మహేశ్, రణ్ బీర్ పొగిడేస్తూ.. తమిళనాట తిడుతూ… వద్దంటే వద్దు..

మ్యాన్ ఆఫ్ మాసెస్ ఎన్టీఆర్ కి ఫ్యాన్స్ ఓరకంగా స్వీట్ వార్నింగ్ ఇస్తున్నారు. తమ అభిమాన హీరోని కమాండ్ చేసే సాహసం ఫ్యాన్స్ చేయరు. కాని ఇక్కడ ఓరకంగా వేకప్ కాల్స్ లాంటి రిక్వెస్టులు పెట్టేస్తున్నారు ఫ్యాన్స్.

మ్యాన్ ఆఫ్ మాసెస్ ఎన్టీఆర్ కి ఫ్యాన్స్ ఓరకంగా స్వీట్ వార్నింగ్ ఇస్తున్నారు. తమ అభిమాన హీరోని కమాండ్ చేసే సాహసం ఫ్యాన్స్ చేయరు. కాని ఇక్కడ ఓరకంగా వేకప్ కాల్స్ లాంటి రిక్వెస్టులు పెట్టేస్తున్నారు ఫ్యాన్స్. అదే ఓ మూవీ చేయకూడదని రిక్వెస్ట్ చేస్తున్నారు. విచిత్రం ఏంటంటే ఇదే మ్యాన్ ఆఫ్ మాసెస్ ని సూపర్ స్టార్ మహేశ్ బాబు ఆకాశానికి ఎత్తే పనిలో ఉన్నాడు. బాలీవుడ్ యానిమల్ కూడా ఎన్టీఆర్ పనితనాన్ని మెచ్చుకోకుండా ఉండట్లేదు. ఒకవైపు పొగడ్తలు, మరొవైపు ఫ్యాన్స్ నుంచి మాస్ రిక్వెస్టులు… ఇదే ఇప్పడు ఎన్టీఆర్ కి ఎదురౌతున్న విచిత్ర పరిస్థితి. ఓ డైరెక్టర్ తో మ్యాన్ ఆఫ్ మాసెస్ సినిమా చేయటం తమకు ఏమాత్రం ఇష్టం లేదని ఫ్యాన్స్ తేల్చేస్తున్నారు. ఇంతకి వాళ్ల రిక్వెస్ట్ వెనకున్న రీజనేంటి? మహేశ్ బాబుతో పాటు, రణ్ బీర్ కపూర్ ఉన్నట్టుండి ఎందుకు ఎన్టీఆర్ ని పొగిడే కార్యక్రమం పెట్టుకున్నారు? హావేలుక్

మ్యాన్ ఆఫ్ మాసెస్ ఎన్టీఆర్ ని పొగడటమే పనిగా పెట్టుకుంటున్నాడు సూపర్ స్టార్ మహేశ్ బాబు. బేసిగ్గా తారక్ తో తనకి బ్రదర్లీ హుడ్ రిలేషన్ ఉంది. మొదట్నుంచి మహేశ్ ని అన్నా అని సంభోదిస్తాడు ఎన్టీఆర్. అందుకోసం పోగడాల్సిన పనిలేదు, అది కూడా సమయం సందర్భం లేకుండా ఎవరూ పొగడరు. ఇక్కడ సమయం, సందర్భం ఏంటంటే, తన హిందీ మూవీ వార్ 2.

ఇందులో విలన్ గా నటిస్తున్న ఎన్టీఆర్ వచ్చే నెల రెండో వారం లోగా ఈ సినిమా షూటింగ్ ని పూర్తి చేయబోతున్నాడు. ఐతే ఈ సినిమా తెలుగు వర్షన్ కి సూపర్ స్టార్ మహేశ్ బాబు వాయిస్ ఓవర్ చెప్పబోతున్నాడట. ఇక హిందీ వర్షన్ కి బాలీవుడ్ స్టార్ యానిమల్ ఫేం రణ్ బీర్ కపూర్ వాయిస్ ఓవర్ చెప్పబోతున్నాడు.

నిజానికి తన బ్రహ్మస్త్ర మూవీ ప్రమోషన్ టైంలో మ్యాన్ ఆఫ్ మాసెస్ ఎన్టీఆర్, సౌత్ లో చాలా వరకు రణ్ బీర్ అండ్ టీంకి హెల్ప్ చేశాడు. ఆలియాతో త్రిబుల్ ఆర్ కలిసి చేయటం వల్ల ఆలియాతో ఉన్న స్నేహంతో, బ్రహ్మస్త్ర విషయంలో తెలుగు వర్షన్ ని ఎన్టీఆర్ ప్రమోషన్ కి సాయపడ్డాడు. ఇప్పుడు రణ్ బీర్ వంతొచ్చినట్టుంది వార్ 2 కి తన వంతు వాయిస్ ఓవర్ అందించబోతున్నాడు

సరే సూపర్ స్టార్ మహేశ్ బాబు, బాలీవుడ్ స్టార్ రణ్ బీర్ ఇద్దరూ ఎన్టీఆర్ వార్ 2 మూవీకి వాయిస్ ఓవర్ ఇస్తున్నారు… అందులో ఎన్టీఆర్ పాత్రని ఆకాశానికెత్తేలా ఉంటుందట. ఆ వాయిస్ ఓవర్ తోనే పొగిడే పని పెట్టుకున్నారు. ఇది తన ఫ్యాన్స్ కి గుడ్ న్యూసే.. కాని తన ఫ్యాన్స్ కి బ్యాడ్ న్యూస్ గా అనిపించిన ఒక విషయం ఇప్పుడు హాట్ టాపిక్ గా మారింది

తమిళ్ డైరెక్టర్ వెట్రీ మారన్ తో ఎన్టీఆర్ సినిమా చర్చలు చేశాడు.. తనంటే ఇష్టం కాబట్టి, తనతో మూవీ తీయాలని ఉందని దేవర ప్రమోషన్ టైంలో అన్నాడు. కట్ చేస్తే తన నుంచి బ్యాడ్ గల్ మూవీ టీజర్ వచ్చింది. ఇది తమిళ నాటే కాదు దేశ వ్యాప్తంగా రచ్చ రచ్చ అవుతోంది. ఓ బ్రాహ్మిణ్ అమ్మాయి తెగించి, తప్పు దారిలో దిక్కుమాలిన పనులు చేయటమే ఫ్రీడం అన్నట్టు టీజర్ లో కంటెంట్ షాక్ ఇస్తోంది. బ్రాహ్మిన్స్ మీద ఎంత వ్యతిరేకత ఉన్నా, ఒక అమ్మాయి ఇలా చేయటమే కరెక్ట్ అని చూపించటం శాడిజం అంటున్నారు. సో ఇలాంటి డైరెక్టర్ తో ఎన్టీఆర్ మూవీ చేస్తే, నార్త్ ఇండియాలో తనకున్న ఫ్యాన్ బేస్ హర్ట్ అయ్యే ఛాన్స్ఉంది. అందుకే తనతో మూవీ చేయొద్దని తారక్ ఫ్యాన్స్ రిక్వెస్ట్ చేస్తున్నారు. నార్త్ ఇండియాలోని తారక్ అభిమానులు ఇదే మాట చెబుతున్నారు. విచిత్రం ఏంటంటే నార్త్ ఫ్యాన్స్ నుంచి ఈ రిక్వెస్టులు ఎక్కువయ్యాయి.. ఎంత అభిమానం ఉండకపోతే, ఇలా నార్త్ నుంచి భారీ ఎత్తున అభిమానుల నుంచి విన్నపాలు వస్తాయి.