NTR : ఎన్టీఆర్ నిర్ణయంతో డైలమాలో పడిపోయిన సలార్2
ప్రశాంత్ నీల్ (Prashant Neel) ఇప్పుడు సలార్2 (Salaar 2), ఎన్టీఆర్‌తో ఓ చేయాల్సి ఉంది. ప్రభాస్ కల్కి, ఎన్టీఆర్ వార్2 చిత్రాలలో బిజీగా ఉన్నారు. ఈ సమయంలో ప్రశాంత్ సలార్2 ఎప్పుడు ఫినిష్ చేస్తారు
Dialtelugu Desk
Posted on: May 6, 2024 | 03:30 PM ⚊ Last Updated on: May 06, 2024 | 3:30 PM
Salar 2 fell into a dilemma with NTR's decision
ప్రశాంత్ నీల్ (Prashant Neel) ఇప్పుడు సలార్2 (Salaar 2), ఎన్టీఆర్‌తో ఓ చేయాల్సి ఉంది. ప్రభాస్ కల్కి, ఎన్టీఆర్ వార్2 చిత్రాలలో బిజీగా ఉన్నారు. ఈ సమయంలో ప్రశాంత్ సలార్2 ఎప్పుడు ఫినిష్ చేస్తారు ఎన్టీఆర్‌తో సినిమా ఎప్పుడు అనే విషయాలపై నెట్టింట్లో తెగ చర్చ సాగుతోంది
కేజీఎఫ్ (KGF) దర్శకుడు ప్రశాంత్ నీల్‌కి ఎంత క్రేజ్ ఉందో స్పెషల్‌గా చెప్పక్కర్లేదు. కేజీఎఫ్ మూవీతో ఆయన స్టార్ డైరెక్టర్ హోదా దక్కించుకున్నారు. ఈ డైరెక్టర్ వరసగా స్టార్ హీరోలను లైన్‌లో పెడుతున్నాడు. రీసెంట్‌గా ఆయన ఎన్టీఆర్‌తో సినిమా అనౌన్స్ చేశాడు. సలార్ తర్వాత తన తదుపరి చిత్రాన్ని ఎన్టీఆర్ (NTR) తో చేయాలనేది ప్రాథమిక కమిట్‌మెంట్. అయితే సలార్, ప్రశాంత్ నీల్ బృందం కూడా ముందుగా సలార్ సీక్వెల్ చేయడానికి ఆసక్తి చూపుతున్నట్లు తెలుస్తోంది. ఇదే విషయాన్ని ప్రశాంత్ నీల్ ఎన్టీఆర్ కు తెలియజేసిన సంగతి తెలిసిందే. మేలో సలార్ 2ని కూడా ప్రారంభించాలని ప్లాన్ చేశాడు. కానీ ఎన్టీఆర్ నిర్ణయం సలార్ 2ని ఇప్పుడు డైలమాలో పడేసింది.
కమిట్‌మెంట్ ప్రకారం వెళ్లమని ఎన్టీఆర్ ప్రశాంత్ నీల్‌ని అడుగుతున్నారని, నిర్మాణ సంస్థ మైత్రీ మూవీ మేకర్స్ కూడా అదే విషయాన్ని తెలియజేసినట్లు తెలుస్తోంది. సలార్ 2 సెట్స్‌పైకి వెళ్లగానే వచ్చే ఏడాదికి పూర్తవుతుందని తెలిసినందున ముందుగా ఎన్టీఆర్ సినిమాను ఆయనే ప్రారంభించాలని కోరుతున్నారు. మరోవైపు, ఎన్టీఆర్ తన కొనసాగుతున్న ప్రాజెక్ట్స్ వార్ 2 , దేవరను పూర్తి చేయడానికి నవంబర్ వరకు వేచి ఉండాల్సి ఉందని నీల్ చెప్పాడు. ఈలోగా సలార్ 2ని పూర్తి చేయాలనుకుంటున్నాడు. నీల్ నిర్ణయం పట్ల ఎన్టీఆర్, మైత్రి మూవీ మేకర్స్ సంతోషంగా లేరని తెలుస్తోంది. ఇది చివరికి సలార్ 2 విడుదలను డైలమాలో ఉంచుతుంది. ప్రశాంత్ నీల్ తన మాటకు కట్టుబడి ఉంటే సాలార్ 2 జరిగి విడుదలకు సమయం పట్టవచ్చు. మరి ఏం జరుగుతుందో చూడాలి.
