Pushpa 2: పుష్ప 2 రిలీజ్ డేట్ మళ్లీ వాయిదా..?
ఈ చిత్రాన్ని ఆగష్టు 15న విడుదల చేయబోతున్నట్టు మూవీ టీం అధికారికంగా ప్రకటించింది. అయితే ఈ సినిమాకి సంబంధించిన పెండింగ్ వర్క్ చాలా బ్యాలన్స్ ఉండడంతో ఆగష్టు 15న విడుదల అయ్యేందుకు చాలా తక్కువ అవకాశాలు ఉన్నాయని అంటున్నారు.
Dialtelugu Desk
Posted on: January 3, 2024 | 12:04 PM ⚊ Last Updated on: Jan 03, 2024 | 12:04 PM
Pushpa 2: స్టైలిష్ స్టార్ అల్లు అర్జున్‌కు ఉత్తమ నటుడిగా నేషనల్ అవార్డు తెచ్చిపెట్టిన పుష్ప చిత్రం మేనియా గురించి ప్రత్యేకించి చెప్పనవసరం లేదు. సుకుమార్ దర్శకత్వంలో భారీ అంచనాల నడుమ విడుదలైన ఈ సినిమా బాక్స్ ఆఫీస్ వద్ద సునామి రేంజ్ వసూళ్లు రాబట్టింది. ఇప్పటికీ ఈ సినిమా తాలూకు మ్యానరిజమ్స్, డైలాగ్స్‌ని వాడుతూనే ఉంటారు జనాలు. ఈ స్థాయిలో పబ్లిక్‌ని ప్రభావితం చేసిన సినిమాలు ఇటీవల కాలంలో రాలేదు. ఇది కేవలం అల్లు అర్జున్ మ్యాజిక్ అని చెప్పడంలో ఎలాంటి అతిశయోక్తి లేదు.
Shine Tom Chacko: మళ్లీ పెళ్లి.. త్వరలో దసరా విలన్ పెళ్లి
ఇదంతా పక్కన పెడితే ఈ చిత్రానికి సీక్వెల్ గా ‘పుష్ప ది రూల్’ తెరకెక్కుతోంది. పుష్ప పార్ట్2కి తెలుగులో ఎంత క్రేజ్ అయితే ఉందో, హిందీ, తమిళం, మలయాళం, కన్నడ భాషల్లో కూడా అంతే క్రేజ్ ఉంది. గత ఏడాది అల్లు అర్జున్ పుట్టిన రోజు సందర్భంగా ఈ చిత్రానికి సంబంధించి ఫస్ట్ లుక్, గ్లిమ్స్ వీడియో ని విడుదల చేసారు. ఈ రెండిటికి సెన్సేషనల్ రెస్పాన్స్ వచ్చింది. ముఖ్యంగా గడిచిన దశాబ్ద కాలంలో ఏ స్టార్ హీరో సినిమా ఫస్ట్ లుక్‌కి కూడా అలాంటి రెస్పాన్స్ రాలేదని చెప్పొచ్చు. ఇక ఈ చిత్రాన్ని ఆగష్టు 15న విడుదల చేయబోతున్నట్టు మూవీ టీం అధికారికంగా ప్రకటించింది. అయితే ఈ సినిమాకి సంబంధించిన పెండింగ్ వర్క్ చాలా బ్యాలన్స్ ఉండడంతో ఆగష్టు 15న విడుదల అయ్యేందుకు చాలా తక్కువ అవకాశాలు ఉన్నాయని అంటున్నారు. దీనికి సంబంధించిన అధికారిక క్లారిటీ మూవీ టీం నుంచి రావాల్సి ఉంది. సుకుమార్ సినిమాల విషయంలో ఇలాంటి జాప్యాలు ఎప్పుడూ జరుగుతూనే ఉంటాయని అభిమానులు వాపోతున్నారు.
పర్ఫెక్షన్‌తో షూట్ చేయడానికి చాలా టైమ్ తీసుకుంటాడు సుకుమార్. పుష్ప 2 విడుదలను వాయిదా వేస్తే.. స్వాతంత్య్ర దినోత్సవ వారాంతంలో నిరంతర సెలవులతో జాక్‌పాట్ తేదీ కావడంతో చాలా సినిమాలు ఆ తేదీకి దూసుకుపోతాయి. ఐకాన్ స్టార్ అభిమానులను, ప్రేక్షకులను సంతృప్తి పరచడంలో 100 శాతం కంటే ఎక్కువ కష్టపడే సుకుమార్‌కి పుష్ప 2 ఎంత పెద్ద చిత్రమో తెలుసు. అందుకే పర్ఫెక్షనిస్ట్ అయిన సుకుమార్ అంతా పర్ఫెక్ట్‌గా ఉండాలని కోరుకుంటాడట. ఏ విషయంలోనూ రాజీపడకుండా సినిమా తెరకెక్కించాలని అనుకుంటున్నారట. అందుకే ఈ మూవీ మరింత ఆలస్యం అవుతుందోని తెలుస్తోంది.
