క్వారంటైన్ లో మహేష్… లాక్ డౌన్ అమ్మ మొగుడు

దర్శక ధీరుడు రాజమౌళితో సినిమా అంటే జోక్ కాదు. సినిమా కెరీర్ బాగుండాలి అంటే... పాన్ ఇండియా స్టార్ అవ్వాలి అంటే జక్కన్నతో సినిమా చేయాల్సిందే అనే ఫీల్ కు ఆడియన్స్ వచ్చారు.

దర్శక ధీరుడు రాజమౌళితో సినిమా అంటే జోక్ కాదు. సినిమా కెరీర్ బాగుండాలి అంటే… పాన్ ఇండియా స్టార్ అవ్వాలి అంటే జక్కన్నతో సినిమా చేయాల్సిందే అనే ఫీల్ కు ఆడియన్స్ వచ్చారు. కాబట్టి జీవితంలో కొన్ని రోజులు… నెలలు, ఏళ్ళు జక్కన్నకు రాసి ఇవ్వాల్సిందే. అప్పుడే ఆ సినిమా హాలీవుడ్ కు అయినా ఇంకొక చోటకు అయినా వెళ్ళే సీన్ ఉంటుంది. నువ్వు ఎంత స్టార్ అయినా సినిమాకు సైన్ చేసే వరకే… తర్వాత మొత్తం జక్కన్న కంట్రోల్. ప్రభాస్, ఎన్టీఆర్, రామ్ చరణ్ తమ కెరీర్ లో తలో అయిదేళ్ళు జక్కన్నకు రాసి ఇచ్చారు.

రిజల్ట్ కూడా అంతే చూసారు… ఇప్పుడు మహేష్ బాబు వంతు వచ్చింది. జనాలకు మహేష్ బాబు… ఓ సూపర్ స్టార్. కాని రాజమౌళి దృష్టిలో మాత్రం తన సినిమాకు పని చేసే వర్కర్ అంతే. సినిమా బాగా రావాలంటే… ఇగో గిగో జాన్తా నై. ఫ్యాన్స్ అయినా ఆడియన్స్ అయినా సరే ఇప్పుడు జక్కన్న విషయంలో ఇదే ఫిక్స్ అయ్యారు. అసలే మహేష్ బాబు సరైన హిట్ కొట్టి అయిదేళ్ళు అయింది. రాజమౌళి సినిమాతో మరో అయిదేళ్ళు లాక్ అయ్యాడు. ఇది రెండు పార్ట్ లు అని అంటున్నారు. ఇంకా టైం పెరిగినా ఆశ్చర్యం లేదు.

ఈ విషయం తెలిసిన ఫ్యాన్స్… కన్నా పాపానికి మోయక తప్పుతుందా అంటూ మహేష్ ను ఫన్నీగా ట్రోల్ చేస్తున్నారు. సైన్ చేసాడు కాబట్టి అన్నీ గట్టిగా మూసుకుని సినిమా కోసం ఎదురు చూడాల్సిందే. ఇక మహేష్ బాబును జక్కన్న క్వారంటైన్ చేసాడు అని టాక్. కరోనా టైం లో ఈ వర్డ్ బాగా వినపడింది కదా…? విదేశాల నుంచి ఎవరైనా వస్తే ఎయిర్పోర్ట్ లోనే 15 రోజుల పాటు ఉంచి… కరోనా పాజిటివ్ కాకపోతే వదిలేవారు. ఇప్పుడు మహేష్ బాబు క్వారంటైన్ అయిదేళ్ళు. జరుగుతున్నవి చూస్తుంటే అదే నిజం అనిపిస్తుంది.

వాస్తవానికి మహేష్ బాబు… సినిమాల కంటే హాలిడేలోనే ఎక్కువగా ఉంటాడు. దాదాపుగా ఏదోక దేశంలో కుటుంబంతో ఎంజాయ్ చేస్తూ ఉంటాడు. ఇప్పుడు రాజమౌళి సినిమా కాబట్టి… రాజమౌళి ఎటు చెప్తే అటు… ఎప్పుడు చెప్తే అప్పుడు వెళ్ళాల్సి ఉంటుంది. సీన్ నచ్చే వరకు షూట్ చేయాలి… రీ షూట్ చేయాలి… చెప్పిందే మళ్ళీ చెప్పాలి… అందుకే మహేష్ బాబు… హాలిడే రిక్వస్ట్ లు అన్నీ క్యాన్సిల్ చేసినట్టు టాక్. ఇతర దర్శకులు అయితే ఏదొకటి డిమాండ్ చేయవచ్చు గాని జక్కన్న కాబట్టి సైలెంట్ అయ్యాడని టాక్.