Ram Gopal Varma: నేను బయట.. అతను లోపల.. రాజమండ్రి జైలు ముందు ఆర్జీవీ సెల్ఫీ..
వర్మ సడెన్‌గా చంద్రబాబు ఉన్న రాజమండ్రి సెంట్రల్‌ జైల్‌ ముందు ప్రత్యక్షమయ్యాడు. జైలుకు దూరంగా బ్యారికేడ్ల ముందు నిల్చుని సెల్ఫీ తీసుకున్నాడు. ఆ సెల్ఫీని సోషల్‌ మీడియాలో పోస్ట్‌ చేశాడు. సెంట్రల్‌ జైల్‌తో సెల్ఫీ.. నేను బయట అతను లోపల అంటూ క్యాప్షన్‌ కూడా రాశాడు.
Dialtelugu Desk
Posted on: October 26, 2023 | 03:26 PM ⚊ Last Updated on: Oct 26, 2023 | 3:26 PM
Ram Gopal Varma: రామ్‌ గోపాల్‌ వర్మ ఏం చేసినా వెరైటీగానే ఉంటుంది. ఎవరూ ఎక్స్‌పెక్ట్‌ చేయని నిర్ణయాలు తీసుకోవడం.. ఎవడూ ఊహించని విధంగా బిహేవ్ చేయడం ఆర్జీవికి మాత్రమే సాధ్యం. చేసే పనలు సిల్లీగా ఉన్నా.. ప్రతీ దాంట్లో లాజిక్‌ వెతుకుతాడు ఆర్జీవి. అది కూడా మామూలు లాజిక్‌లు కాదు. క్వశ్చన్‌ చేసిన వాళ్లు కన్ఫ్యూజ్‌ అవ్వడమో.. లేక నాకెందుకులే అని ఊరుకోవడమో చేస్తారు.
ఆ రేంజ్‌లో ఉంటాయి ఆర్జీవి లాజిక్‌లు. ప్రస్తుతం వ్యూహం, శపథం సినిమాలతో ముందుకు రాబోతున్న ఆర్జీవీ సోషల్‌ మీడియాలో చంద్రబాబును, టీడీపీని ఓ రేంజ్‌లో ఆడుకుంటున్నారు. వైసీపీకి మద్దతుగా, చంద్రబాబుకు వ్యతిరేకంగా కొంత కాలం నుంచి పోస్టులు పెడుతున్నాడు. వీలు దొరికితే పవన్‌ కళ్యాణ్‌ను కూడా మధ్యలోకి లాగుతున్నాడు. అలాంటి వర్మ సడెన్‌గా చంద్రబాబు ఉన్న రాజమండ్రి సెంట్రల్‌ జైల్‌ ముందు ప్రత్యక్షమయ్యాడు. జైలుకు దూరంగా బ్యారికేడ్ల ముందు నిల్చుని సెల్ఫీ తీసుకున్నాడు. ఆ సెల్ఫీని సోషల్‌ మీడియాలో పోస్ట్‌ చేశాడు.
సెంట్రల్‌ జైల్‌తో సెల్ఫీ.. నేను బయట అతను లోపల అంటూ క్యాప్షన్‌ కూడా రాశాడు. ఈ ఫొటో ఇప్పుడు ఇన్‌స్టాలో తెగ వైరల్‌ అవుతోంది. నువ్‌ కూడా జైలుకు వెళ్లే రోజులు దగ్గర్లోనే ఉన్నాయి జాగ్రత్త అంటూ టీడీపీ మద్దతుదారులు కామెంట్లు పెడుతున్నారు. ఆర్జీవి ర్యాగింగ్‌ మళ్లీ షురూ చేశాడంటూ వైసీపీ మద్దతుదారులు కామెంట్లు పెడుతున్నారు. ఏదేమైనా ఈ అనవసర వేషాలు వర్మ ఎందుకు వేస్తాడో అర్థం కాదు అనుకుంటున్నారు కామన్‌ పీపుల్‌.
