Indian 2 : భార‌తీయుడు మళ్ళీ వస్తున్నాడు…

యూనివ‌ర్స‌ల్ స్టార్ క‌మ‌ల్ హాస‌న్ (Kamal Haasan), స్టార్ డైరెక్ట‌ర్ శంక‌ర్ కాంబినేషన్ లో రూపొందుతోన్న చిత్రం 'భార‌తీయుడు 2'.

యూనివ‌ర్స‌ల్ స్టార్ క‌మ‌ల్ హాస‌న్ (Kamal Haasan), స్టార్ డైరెక్ట‌ర్ శంక‌ర్ కాంబినేషన్ లో రూపొందుతోన్న చిత్రం ‘భార‌తీయుడు 2’. ‘భార‌తీయుడు’ బ్లాక్ బస్ట‌ర్ త‌ర్వాత వీరి కాంబోలో రాబోతున్న ఈ సినిమా కోసం అంద‌రూ ఎంతో ఆతృత‌గా ఎదురుచూస్తున్నారు.

అవినీతికి వ్య‌తిరేకంగా పోరాటం చేసిన సేనాప‌తిగా ‘భార‌తీయుడు’ చిత్రంలో క‌మ‌ల్ హాస‌న్ ఆకట్టుకున్నారు. ఈ చిత్రానికి సీక్వెల్‌గా ‘భార‌తీయుడు 2’ రానుండ‌టంతో మూవీపై భారీ అంచనాలు నెల‌కొన్నాయి. ప్రస్తుతం సినిమా పోస్ట్ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. మే నెలాఖ‌రున ట్రైల‌ర్‌ను విడుదల చేయాలని చిత్ర యూనిట్ ప్లాన్ చేస్తోంది. అలాగే జూన్‌లో ఈ చిత్రాన్ని ప్ర‌పంచ వ్యాప్తంగా విడుద‌ల చేయనున్నట్లు మేకర్స్ ప్రకటించారు. ఇండియన్ 2 (Indian 2) పేరుతో త‌మిళంలో, భార‌తీయుడు 2 పేరుతో తెలుగు, హిందుస్థానీ 2 (Hindustani 2) పేరుతో హిందీలో ప్ర‌పంచ వ్యాప్తంగా విడుద‌ల చేయ‌టానికి స‌న్నాహాలు చేస్తున్నారు.

లైకా ప్రొడ‌క్ష‌న్స్‌, రెడ్ జైంట్ మూవీస్ రూపొందిస్తోన్న ఈ చిత్రంలో సిద్ధార్థ్‌, కాజ‌ల్ అగ‌ర్వాల్‌, ర‌కుల్ ప్రీత్ సింగ్, ప్రియా భ‌వానీ శంక‌ర్‌, ఎస్‌.జె.సూర్య‌ (SJ Surya), బాబీ సింహ త‌దిత‌రులు ఇత‌ర కీల‌క పాత్ర‌ల్లో న‌టిస్తున్నారు. ర‌వివ‌ర్మ‌న్ సినిమాటోగ్ర‌ఫీ అందిస్తోన్న ఈ చిత్రానికి అనిరుద్ ర‌విచంద్ర‌న్ సంగీతాన్ని అందిస్తున్నారు. ఎడిట‌ర్‌ గా ఎ.శ్రీక‌ర ప్ర‌సాద్ , ప్రొడ‌క్ష‌న్ డిజైన‌ర్‌గా టి.ముత్తురాజ్ గా వ‌ర్క్ చేస్తున్నారు.