పుష్ప 2లో శ్రీలీల ఫైనల్, ఇదే ప్రూఫ్

పుష్ప 2 సినిమా అంచనాలు పీక్స్ లో ఉన్నాయి. సినిమా రిలీజ్ దగ్గర పడుతున్న కొద్దీ ప్రమోషన్స్ కూడా చాలా గ్రాండ్ గా ప్లాన్ చేస్తుంది పుష్ప టీం. సినిమాపై ఉన్న అంచనాలను అందుకోవడానికి సుకుమార్ చాలానే కష్టపడుతున్నాడు.

పుష్ప 2 సినిమా అంచనాలు పీక్స్ లో ఉన్నాయి. సినిమా రిలీజ్ దగ్గర పడుతున్న కొద్దీ ప్రమోషన్స్ కూడా చాలా గ్రాండ్ గా ప్లాన్ చేస్తుంది పుష్ప టీం. సినిమాపై ఉన్న అంచనాలను అందుకోవడానికి సుకుమార్ చాలానే కష్టపడుతున్నాడు. ఏ మాత్రం తేడా వచ్చినా సరే ఆ ప్రభావం బన్నీ కెరీర్ పై పడే ఛాన్స్ ఉంటుంది. అందుకే ఏ ఛాన్స్ తీసుకోవద్దని సినిమా ఆలస్యం అయినా పరవాలేదని బన్నీ కూడా గ్రీన్ సిగ్నల్ ఇచ్చాడు. అందుకే షూట్ ఆలస్యం అయింది. ఇప్పటికి కూడా కొంత షూట్ మిగిలే ఉన్నా ప్రమోషన్స్ మాత్రం స్పీడ్ గా చేస్తున్నారు.

ఓ ఐటెం సాంగ్ షూట్ మాత్రమే మిగిలింది. అది కూడా ఫినిష్ అయితే ఇక ప్రమోషన్స్ వేగం అందుకునే ఛాన్స్ ఉంది. ప్రమోషన్స్ ను వరల్డ్ వైడ్ గా గ్రాండ్ గా చేసేందుకు ఇప్పటికే రూట్ మ్యాప్ కూడా రెడీ చేసుకున్నారు. సినిమాపై అంచనాలు పీక్స్ లో ఉండటంతో మేకర్స్ కూడా ప్రమోషన్స్ ఖర్చు విషయంలో ఎక్కడా రాజీ పడటం లేదు. వరల్డ్ వైడ్ ప్రమోషన్స్ కంటే నార్త్ ఇండియా ప్రమోషన్స్ ను మేకర్స్ చాలా సీరియస్ గా తీసుకున్నారు. సినిమా రిలీజ్ ను ఒక రోజు ముందుకు కూడా జరిపి సినిమాపై హైప్ ఇంకా పెంచారు.

ఇక పుష్ప 2 లో ఐటెం సాంగ్ విషయంలో మాత్రం క్లారిటీ రావడం లేదు. ఐటెం సాంగ్ షూట్ కంప్లీట్ చేస్తారా లేదా అనే దానిపై మేకర్స్ కూడా క్లారిటీ ఇవ్వడం లేదు. సుకుమార్… సాంగ్ విషయంలో పట్టుదలగా ఉన్నాడు. అందుకే… శ్రద్ధ కపూర్ కాకపోయినా శ్రీలీలతో చేయడానికి రెడీ అయ్యాడు. బడ్జెట్ కూడా తగ్గించి ప్లాన్ చెప్పాడు. దీనితో మేకర్స్ గ్రీన్ సిగ్నల్ ఇచ్చారు. సాంగ్ కచ్చితంగా హైలెట్ అవుతుందని సుక్కు ధీమాగా ఉన్నాడు. అందుకే సాంగ్ కోసం భారీగా సెట్ కూడా వేసినట్టు టాక్. ఇక సాంగ్ షూట్ కూడా స్టార్ట్ చేసారు.

దీనికి సంబంధించిన కొన్ని ఫోటోలు ఇప్పుడు సోషల్ మీడియాలో వైరల్ అవుతున్నాయి. హీరోయిన్ శ్రీలీల, బన్నీ ఉన్న ఓ ఫోటో సెన్సేషన్ అవుతోంది. అది ఎంత వరకు నిజం అనేది క్లారిటీ లేదు. అయితే అవి మార్ఫింగ్ చేసిన ఫోటోలు అనే టాక్ వస్తోంది. దీనిపై క్లారిటీ రావాల్సి ఉంది. ఇక పుష్ప ట్రైలర్ ను పాట్నాలో రిలీజ్ చేయడానికి మేకర్స్ రెడీ అయ్యారు. ఇక్కడి నుంచి వారానికి రెండు ఈవెంట్ లు ఉండే ఛాన్స్ ఉంది.