వంగా మామూలోడు కాదు మావా, ప్రభాస్ ను పిండుతున్నాడు

బ్లాక్ బస్టర్ డైరెక్టర్ సందీప్ రెడ్డి వంగా చేసింది రెండు మూడు సినిమాలే అయినా హీరోలను వాడే విషయంలో మాత్రం ఎక్కడా తగ్గడు. తన కథలో వెయిట్ ఉంటే మాత్రం హీరోకు చుక్కలు చూపించడం ఖాయం. తాను ఎలా హీరోని చూడాలనుకున్నాడో అలా చూపించడానికి ఎన్నో కండీషన్ లు పెడుతూ ఉంటాడు.

బ్లాక్ బస్టర్ డైరెక్టర్ సందీప్ రెడ్డి వంగా చేసింది రెండు మూడు సినిమాలే అయినా హీరోలను వాడే విషయంలో మాత్రం ఎక్కడా తగ్గడు. తన కథలో వెయిట్ ఉంటే మాత్రం హీరోకు చుక్కలు చూపించడం ఖాయం. తాను ఎలా హీరోని చూడాలనుకున్నాడో అలా చూపించడానికి ఎన్నో కండీషన్ లు పెడుతూ ఉంటాడు. అందుకే అర్జున్ రెడ్డి అయినా యానిమల్ అయినా సూపర్ హిట్ అయ్యాయి. ఆయా హీరోల కెరీర్ కు ఆ సినిమాలు ప్లస్ అయ్యాయి. యానిమల్ సినిమాలో హీరోని ఏ రేంజ్ లో చూపించాలో చూపించి వేరే డైరెక్టర్లకు చాలెంజ్ చేసాడు.

ఇప్పుడు సందీప్ రెడ్డి వంగా… ప్రభాస్ తో స్పిరిట్ సినిమా చేస్తున్నాడు. ఈ సినిమా భారీ బడ్జెట్ తో వస్తోంది. వచ్చే ఏడాది చివర్లో విడుదల చేయాలని టార్గెట్ పెట్టుకుని పని చేస్తున్నాడు సందీప్ రెడ్డి. ఇక డిసెంబర్ నుంచి షూట్ కూడా స్టార్ట్ చేస్తున్నాడు. ఇప్పటికే మ్యూజిక్ సిట్టింగ్ కూడా స్టార్ట్ అయిన సంగతి తెలిసిందే. సినిమాపై అంచనాలు భారీగా ఉండటంతో ప్రభాస్ కు చాలా కండీషన్ లు పెట్టాడు అని టాక్. సందీప్ రెడ్డి వంగా సినిమాల్లో… హీరోలను జుట్టు గడ్డంతో చూపిస్తూ ఉంటాడు. అలాగే కచ్చితంగా హీరో సిక్స్ ప్యాక్ కూడా చూపించాలి.

అర్జున్ రెడ్డి అయినా యానిమల్ అయినా సరే ఆ రేంజ్ లోనే చూపించాడు. ఇప్పుడు ప్రభాస్ ను కూడా సిక్స్ ప్యాక్ చూపించాలని చెప్పినట్టు టాక్. రెండు ఫైట్స్ ప్రభాస్ షర్టు లేకుండానే చేస్తాడని టాక్. చేజింగ్ సీన్ లో కూడా ప్రభాస్… కాకీ ఫ్యాంట్, రివాల్వర్ తో ఉంటుందట. ప్రభాస్ బాడీ షేప్ కాస్త మారిందని టాక్. అందుకే ఇప్పుడు మళ్ళీ సిక్స్ ప్యాక్ కోసం కష్టపడుతున్నాడు. ఫిబ్రవరి నుంచి ఈ సినిమా షూట్ లో ప్రభాస్ పాల్గొంటాడు అని టాక్. ఇప్పుడు రాజాసాబ్, ఫౌజీ సినిమాల షూట్ కు అటెండ్ అవుతున్నాడు.

రాజాసాబ్ షూట్ డిసెంబర్ లేదా జనవరికి ఫినిష్ చేసుకుని… నెల రోజుల పాటు ఫౌజీ షూట్ లో పాల్గొనే ఛాన్స్ ఉంది. ఆ తర్వాత… స్పిరిట్ కు అటెండ్ అవుతాడు. ఈ గ్యాప్ లో సందీప్ రెడ్డి వంగా… వేరే యాక్టర్స్ తో షూట్ ఫినిష్ చేస్తాడు. సినిమాకు ఎక్కువ టైం తీసుకునే ఛాన్స్ కూడా కనపడటం లేదు. వచ్చే ఏడాది క్రిస్మస్ కు సినిమా రిలీజ్ కావడం ఖాయంగా కనపడుతోంది. అన్నీ అనుకున్నట్టు జరిగితే… వచ్చే ఏడాది.. ప్రభాస్ నుంచి రెండు లేదా మూడు సినిమాల రిలీజ్ ఉండే ఛాన్స్ ఉంది.