Ram Charan: మెగా పవర్ స్టార్ కాదు.. గ్లోబల్ స్టార్ అనాల్సిందే..
ఎందుకంటే శంకర్‌కి తెలియకుండా జరగండి సాంగ్ రిలీజైనా, అందులో చెర్రీ బిరుదు మెగా పవర్ స్టార్ అని వచ్చినా.. దానర్ధం, శంకర్ ఈమూవీ మీద పెద్దగా శ్రద్ద పెట్టలేదని. అసలే భారతీయుడు 2, భారతీయుడు 3 అని ఒకేసారి రెండు సీక్వెల్స్ తీస్తూ, చరణ్ మూవీ గేమ్ ఛేంజర్‌ని లూప్ లైన్‌లో పెట్టాడు శంకర్.
Dialtelugu Desk
Posted on: March 27, 2024 | 05:33 PM ⚊ Last Updated on: Mar 27, 2024 | 5:33 PM
Ram Charan: మెగా పవర్ స్టార్ ఇక మీదట మెగా పవర్ స్టార్ కాదు. తనిప్పుడు గ్లోబల్ స్టార్. ఆ విషయం శంకర్ మర్చిపోయాడా..? మరెందుకు గేమ్ ఛేంజర్ మూవీ సాంగ్ జరగండి పాటలో ఈ హీరోని గ్లోబల్ స్టార్‌గా కాకుండా మెగా పవర్ స్టార్‌గా సంబోధించాడు. అది శంకర్‌కి తెలిసి జరిగితే తప్పు. తెలవకుండా జరిగితే అంతకంటే పెద్ద ముప్పు. ఎందుకంటే శంకర్‌కి తెలియకుండా జరగండి సాంగ్ రిలీజైనా, అందులో చెర్రీ బిరుదు మెగా పవర్ స్టార్ అని వచ్చినా.. దానర్ధం, శంకర్ ఈమూవీ మీద పెద్దగా శ్రద్ద పెట్టలేదని.
Adah Sharma: అందాల బొమ్మ.. అదా శర్మ.. లేటెస్ట్ ఫొటోస్..
అసలే భారతీయుడు 2, భారతీయుడు 3 అని ఒకేసారి రెండు సీక్వెల్స్ తీస్తూ, చరణ్ మూవీ గేమ్ ఛేంజర్‌ని లూప్ లైన్‌లో పెట్టాడు శంకర్. అందుకే ఏడాదిలో రావాల్సిన మూవీ రెండేళ్ళైనా రిలీజ్ కాలేదు. ఆ విషయంలో ఫ్యాన్స్ ఫుల్ ఫైర్ అవుతున్నారు. సర్లే.. కనీసం రామ్ చరణ్ బర్త్ డేకి పాటైనా వచ్చిందని సంతోష పడదామంటే, మొదటి తప్పు గ్లోబల్ స్టార్‌ని మోగా పవర్ స్టార్ అంటూ పాత బిరుదునే టైటిల్స్‌లో వేయటం. ఇక రెండో తప్పు.. చప్పగా ఉన్న మేకింగ్. శంకర్ సినిమాలో ఒక్కో పాటకు పెట్టే ఖర్చుతో సినిమా తీయొచ్చంటారు. అంత లావిష్‌గా ఉంటాయి తన మూవీలోని పాటలు. కాని జరగండి పాట.. అపరిచితుడులో రండక కంటే అధ్వానంగా ఉందంటున్నారు. ఏదో.. చుట్టేయాలని చుట్టేసే ప్రయత్నమే ఇదంటున్నారు. ఇలాంటి కామెంట్స్ బేసిగ్గా యాంటీ ఫ్యాన్స్ నుంచి వస్తాయి. కాని మూవీ విడుదలకోసం వేయిట్ చేసి చేసి విసిగిపోయిన ఫ్యాన్స్ మీమ్స్ రూపంలో శంకర్‌ని ఆడేసుకుంటున్నారు.
అన్నింటిలో కొసమెరుపు ఏంటంటే జరగండి పాటలో అనంత్ శ్రీరామ్ వాడిన పదాలు. జరగండి పాటలో సిక్స్ ప్యాక్స్ యముడు, సిస్టమ్ తప్పితే మొగుడు అన్న పద ప్రయోగాలు బాగున్నా, జాకెట్ వేసుకున్న జాబిలమ్మ అన్న ప్రయోగం ఎబ్బెట్టుగా ఉంది. మంచంపై మూడు పూటలు సర్జికల్ స్ట్రయిక్ చేస్తాడనటం కూడా కాస్త దారి తప్పినట్టుందనే మాటలు వినిపిస్తున్నాయి. ఇలా ఒక్క పాట మీద ప్రశ్నలు, విమర్శల తూటాలకు కారణం శంకర్ పనితనమే. మొత్తంగా రామ్ చరణ్ డాన్స్‌లో గ్రేస్, లుక్ మాత్రం అదిరిపోయిందనేది కామన్‌గా వినిపిస్తోన్న కాంప్లిమెంట్.
