KALKI 2898 AD: కల్కి రిలీజ్ డేట్ తేలేదెప్పుడు..? అసలు కారణం ఏంటి..
నిర్మాత, దర్శకుడికి, రెబల్ స్టార్ ప్రభాస్‌కి మధ్య రిలీజ్ డేట్ మీద బిన్నాభిప్రాయాలున్నాయి. విచిత్రం ఏంటంటే డిస్ట్రిబ్యూటర్లు కూడా ఈ విషయంలో ఫిల్మ్ టీంతో ఎన్ని చర్చలు చేసినా ప్రయోజనం లేకుండాపోతోంది.
Dialtelugu Desk
Posted on: April 26, 2024 | 07:54 PM ⚊ Last Updated on: Apr 26, 2024 | 7:57 PM
KALKI 2898 AD: కల్కి రిలీజ్ మీద వారానికో వార్త కాదు రెండు రోజులకో వార్త కామన్ అయ్యింది. నిర్మాత, దర్శకుడికి, రెబల్ స్టార్ ప్రభాస్‌కి మధ్య రిలీజ్ డేట్ మీద బిన్నాభిప్రాయాలున్నాయి. విచిత్రం ఏంటంటే డిస్ట్రిబ్యూటర్లు కూడా ఈ విషయంలో ఫిల్మ్ టీంతో ఎన్ని చర్చలు చేసినా ప్రయోజనం లేకుండాపోతోంది. రిలీజ్ డేట్ కన్‌ఫ్యూజన్‌కి క్లారిటీ మిస్ అవుతోంది.
TOLLYWOOD SONGS: సమ్మర్‌లో సినిమాలు లేకున్నా.. పాటల పండుగ కన్ఫామ్..
నిజానికి కల్కి మూవీ 90 శాతం పోస్ట్ ప్రొడక్షన్ పూర్తైంది. కేవలం క్లైమాక్స్‌కు సంబంధించిన సీజీ వర్క్, చిన్న రిపేర్లు జరుగుతున్నాయి. అంతేకాదు డబ్బింగ్ పనులు కూడా తెలుగు వర్షన్ పనులైపోయాయి. మిగతా భాషల వర్క్ జరుగుతోంది. ఎలా చూసినా మరో 20 రోజుల్లో ఫస్ట్ కాపీ రెడీ అవ్వొచ్చు. అంటే మే 30న ఈ సినిమా రిలీజ్‌కి రెడీ అయ్యే ఛాన్స్ ఉంది. అందుకే ఈ సినిమా రైట్స్‌ని కొంత అడ్వాన్స్ ఇచ్చి ముందే సొంతం చేసుకున్న డిస్ట్రిబ్యూటర్లు మే 30 కే కల్కి రిలీజ్ చేయాలని పట్టుపడుతున్నారు. డైరెక్టర్ నాగ్ అశ్విన్, రెబల్ స్టార్ ప్రభాస్ మాత్రం జూన్ సెకండ్ వీక్ అయితే బెటర్ అనే అభిప్రాయంతో ఉన్నారట.
కానీ నిర్మాత అశ్వినీ దత్ దేశవ్యాప్తంగా ఎన్నికల హడావిడి తగ్గటమే కాదు, గెలుపోటములు తేలాక, కొత్త ప్రభుత్వాలు ఏర్పడ్డాక నిదానంగా జులై 10న లేదా 12 న కల్కిని రిలీజ్ చేయాలనుకుంటున్నారట. అలా అయితే వసూళ్ల మీద ఈ ఎన్నికల ప్రభావం ఉండదనుకుంటున్నాడట. కాని ఇక్కడే ప్రభాస్, నాగ్ అశ్విన్ నిర్మాతతో విభేదిస్తున్నట్టు సమాచారం అందుతోంది.
