ఆమె హీరోయిన్ కాదు విలన్… తిట్టినోడికే బంపర్ ఆఫర్…

బాలీవుడ్ నుంచి హాలీవుడ్ వెల్లి సెటిలైన లేడీ ప్రియాంక చోప్రా. అలాంటి తను ఇప్పుడు సూపర్ స్టార్ తో జోడీకడుతోందని తేలగానే, తను మహేశ్ కి అక్కలా ఉందన్నారు.

బాలీవుడ్ నుంచి హాలీవుడ్ వెల్లి సెటిలైన లేడీ ప్రియాంక చోప్రా. అలాంటి తను ఇప్పుడు సూపర్ స్టార్ తో జోడీకడుతోందని తేలగానే, తను మహేశ్ కి అక్కలా ఉందన్నారు. దీనికి తోడు భారీగా డేట్లు అడిగి ముందు రాజమౌళి భయపెట్టాడు. సినిమా తాలూకు ఏ అంశాన్ని లీక్ చేయొద్దంటూ అగ్రిమెంట్ చేయించి ఇంకాస్త వణికించాడు.. ఐతే ఇంత భయపెట్టినా, ప్రియాంక మాత్రం రివర్స్ లో రాజమౌళినే కాదు, మహేశ్ బాబుని కూడా భయపెడుతోంది. బాలీవుడ్ స్టార్ హీరో సాయంతో కౌంటర్స్ షురూ చేసింది. ఇదంతా రియల్ లైఫ్ లో కాదు, సెట్లో… ఔను ప్రియాంక చోప్రా ఇందులో వేసే పాత్ర మహేశ్ బాబు జోడీగా కాదు… తన మీద ఎటాక్ చేసే రౌడీగా… అంటే ఈ మూవీలో ప్రియాంక చోప్రా లేడీ విలనా..? అది మాత్రం కానేకాదు. అక్కడే ట్విస్ట్ ఉంది. ఇంకా ఇందులో బాలీవుడ్ ని షేక్ చేసిన కండల స్టార్ విలన్ గా నటించటం ఆల్ మోస్ట్ కన్ఫామ్ అయ్యింది. ఇంతకి ఆ హిందీ హీరో ఎవరు? గతంలో తను రాజమౌళిని తక్కువ చేసి మాట్లాడాక కూడా తనకే జక్కన్న ఎందుకు ఆఫర్ ఇస్తున్నాడు? టేకేలుక్

సూపర్ స్టార్ మహేశ్ బాబుతో రాజమౌళి తీసే సినిమాకు హీరోయిన్ బాలీవుడ్ లేడీ ప్రియాంక చోప్రా అన్నారు. తను సైన్ కూడా చేసింది. కాని కథ లో ట్విస్ట్ ఏంటంటే తను ఈ మూవీ చేస్తోంది కాని, తను హీరోయిన్ కాదు. ఏకంగా 390 రోజుల కాల్ షీట్స్ ని రాజమౌలి తననుంచి ఎక్స్ పెక్ట్ చేశాడని, తను 330 కాల్ షీట్స్ ఇచ్చిందని ప్రచారం జరుగుతోంది.

బేసిగ్గా సినిమా హీరోయిన్ అంటే ఏ రెండు నెల్లో మూడు నెల్లో సినిమాకోసం పనిచేస్తుంది. 90శాతం హీరో అండ్ కో కే ఎక్కువ పనిచేయాల్సిన అవసరం ఉంటుంది. కాని ఇక్కడ హీరోకి సమానంగా 330 రోజుల కాల్ షీట్స్ ఇచ్చిందంటే,ఖచ్చితంగా ప్రియాంక చోప్రానే హీరోయిన్ కావొచ్చన్నారు. కాని అది నిజం కాదని తెలుస్తోంది. హీరోతో సమానమైన ప్రాధాన్యత ఉన్న పాత్రలో ప్రియాంక చోప్రా కనిపించబోతోంది.

కాని హీరోయిన్ గా మాత్రం కాదు. ఇండోనేషియాకు చెందిన చెల్సియానే ఇందులో హీరోయిన్ అని తెలుస్తోంది. కాకపోతే ప్రియాంక చోప్రా నెగెటీవ్ రోల్ వేస్తున్నట్టు ప్రచారం జరుగుతోంది. అంతేకాదు ఇందులో బాలీవుడ్ హీరో జాన్ అబ్రహం విలనిజం చూపించబోతున్నాడట. ధూమ్ లాంటి మూవీలతో బాలీవుడ్ ని ఊపేసిన జాన్ అబ్రహం నిజానికి త్రిబుల్ ఆర్ టైంలో రాజమౌలి సినిమా మీద నెగెటీవ్ గా కామెంట్ చేశాడు.

త్రిబుల్ ఆర్ మూవీ రిలీజ్ టైంలో, తన అటాక్ మూవీ విడుదలైంది. అప్పుడే మరి త్రిబుల్ ఆర్ సినిమాతో మీ మూవీ పోటీ పడుతుందా అంటే దానికి కౌంటర్ ఇచ్చాడు. రాజమౌళీ మీద గౌరవం ఉందంటూనే, తమ మూవీతోనే త్రిబుల్ ఆర్ పోటీ పడగలదా అన్నాడు. తర్వాత సీన్ రివర్స్ అయ్యాక మాత్రం సైలెంట్ గా ఉండిపోయాడు. అక్కడక్కడ త్రిబుల్ ఆర్ మీద నెగెటీవ్ కామెంట్స్ కూడా చేసినట్టు ప్రచారం కూడా జరిగింది.

అయినా ఇవన్నీ పక్కన పెట్టి రాజమౌళి ఇప్పుడు జాన్ అబ్రహం ని మహేశ్ మూవీ లో విలన్ గా తీసుకున్నాడట. తన చెల్లిగానే ప్రియాంక చోప్రా కనిపిస్తుందని అంటున్నారు. ఇవేవి లీక్ కాలేదు… అఫీషియల్ గా రాజమౌలి రివీల్ చేయలేదు. కాని ఇండస్ట్రీలో మాత్రం ఇలాంటి అంచనాలు, గుసగుసలు వినిపిస్తున్నాయి. తన టీమ్ మెంబర్స్ రివీల్ చేయరు కాని, అసిస్టెంట్ రైట్స్ తాలూకు ఫ్రెండ్స్ మాత్రం ఇలాంటి ప్రచారాలతో కిక్ ఇస్తున్నారు.

నిజానికి ప్రభాస్ మూవీలో నటిస్తారా అని జాన్ అబ్రహం ని గతంలో ఓరిపోర్టర్ అడిగాడు. అప్పుడు ఈ బాలీవుడ్ హీరో నేను బాలీవుడ్ హీరోని, అలాంటిది ఎందుకు ప్రభాస్ మూవీలో నటిస్తానన్నాడు. కాని తర్వాత పఠాన్ లో సైడ్ రోల్ వేశాడు. ఇప్పుడు అన్ని లైట్ తీసుకుని రాజమౌళి సినిమాకు సైన్ చేస్తున్నాడు.. సో ఇదే చేస్తున్నారనే ప్రశ్నని త్వరలోనే తను మన మీడియా నుంచి ఫేస్ చేయొచ్చు.. అప్పుడు ఈ హీరో కి విషయం బోధపడొచ్చు.