పుష్ప 2 కోసం శ్రీలీల రెమ్యునరేషన్, పాప ఎక్కడా తగ్గట్లా

ఇండియన్ సినిమాలో ఇప్పుడు పుష్ప 2 హాట్ టాపిక్. సినిమా కోసం జనాలు ఓ రేంజ్ లో ఎదురు చూస్తున్నారు. రిలీజ్ దగ్గర పడుతున్న కొద్దీ జనాల్లో హైప్ పెరిగిపోతోంది. అసలు ఏ రేంజ్ లో సుకుమార్ ప్లాన్ చేసాడు అంటూ విదేశాల్లో కూడా భారీగా పుష్ప పై చర్చ జరుగుతోంది.

ఇండియన్ సినిమాలో ఇప్పుడు పుష్ప 2 హాట్ టాపిక్. సినిమా కోసం జనాలు ఓ రేంజ్ లో ఎదురు చూస్తున్నారు. రిలీజ్ దగ్గర పడుతున్న కొద్దీ జనాల్లో హైప్ పెరిగిపోతోంది. అసలు ఏ రేంజ్ లో సుకుమార్ ప్లాన్ చేసాడు అంటూ విదేశాల్లో కూడా భారీగా పుష్ప పై చర్చ జరుగుతోంది. గతంలో ఏ సినిమాకు ఈ రేంజ్ లో క్రేజ్ లేదు. బాహుబలి 2 సమయంలో ఉన్న క్రేజ్ కు మించి పుష్ప 2 పై క్రేజ్ ఉంది. దీనితో మార్కెట్ కూడా భారీగా జరిగే ఛాన్స్ ఉందని అంచనా వేస్తున్నారు. ఓవర్సీస్ లో ఇప్పటికే ప్రీ బుకింగ్ మార్కెట్ మొదలయింది.

దీనితో మన తెలుగు రాష్ట్రాల్లో కూడా ప్రీ బుకింగ్ మార్కెట్ భారీగా జరిగే ఛాన్స్ ఉందని అంచనా వేస్తున్నారు ఫ్యాన్స్. ఇప్పటికే 40 వేల టికెట్ లు అమెరికాలో అమ్ముడు అయ్యాయి అనే ప్రచారం జరుగుతోంది. దేవర సినిమా రికార్డులను ప్రీ రిలీజ్ మార్కెట్ లో పుష్ప 2 బ్రేక్ చేయడం ఖాయంగా కనపడుతోంది. నార్త్ ఇండియాలో భారీగా మార్కెట్ జరిగేలా ప్రమోషన్స్ కూడా ప్లాన్ చేస్తోంది పుష్ప టీం. మొత్తం ఏడు రాష్ట్రాల్లో ప్రీ బుకింగ్ మార్కెట్ భారీగా జరిగేలా స్కెచ్ గీసారు నిర్మాతలు. అక్కడ ప్రమోషన్స్ కోసం ప్రముఖులను వాడాలని డిసైడ్ అయ్యారు.

బాలీవుడ్ లో కూడా సినిమాపై భారీ అంచనాలు ఉండటంతో అక్కడి స్టార్ హీరోలతో ప్రమోషన్ చేయించేలా రెడీ అయ్యారు. ఇక స్టార్ క్రికెటర్లతో కూడా ఆస్ట్రేలియా నుంచి ప్రమోషన్ చేయించాలని అల్లు అర్జున్ ప్లాన్ చేసినట్టు టాక్. ఇదిలా ఉంటే ఈ సినిమాలో ఐటెం సాంగ్ విషయంలో రీసెంట్ గా పుష్ప టీం క్లారిటీ ఇచ్చేసింది. ఎప్పుడు ఫినిష్ చేస్తారు ఇంకా అంటూ ఫ్యాన్స్ ఫైర్ అవుతున్న టైం లో శ్రీ లీలతో ఐటెం సాంగ్ ను కంప్లీట్ చేయించడానికి ఒప్పందం చేసుకున్నారు నిర్మాతలు. ఇప్పటికే సాంగ్ ఆల్మోస్ట్ ఫినిష్ చేసారు అని టాక్.

చంద్రబోస్ ఈ సాంగ్ కు లిరిక్స్ అందించగా… తమన్ మ్యూజిక్ ఇచ్చినట్టు టాక్. ముందు బాలీవుడ్ స్టార్ హీరోయిన్ శ్రద్దా కపూర్ తో ఈ సాంగ్ చేయాలని ప్లాన్ చేసినా… ఆమె భారీగా డిమాండ్ చేసినట్టు వార్తలు వచ్చాయి. అందుకనే శ్రీ లీలతో ఈ సాంగ్ చేసారు. ఇందుకోసం శ్రీలీల రెండు కోట్లు తీసుకుంది. శ్రద్దా అయితే ఏకంగా ఏడు కోట్ల వరకు డిమాండ్ చేసింది. దీనితో మరో ఆలోచన లేకుండా ఆమెను పక్కన పెట్టారు నిర్మాతలు. త్వరలోనే సాంగ్ ప్రోమో కూడా రిలీజ్ అయ్యే ఛాన్స్ ఉంది.