Ram Charan: కొత్త ఐపీఎల్ టీం పెట్టబోతున్న రాంచరణ్.. వచ్చే ఏడాదిలో ఎంట్రీ.. పేరు ఏంటంటే..

ఐపీఎల్ క్రేజ్ గురించి ప్రత్యేకంగా చెప్పాల్సిన అవసరం లేదు. ప్రతీరోజు పండగే అన్నట్లు ఉంటుంది అభిమానులకు.. సీజన్ జరుగుతున్న రోజుల్లో ! సన్‌రైజర్స్ హైదరాబాద్ మ్యాచ్‌ గురించి అయితే ప్రత్యేకంగా చెప్పాల్సిన అవసరం లేదు. ఆటగాళ్లకు మన ఏరియా పేర్లు తగిలించి మరీ మురిసిపోతుంటారు ఫ్యాన్స్.

మలక్‌పేట్‌ మార్క్‌రమ్‌, బేగంపేట బ్రూక్‌, ఉప్పల్ ఉమ్రాన్ అంటూ ఇలా పేర్లు పెట్టేసుకున్నారు ఇప్పటికే ! తెలంగాణలో హైదరాబాద్‌కు ఐపీఎల్ టీమ్ ఉంది.. ఏపీకి మాత్రం లేదు. ఇది చాలామంది ఫ్యాన్స్‌ను వెంటాడుతూనే ఉంటుంది. ఏపీ నుంచి కూడా టీమ్ ఉంటే బావున్ను అని ఎదురుచూసే ఫ్యాన్స్ ఎంతోమంది ! ఐతే అభిమానుల ఎదురుచూపు ఫలించబోతోంది. ఏపీ నుంచి కూడా టీమ్ రాబోతోంది. దీన్ని కొనుగోలు చేయబోయేది మరెవరో కాదు.. మెగా పవర్‌స్టార్ రాంచరణ్‌.

ట్రిపుల్‌ఆర్‌తో గ్లోబల్‌ స్టార్‌గా మారిపోయిన చెర్రీ.. స్పెషల్ ఫాలోయింగ్‌ సంపాదించుకున్నాడు. చిరు తనయుడిగా చిరుతలా ఎంట్రీ ఇచ్చినా.. ఆ తర్వాత తనకంటూ స్పెషల్ మార్క్ క్రియేట్‌ చేసుకున్నారు. సినిమా రంగంలోనే కాదు.. వ్యాపారాల్లోనూ రాణిస్తున్నాడు. ఇప్పటికే ఒక పోలో టీమ్‌ను కొనుగోలు చేసిన రాంచరణ్‌.. ఆ తర్వాత ట్రూ జట్ అని ఎయిర్‌వేస్ రంగంలోకి కూడా అడుగుపెట్టాడు. ఆ రెండు కూడా సక్సెస్ అయ్యాయ్. లేటెస్ట్‌గా మరో సంచలన నిర్ణయం తీసుకోబోతున్నాడని తెలుస్తోంది.

వచ్చే ఏడాది సరికొత్త IPL టీంతో రాంచరణ్‌.. మన ముందుకి రాబోతున్నట్టు ఇండస్ట్రీ వర్గాల్లో టాక్ నడుస్తోంది. వైజాగ్ వారియర్స్ పేరుతో ఆయన సరికొత్త IPL టీంని ఫామ్ చేయబోతున్నాడని.. దీనికి సంబంధించిన కార్యక్రమాలన్నీ పూర్తి అయ్యాయని తెలుస్తోంది. గతేడాది నుంచి లక్నో, గుజరాత్ టీమ్స్ ఐపీఎల్‌లో ఎంట్రీ ఇచ్చాయ్. తెలంగాణ నుంచి సన్ రైజర్స్ హైదరాబాద్ ఉంది. ఏపీ నుంచి ఒక్క టీం కూడా లేదు. దీంతో రాంచరణ్‌.. వైజాగ్ వారియర్స్ పేరుతో కొత్త టీమ్‌తో ఎంట్రీ ఇవ్వబోతున్నాడని తెలుస్తోంది. ప్రస్తుతానికి ఇది టాక్ మాత్రమే.. ఐతే త్వరలో పూర్తి క్లారిటీ రాబోతోంది.