PRASHANTH NEEL: చేతిలో ఒక సినిమా పెట్టుకుని ఇదేం పని..?
స్పిరిట్ మూవీని సందీప్ గాలికొదిలేస్తాడా? పవన్ సినిమాలకోసం పని చేస్తూ మహేశ్ మూవీ గుంటూరు కారం స్క్రిప్ట్‌ని గాలికొదిలేసిన త్రివిక్రమ్ అంటూ ఈమధ్య గురూజీని అంతా కామెంట్స్ చేస్తున్నారు. అలానే సందీప్ కూడా ప్రభాస్ మూవీని గాలికొదిలేసి యానిమల్ పార్క్ మీదే ఫోకస్ పెంచితే ఎలా అన్న అనుమానాలున్నాయి.
Dialtelugu Desk
Posted on: February 1, 2024 | 08:33 PM ⚊ Last Updated on: Feb 01, 2024 | 8:33 PM
PRASHANTH NEEL: రెబల్ స్టార్ ప్రభాస్‌తో సందీప్ రెడ్డి వంగ ప్లాన్ చేసిన మూవీ స్పిరిట్. అర్జున్ రెడ్డి, కబీర్ సింగ్, యానిమల్ తర్వాత సందీప్ ప్లాన్ చేసిన ఈ సినిమా స్పిరిట్. అక్టోబర్ నుంచి షూటింగ్ మొదలౌతుంది. ఈలోగా స్క్రిప్ట్ వర్క్ పూర్తి చేస్తాడనుకుంటే, తను సడన్‌గా యానిమల్ సీక్వెల్ యానిమల్ పార్క్ స్క్రిప్ట్ పనుల్లో బిజీ అయ్యాడు. ఫిబ్రవరి నెలలోగా యానిమల్ పార్క్‌కు సంబంధించి ప్రి ప్రొడక్షన్ పనులు, బౌండెడ్ స్క్రిప్ట్ రెడీ చేస్తాడట. అంటే ఆ తర్వాతే స్పిరిట్ స్క్రిప్ట్ పనులు మొదలౌతాయా..?
PAWAN KALYAN-ATLLE: క్రేజీ కాంబో.. పవన్‌‌తో అట్లీ మూవీ.. రూ.1000 కోట్ల బడ్జెట్
నిజమే. ఈ డౌట్ వచ్చేలా ఫిబ్రవరి నెలంతా యానిమల్ పార్క్ కోసమే కేటాయించటం చూస్తుంటే, ఎప్పుడెప్పుడు యానిమల్ పార్క్ మొదలు పెట్టాలా అనేంతగ ఆసక్తిగా సందీప్ వెయిట్ చేస్తున్నాడని తెలుస్తోంది. ఇలా అయితే స్పిరిట్ మూవీని సందీప్ గాలికొదిలేస్తాడా? పవన్ సినిమాలకోసం పని చేస్తూ మహేశ్ మూవీ గుంటూరు కారం స్క్రిప్ట్‌ని గాలికొదిలేసిన త్రివిక్రమ్ అంటూ ఈమధ్య గురూజీని అంతా కామెంట్స్ చేస్తున్నారు. అలానే సందీప్ కూడా ప్రభాస్ మూవీని గాలికొదిలేసి యానిమల్ పార్క్ మీదే ఫోకస్ పెంచితే ఎలా అన్న అనుమానాలున్నాయి. ఇక సలార్ 2 పనుల్లో ప్రశాంత్ నీల్ బిజీ అవటం చూస్తే, ఎన్టీఆర్‌తో తను కమిటైన సినిమా అటకెక్కిందా?
లేదంటే 700 కోట్ల పైనే రాబట్టిన సలార్ ఇచ్చిన జోష్‌తో ప్రశాంత్ నీల్ ఫోకస్ అంతా సలార్ 2 మీదే ఉందా అన్న అనుమానాలు పెరిగాయి. ఏదేమైనా సలార్ హిట్ నుంచి ప్రశాంత్ నీల్, యానిమాల్ హిట్ నుంచి సందీప్ రెడ్డి వంగ ఇంకా బయట పడ్డట్టులేరు. అందుకే ఈలోపు తీయాల్సిన మూవీ తాలూకు పని పక్కన పెట్టి, హిట్ మూవీల సీక్వెల్స్ మీద పడుతున్నారనే కామెంట్స్ పెరిగాయి.
