సుక్కు ప్లానింగ్ గట్టిదే, పుష్ప 2 అల్లాడిస్తుందా…?

బాహుబలి 2 సినిమాకు రెండేళ్ళు పడితే పుష్ప 2కు మూడేళ్ళకు పైగా పడుతోంది. బాహుబలి రేంజ్ కు మించి ఉంటుందేమో అని ఫ్యాన్స్ కళ్ళు కాయలు కాసేలా ఎదురు చూస్తున్నారు. అల్లు అర్జున్ ఇప్పుడు పుష్ప సినిమా కోసమే దాదాపు ఆరేళ్ళ నుంచి కష్టపడుతున్నాడు.

బాహుబలి 2 సినిమాకు రెండేళ్ళు పడితే పుష్ప 2కు మూడేళ్ళకు పైగా పడుతోంది. బాహుబలి రేంజ్ కు మించి ఉంటుందేమో అని ఫ్యాన్స్ కళ్ళు కాయలు కాసేలా ఎదురు చూస్తున్నారు. అల్లు అర్జున్ ఇప్పుడు పుష్ప సినిమా కోసమే దాదాపు ఆరేళ్ళ నుంచి కష్టపడుతున్నాడు. అలాంటిది ఈ సినిమా ఇంకా ఇంకా ఆలాస్యమవుతునే ఉంది. ఇక సినిమాపై ఉన్న అంచనాలను అందుకోవడానికి సినిమాను జనాలు ట్రోల్ చేయకుండా ఉండటానికి అల్లు అర్జున్ చాలానే కష్టపడుతున్నాడు. ఇక సుకుమార్ కూడా ఎప్పుడూ లేని విధంగా కొన్ని సీన్స్ ని రీ షూట్ చేస్తున్నాడు.

ఇక ఈ సినిమా విషయంలో అల్లు అర్జున్ కాస్త అసహనంగా ఉన్నాడని వార్తలు వచ్చినా… కావాలనే సినిమాను వాయిదా వేశాడని, సుకుమార్… అల్లు అర్జున్ ఇద్దరూ సినిమా విషయంలో ప్లానింగ్ తో అడుగులు వేస్తున్నారని అంటున్నారు. ఇక ఇప్పుడు సినిమాను బాలీవుడ్ లో కూడా ఓ రేంజ్ లో ఆడించాలని సుకుమార్ గట్టిగానే ప్లాన్ చేస్తున్నట్టు అర్ధమవుతోంది. బాలీవుడ్ యాక్టర్ కూడా ఈ సినిమా షూట్ లో పాల్గొన్నాడు అనే విషయం నటుడు బ్రహ్మాజీ సోషల్ మీడియాలో పోస్ట్ చేసిన ఫోటోతో క్లారిటీ వచ్చేసింది.

యానిమల్ సినిమాలో సౌరభ్ సచ్ దేవ్… విలన్ బాబీ డియోల్ కు తమ్ముడిగా నటించాడు. ఆ పాత్రకు మంచి మార్కులు పడ్డాయి. ఇప్పుడు పుష్ప 2 లో కూడా అతను కనపడటంతో ఆసలు సుకుమార్ ఏ రేంజ్ లో ప్లాన్ చేసాడు అంటూ ఫ్యాన్స్ పిచ్చెక్కిపోతున్నారు. సినిమా విషయంలో సుకుమార్ చాలా సీరియస్ గా ఉన్నాడనేది స్పష్టంగా అర్ధమవుతుంది. ఏ రూపంలో కూడా ట్రోల్ చేయవద్దని సుకుమార్… తీవ్రంగా కష్టపడుతున్నాడు. ఇదే సమయంలో కేరళతో పాటుగా బాలీవుడ్ మార్కెట్ కు కూడా గురిపెట్టాడు.

క్రిస్మస్ సందర్భంగా సినిమా విడుదల కానుంది. ఈ సినిమాతో భారీ రికార్డులు కొల్లగొట్టాలని బన్నీ టార్గెట్ పెట్టుకున్నాడు. ప్రీ బుకింగ్ మార్కెట్ ను కూడా భారీగా జరిగే రేంజ్ లో ప్లాన్ చేస్తున్నారు. అందుకే ట్రైలర్ విషయంలో పక్కా జాగ్రత్తలు తీసుకుంటున్నారు. త్వరలోనే ట్రైలర్ కూడా విడుదల కానున్న సంగతి తెలిసిందే. సినిమా ఆలస్యం అయినా బొమ్మ చరిత్ర తిరగరాయాలి అనేది టార్గెట్. ఇక పుష్ప 2 పార్ట్ లతో ఆగే ఛాన్స్ లేదని… మూడో పార్ట్ కూడా ఉంటుందని అంటున్నారు. అయితే మూడో పార్ట్ కి మాత్రం కాస్త గ్యాప్ వచ్చే ఛాన్స్ ఉంటుందని టాక్ నడుస్తోంది. కేజిఎఫ్ సీరీస్ తరహాలో మూడు పార్ట్ లు తీసుకు రావాలని సుక్కు ప్లాన్ చేస్తున్నాడట. మరి ఏం జరుగుతుందో చూడాలి.