సమంతా డాక్యుమెంటరీ… గ్రాండ్ గా ప్లాన్ చేసిన నెట్ ఫ్లిక్స్

సౌత్ ఇండియన్ సినిమాలో సమంతాకు ఓ రేంజ్ ఉంది. ఆమె సినిమాలు, ఆమె వ్యక్తిత్వం ఫ్యాన్స్ కు బాగా నచ్చడం... అలాగే ఆమె వ్యక్తిగత జీవితం కూడా ఓ సంచలనం కావడంతో మీడియా ఫోకస్ కూడా ఆమెపై ఎప్పుడూ ఉంటుంది.

సౌత్ ఇండియన్ సినిమాలో సమంతాకు ఓ రేంజ్ ఉంది. ఆమె సినిమాలు, ఆమె వ్యక్తిత్వం ఫ్యాన్స్ కు బాగా నచ్చడం… అలాగే ఆమె వ్యక్తిగత జీవితం కూడా ఓ సంచలనం కావడంతో మీడియా ఫోకస్ కూడా ఆమెపై ఎప్పుడూ ఉంటుంది. గత పదేళ్ళలో ఈ రేంజ్ లో సంచలనం అయిన నటి మరొకరు లేరు అనే చెప్పాలి. జీవితంలో ఎన్నో కష్టాలు పడ్డ సమంతా… వైవాహిక జీవితంలో కూడా ఊహించని ఇబ్బందులు ఎదుర్కొన్న మాట వాస్తవం. ముందు సిద్దార్థ్ ను ప్రేమించి ఆ తర్వాత అతనికి దూరమై… నాగ చైతన్యకు దగ్గరై వివాహం చేసుకుంది.

ఏమైందో ఏమో తెలియదు గాని ఆమె చైతన్యకు దూరమై సింగిల్ గానే ఉంటోంది. ఇప్పుడు కూడా కెరీర్ పై ఫోకస్ పెట్టి… ఇక తన జీవితంలో పెళ్లి వద్దు అని సింగిల్ గానే ఉంటాను అని నిర్ణయం తీసుకుని ముందుకు వెళ్తోంది. ఇప్పుడు బాలీవుడ్ లో వరుస ప్రాజెక్ట్ లకు సైన్ చేస్తోంది. ఇటు తెలుగులో కూడా ఆమెకు మంచి ఆఫర్లు వస్తున్నాయి. రామ్ చరణ్, సుకుమార్ కాంబినేషన్ లో వచ్చే సినిమాలో ఆమెను హీరోయిన్ గా తీసుకునే ఛాన్స్ ఉంది. అలాగే త్రివిక్రమ్, అల్లు అర్జున్ కాంబినేషన్ లో వచ్చే సినిమాలో కూడా ఆమెను తీసుకోనున్నారు.

అలాగే తమిళంలో ఓ సినిమాలో ఆమె నటిస్తున్నట్టు టాక్. ఇలా కెరీర్ పరంగా బిజీ అవుతూ… మరో వైపు సేవా కార్యక్రమాలను కూడా చేస్తోంది సమంతా. ఈ తరుణంలో సమంతా జీవితంపై ఓ డాక్యుమెంటరి ని ప్లాన్ చేస్తున్నారు అనే ఓ వార్త హైలెట్ అవుతోంది. నయనతార జీవితంపై డాక్యుమెంటరి తెరకెక్కించిన ప్రముఖ ఓటీటీ సంస్థ నెట్ ఫ్లిక్స్ ఇప్పుడు సమంతా జీవితంపై డాక్యుమెంటరిని ప్లాన్ చేస్తోంది. డిగ్రీ చేసే సమయంలోనే మోడల్ గా కొన్నాళ్ళు పని చేసింది సమంతా. ఆ తర్వాత , సమంత తొలిసారిగా తెలుగులో యే మాయ చేసావేతో సినిమాతో తెరంగేట్రం చేసింది.

అలా స్టార్ హీరోయిన్ గా ఒక వెలుగు వెలిగింది సమంతా. మెగా, నందమూరి, అక్కినేని, దగ్గుబాటి ఇలా అందరు హీరోల సినిమాల్లో సమంతా నటించి మెప్పించింది. తమిళంలో కూడా సమంతాకు మంచి ఫ్యాన్ ఫాలోయింగ్ ఉంది. సేవా కార్యక్రమాలతో సమంతాకు మంచి గుర్తింపు వచ్చింది. మలయాళీ అయినా కూడా ఆమె తెలుగులోనే ఎక్కువ ఫేమస్ అయింది. ఇప్పుడు ఆమె జీవితాన్ని తెరపై చూపించడానికి నెట్ ఫ్లిక్స్ సంస్థ దాదాపు 25 కోట్లు చెల్లిస్తున్నట్టు సమాచారం.