజప్పాయింట్‌ చేశారు మేకర్స్‌. ఎంతోకాలంగా ఎదురుచూస్తే.. పాస్‌పోర్ట్ సైజులాంటి ఓ ఫొటోను సోషల్‌ మీడియాలో చూపించేశారు. దీపిక విషయంలో అలా.. ప్రభాస్ విషయంలో ఇలా.. ఇవెక్కడి దిక్కుమాలిన ఫస్ట్‌లుక్‌లు నాగ్‌అశ్విన్ అంటూ ఫ్యాన్స్ ఫైర్ అవుతున్నారు. ఏమైనా ఈ లుక్‌లను చూసి సినిమాను అంచనా వేయడానికి లేదు. నాగ్‌అశ్విన్ విజన్, టేకింగ్‌, మేకింగ్ అంతా చాలా డిఫరెంట్‌. ఏమైనా ఫస్ట్‌ లుక్ బాగుంటే.. మరింత బజ్ క్రియేట్ అయ్యేది.. తూతు మంత్రం అన్నట్లుగా లుక్ రిలీజ్ చేయడంపై అభిమానులు నిరాశలో మునిగిపోయార్. వైజయంతి మూవీస్ బ్యానర్‌లో తెరకెక్కుతోన్న ఈ మూవీని.. నాగ్‌అశ్విన్ డైరెక్ట్ చేస్తుండగా.. కమల్‌హాసన్ విలన్ రోల్‌లో కనిపించబోతున్నాడు. సైన్స్ ఫిక్షన్ జోనర్‌లో.. పాన్ ఇండియా లెవెల్‌లో ప్రాజెక్ట్ K రిలీజ్ కాబోతోంది.
