Sridevi And Jahnvi : టాలీవుడ్ తెరపై శ్రీదేవి కూతురు

జాన్వి బర్త్‌ డే రోజు... ఎన్టీఆర్‌ 30లో హీరోయిన్‌గా నటిస్తోందంటూ.. ఎనౌన్స్‌ చేశారు మేకర్స్‌. శ్రీదేవి పెద్ద ఎన్టీఆర్ సూపర్ హిట్ పెయిర్ గా రికార్డ్స్ సృష్టించారు. ఇప్పుడు జూనియర్ జాన్వీ తో కలసి ఎలాంటి రికార్డ్స్ సృష్టిస్తారో చూడాలి.

మొత్తానికి శ్రీదేవి పెద్ద కూతురు జాన్వీ లైన్లో పడింది. చేసిన తప్పు తెలుసుకోవడానికి ఐదేళ్లు పట్టింది. ఎన్టీఆర్ మూవీలో హీరోయిన్‌గా నటిస్తూ.. ఇన్నాళ్ల మిస్టేక్స్‌కు ఫుల్‌స్టాప్‌ పెట్టింది. జాన్వి కపూర్‌ హీరోయిన్‌గా ఎంట్రీ ఇస్తోందని తెలియగానే.. బడా నిర్మాతలు ముంబాయ్‌లో క్యూ కట్టారు. రామ్‌చరణ్‌, ఎన్టీఆర్‌ కి హీరోయిన్‌గా సెలెక్ట్‌ చేసేందుకు ట్రై చేశారు. అయితే.. హిందీ మూవీ ‘ధడక్‌’ మూవీతో తెరంగేట్రం చేసింది. సినిమా రిలీజ్‌ కాకుండానే.. శ్రీదేవి చనిపోవడంతో జాన్వి కెరీర్‌ గాడి తప్పింది. ఈక్రమంలో .. హిందీలో తప్ప సౌత్‌ సినిమాలపై దృష్ట పెట్టలేదు జాన్వి. హిందీలో నటించిన సినిమాలన్నీ ఫ్లాపులు కావడం.. సగం సినిమాలు ఓటీటీకే పరిమితం కావడంతో… ఐదేళ్లయినా.. స్టార్‌డమ్‌ దక్కలేదు.

ఐదేళ్లయినా.. చెప్పుకోవడానికి ఒక్క సినిమా లేకుండా పోయింది. దీంతో… పాన్‌ ఇండియా మూవీస్‌ తీస్తున్న సౌత్‌లో నటిస్తే తప్ప స్టార్‌డమ్‌ రాదనుకున్న జాన్వి… ఇక్కడి మూవీస్‌కు గ్రీన్‌ సిగ్నల్‌ ఇచ్చింది. ఏడాదిపాటు వెయిట్‌ చేస్తే గానీ.. సౌత్‌లో నటించే ఛాన్స్‌ దక్కలేదు. ఎట్టకేలకు ఎన్టీఆర్‌తో జత కడుతూ… ఒక్కసారిగా.. బాలీవుడ్.. సౌత్‌ ఆడియన్స్‌ దృష్టిలో పడింది జాన్వి.

జాన్వి బర్త్‌ డే రోజు… ఎన్టీఆర్‌ 30లో హీరోయిన్‌గా నటిస్తోందంటూ.. ఎనౌన్స్‌ చేశారు మేకర్స్‌. సైడ్‌ లుక్‌లో గ్లామర్‌గా కనిపిస్తూ.. హాఫ్‌ సారీతో పల్లెటూరి అమ్మాయిలా కనిపించింది జాన్వి. సినిమా కథ సముద్రం చుట్టూ తిరగడంతో… ఆమద్య మోషన్‌ పిక్చర్‌లో.. లేటెస్ట్‌గా జాన్వి లుక్‌లోనూ వెనకాల బ్యాక్‌గ్రౌండ్‌గా సముద్రాన్ని సింబాలిక్‌గా పెట్టాడు దర్శకుడు కొరటాల. నెల క్రితమే.. జాన్వి కపూర్‌పై మేకప్‌ టెస్ట్‌ చేశారు. ఈసందర్భంగా జరిగిన ఫొటోషూట్‌ నుంచి ఈ ఫొటోను రిలీజ్‌ చేశారు మేకర్స్‌.

ఎన్టీఆర్‌, కొరటాల మూవీ ఫిబ్రవరి 24న లాంఛనంగా ప్రారంభం కావాల్సి వుండగా.. తారకరత్న చనిపోవడంతో వాయిదావేశారు. ఇంతలో ఎన్టీఆర్‌.. ఆస్కార్‌ ఈవెంట్‌లో పాల్గొనడానికి అమెరికా వెళ్లాడు. ఈక్రమంతో అప్‌సెట్‌ అయిన ఫ్యాన్స్‌ను హుషారెత్తించడానికి జాన్వి ఫొటోను రివీల్‌ చేశారు. ఎన్టీఆర్‌ అమెరికా నుంచి రాగానే… సినిమాను ప్రారంభిస్తారు. శ్రీదేవి పెద్ద ఎన్టీఆర్ సూపర్ హిట్ పెయిర్ గా రికార్డ్స్ సృష్టించారు. ఇప్పుడు జూనియర్ జాన్వీ తో కలసి ఎలాంటి రికార్డ్స్ సృష్టిస్తారో చూడాలి.