Allu Arjun: పుష్ప-2 టీజర్‌ రిలీజ్‌.. ఫ్యాన్స్‌కు గూస్‌బంప్స్‌

ఐకాన్‌ స్టార్‌ అల్లు అర్జున్‌ ఫ్యాన్స్‌ ఎప్పుడెప్పుడా అని ఎదురుచూస్తున్న పుష్ప ది రూల్‌ నుంచి టీజర్‌ విడుదలైంది. 20 సెకన్ల డ్యురేషన్‌తో అదరిపోయే ఎఫెక్ట్స్‌తో టీజర్‌ రిలీజ్‌ చేశారు మైత్రి మూవీ మేకర్స్‌.

ఈ టీజర్‌లో అల్లు అర్జున్‌ ఫేస్‌ రివీల్‌ చేయకపోయినా.. అతను బైక్‌ మీద పారిపోతున్న సీన్‌ మాత్రం ఉంది. రెడ్‌ శాండల్‌ స్మగ్లర్‌గా ఎదిగిన పుష్పను పోలీసులు అరెస్ట్‌ చేస్తారని.. 2004లో అతను జైలు నుంచి పారిపోతాడని టీజర్‌ చూస్తే తెలుస్తోంది. జైలు నుంచి పారిపోయిన పుష్ప గురించి హై అలర్ట్‌ ప్రకటించడం, పుష్పరాజ్‌ అనుచరులంతా అతనికోసం పోలీస్‌ స్టేషన్‌ ముందు ధర్నా చేయడాన్ని టీజర్‌లో చూపించారు. అసలు పుష్ప ఎక్కడా అంటూ ఇంట్రెస్ట్‌ క్రియేట్‌ చేశారు.

టీజర్‌ పరంగా చూస్తే పుష్ప పార్ట్‌-2లో దాదాపు అంతా పోలీసులు పుష్ప సామ్రాజ్యాన్ని ఎలా కూల్చారు అనే విషయంపైనే స్టోరీ బేస్‌ అయినట్టుగా తెలుస్తోంది. ఈ స్టోరికి సంబంధించి ఓ క్లారిటీ ఇచ్చేలా త్వరలో ట్రైలర్‌ రిలీజ్‌ చేసేందుకు ప్లాన్‌ చేస్తున్నారు మేకర్స్‌. ఈ నెల 7న అల్లు అర్జున్‌ బర్త్‌ డే సందర్భంగా ఈ ట్రైలర్‌ రిలీజ్‌ చేయనున్నట్టు చెప్పారు. ఇప్పుడు రిలీజ్‌ చేసిన 20 సెకన్ల టీజర్‌లో కూడా ట్రైలర్‌ రిలీజ్‌ డేట్‌ను మెన్షన్‌ చేశారు.

సుకుమార్‌ డైరెక్షన్‌లో వచ్చిన ఈ సినిమా.. సౌత్‌తో పాటు నార్త్‌లో కూడా పుష్ప పార్ట్‌-1 సెన్సేషన్‌ క్రియేట్‌ చేసింది. అల్లు అర్జున్‌ యాక్టింగ్‌కు యాటిట్యూడ్‌కు నార్త్‌ ఫ్యాన్స్‌ ఫిదా అయిపోయారు. ఈ సినిమా నుంచి సీక్వెల్‌ కూడా రాబోతోందని తెలియడంతో ఎప్పటి నుంచో చాలా ఈగర్‌గా వెయిట్‌ చేస్తున్నారు. ఇప్పుడు ఈ ట్రైలర్‌తో సినిమా మీద ఇంట్రస్ట్‌ను మరింత పెంచేశాడు సుకుమార్‌.