Double Ismart teaser : ఉరమాస్ గా ‘డబుల్ ఇస్మార్ట్’ టీజర్.

హిట్టయిన సినిమాకు సీక్వెల్‌ తెరకెక్కుతుందంటే ఆడియెన్స్ లో ఉండే ఎక్స్‌పెక్టేషన్స్ అన్నీ ఇన్నీ కావు. ఈ సారి డబుల్ ఎంటర్‌టైనమెంట్, ఎగ్‌జైట్‌మెంట్ గ్యారెంటీ అంటూ తిరుగులేని అంచనాలు పెట్టుకుంటుంటారు.

 

 

 

హిట్టయిన సినిమాకు సీక్వెల్‌ తెరకెక్కుతుందంటే ఆడియెన్స్ లో ఉండే ఎక్స్‌పెక్టేషన్స్ అన్నీ ఇన్నీ కావు. ఈ సారి డబుల్ ఎంటర్‌టైనమెంట్, ఎగ్‌జైట్‌మెంట్ గ్యారెంటీ అంటూ తిరుగులేని అంచనాలు పెట్టుకుంటుంటారు. కాగా అలాంటి అంచనాలతో రూపొందుతున్న సినిమా డబుల్‌ ఇస్మార్ట్‌. ఐదేళ్ల కిందట బాక్సాఫీస్‌ దగ్గర ఇస్మార్ట్‌ శంకర్‌ కొల్లగొట్టిన రికార్డులు అంతా ఇంతా కాదు. ఇప్పటికీ టాలీవుడ్‌ మోస్ట్‌ ప్రాఫిటెబుల్‌ మూవీస్‌ లిస్ట్‌లో ఇది ఒకటి. సినిమా కొన్న బయ్యర్లకు రెట్టింపు లాభాలు తెచ్చిపెట్టింది. ఇక అప్పటివరకు లవర్‌ బాయ్‌ రోల్స్‌తో అదరగొట్టిన రామ్‌ పోతినేని.. తొలిసారి మాస్‌ క్యారెక్టర్‌లో ఇరగదీశాడు. ఈ సినిమాతో రామ్‌కు మాస్‌ ఆడియెన్స్ లో విపరీతమైన క్రేజ్‌ వచ్చింది.

గతేడాది జులై లో సెట్స్ మీదకు వెళ్లిన డబుల్ ఇస్మార్ట్.. బ్యాక్ టు బ్యాక్ షెడ్యూల్స్ తో శరవేగంగా షూటింగ్ కంప్లీట్ చేసకుంటుంది. ఓ వైపు లైగర్ తో భారీ దెబ్బ తిన్న పూరి.. ఈ సారి ఎలాగైనా మాస్ కంబ్యాక్ ఇవ్వాలని కసితో డబుల్ ఇస్మార్ట్ ను తెరకెక్కిస్తున్నాడు. పైగా సంజయ్ దత్ వంటి బాలీవుడ్ స్టార్ ను రంగంలోకి దింపడంతో ఈ సినిమాపై ఆడియెన్స్ లో అంచనాలు ఒక్కసారిగా ఎగబాకాయి. నిజానికి ఈ సినిమాను ఏప్రిల్ మంథ్ లోనే రిలీజ్ చేయాలని సన్నాహాలు చేశారు కానీ.. కుదరలేదు. ఇక ఇదిలా ఉంటే తాజాగా మేకర్స్ ఈ సినిమా టీజర్ ను రిలీజ్ చేశారు.

టీజర్ తో … సినిమా ఏ రేంజ్ లో ఉండబోతుందో అన్న చిన్న క్లారిటీ వచ్చేసింది. టైటిల్ కు తగ్గట్టు గానే.. డబుల్ మాస్ ట్రీట్ సినిమాలో ఉండబోతుందని టీజర్ తో మేకర్స్ క్లారిటీ ఇచ్చేశారు. బీ,సీ సెంటర్ ల ఆడియెన్స్ కు ఏలాంటి స్టఫ్ కావాలో.. డబుల్ ఇస్మార్ట్ లో అది పుష్కలంగా ఉండబోతుందని క్లారిటీ వచ్చేసింది. సంజయ్ దత్, రామ్ పోతినేని.. ఫేసాఫ్ నెక్స్ట్ లెవల్లో ఉండబోతుందని తెలుస్తుంది. అయితే దాదాపు ఇస్మార్ట్ శంకర్ ఛాయలే టీజర్ లో కనిపిస్తున్నాయి. చాలా రోజుల తర్వాత అలీకి మంచి రోల్ పడ్డట్లు తెలుస్తుంది. మొత్తానికి టీజర్ మాత్రం ఊరమాస్ గా ఉంది. ఏ సెంటర్ ఆడియెన్స్ కు అంతగా కనెక్ట్ అవ్వకపోవచ్చు కానీ.. మాస్ ఆడియెన్స్ కు పండగలానే ఉంది. తొలిపార్టు లానే.. ఓ మిషన్ లో భాగంగానే, రామ్ ను వాడుకోబోతున్నారని స్పష్టంగా తెలుస్తుంది.