సుకుమార్ మాస్, పుష్ప 2లో మరో క్రికెటర్

పుష్ప సినిమాతో టాలీవుడ్ కు మార్కెటింగ్ అంటే ఏ రేంజ్ లో ఉండాలో ప్రూవ్ చేసాడు అల్లు అర్జున్. ఈ సినిమా దెబ్బకు ప్రపంచ వ్యాప్తంగా తెలుగు సినిమా పేరు మార్మోగిన మాట వాస్తవం. ఇప్పుడు పుష్ప 2 సినిమా ఏ రేంజ్ లో సంచలనాలు నమోదు చేస్తుందో అని అందరూ ఆశగా ఎదురు చూస్తున్నారు.

పుష్ప సినిమాతో టాలీవుడ్ కు మార్కెటింగ్ అంటే ఏ రేంజ్ లో ఉండాలో ప్రూవ్ చేసాడు అల్లు అర్జున్. ఈ సినిమా దెబ్బకు ప్రపంచ వ్యాప్తంగా తెలుగు సినిమా పేరు మార్మోగిన మాట వాస్తవం. ఇప్పుడు పుష్ప 2 సినిమా ఏ రేంజ్ లో సంచలనాలు నమోదు చేస్తుందో అని అందరూ ఆశగా ఎదురు చూస్తున్నారు. ఇక పుష్ప 2 లో కొత్త నటులు కూడా ఉండే అవకాశం ఉందనే ప్రచారం సైతం జరుగుతోంది. విరామం తర్వాత ఇటీవల ఈ సినిమా షూట్ చాలా స్పీడ్ గా పూర్తి చేస్తోంది చిత్ర యూనిట్. త్వరలోనే కొన్ని కీలక సన్నివేశాలను కూడా షూట్ చేస్తారు.

ప్రస్తుతం ఈ సినిమా షూట్ కాకినాడలో నిర్వహిస్తున్నారు. రాత్రి సమయాల్లో చేజింగ్ సీన్స్ ని కాకినాడలో చేసే అవకాశం ఉందని తెలుస్తోంది. ఇక ఇదిలా ఉంచితే ఇప్పుడు ఈ సినిమాలో ఇద్దరు క్రికెటర్లు నటించే అవకాశం ఉందనే వార్తలు వస్తున్నాయి. ఒకరు ఆస్ట్రేలియా క్రికెటర్ డేవిడ్ వార్నర్ కాగా మరొకరు రవీంద్ర జడేజా అని తెలుస్తోంది. జడేజాతో ఇప్పటికే చర్చలు కూడా జరిపింది పుష్ప టీం. పుష్ప మొదటి పార్ట్ కి జడేజా ప్రమోషన్ కూడా చేసాడు గ్రౌండ్ లో. అలాగే పలు సందర్భాల్లో. దానికి మంచి స్పందన వచ్చింది.

ఇక ఇప్పుడు జడేజాను ఈ సినిమాలో తీసుకుంటే కచ్చితంగా సినిమాకు నార్త్ మార్కెట్ భారీగా పెరిగే ఛాన్స్ ఉందని భావిస్తున్నాడు సుకుమార్ అలాగే అల్లు అర్జున్ కూడా. ఇప్పటికే జడేజా షూట్ కి కూడా ఓకే చెప్పాడని… అయితే ఆ షూట్ న్యూజిలాండ్ తో టెస్ట్ సీరీస్ మధ్యలో లేదా ఆస్ట్రేలియా పర్యటనకు వెళ్ళే ముందు అని చెప్పినట్టు సమాచారం. వరుస సీరీస్ లతో జడేజా బిజీగా ఉన్న నేపధ్యంలో ఎప్పుడు షూట్ పూర్తి చేయాలనే దానిపై టీం చర్చలు జరుపుతోంది. ఒక యాక్షన్ సీక్వెన్స్ లేదా పవర్ ఫుల్ రోల్ లో అతన్ని చూపిస్తారు.

ఇంటర్నేషనల్ డాన్ గా డేవిడ్ వార్నర్ కనపడే అవకాశం ఉందని టాక్. దీనికి సంబంధించి ఇటీవల కొన్ని లుక్స్ కూడా వైరల్ అయ్యాయి. దీనితో అసలు సుకుమార్ ఏ రేంజ్ లో ప్లాన్ చేసాడో అంటూ ఫ్యాన్స్ ఇప్పుడు ఆసక్తిగా ఎదురు చూస్తున్నారు. ఇక జడేజా ఉంటే మాత్రం ప్రమోషన్ పరంగా కూడా హెల్ప్ అయ్యే ఛాన్స్ ఉంది. తగ్గేదే రేంజ్ లో మరో మేనరిజం కూడా పుష్ప 2 లో ఉంటుందని టాక్. ప్రస్తుతం ఫాహాద్ ఫాజిల్ తో షూట్ ని పూర్తి చేస్తున్నారు. ఇక అల్లు అర్జున్ తో మారేడుమిల్లి అడవుల్లో కొంత షూట్ పూర్తి చేయాల్సి ఉంది.