దేవర నుంచి పుష్ప వరకు… ఆ ఇద్దరే దిక్కు అయ్యారా…?

పాన్ ఇండియా సినిమాలను ప్రమోషన్ చేయడం అనేది ఇప్పుడు ఒక సవాల్. ఏ భాషలో అయినా సరే సినిమాలను ప్రమోషన్ చేయడానికి నానా కష్టాలు పడుతూ ఉంటారు. మన స్టార్ హీరోలు ఇప్పుడు పాన్ ఇండియా లెవెల్ లో సినిమాలను ప్రమోట్ చేయడానికి హడావుడి పడుతున్నారు.

పాన్ ఇండియా సినిమాలను ప్రమోషన్ చేయడం అనేది ఇప్పుడు ఒక సవాల్. ఏ భాషలో అయినా సరే సినిమాలను ప్రమోషన్ చేయడానికి నానా కష్టాలు పడుతూ ఉంటారు. మన స్టార్ హీరోలు ఇప్పుడు పాన్ ఇండియా లెవెల్ లో సినిమాలను ప్రమోట్ చేయడానికి హడావుడి పడుతున్నారు. కొత్త కొత్తగా ఆలోచిస్తూ… సినిమాలను ప్రమోట్ చేస్తూ సోషల్ మీడియాలో ట్రేండింగ్ లో ఉంచుతున్నారు. ముఖ్యంగా ఇంటర్వ్యూలు సినిమాలకు బాగా ప్లస్ అవుతున్నాయి. ఈ ఇంటర్వ్యూలు ఒకప్పుడు యాంకర్స్ తో చేసేవారు.

ఇప్పుడు స్వయంగా హీరోలు, ఇతర నటులతో చేస్తూ మార్కెట్ పెంచుకునే ప్రయత్నం చేస్తున్నారు. ఇందుకోసం మన తెలుగులో ఓ ఇద్దరు యువ హీరోలు మన పాన్ ఇండియా స్టార్లకు దిక్కు అయ్యారు. ఆ ఇద్దరే సిద్దు జొన్నలగడ్డ, విశ్వక్ సేన్. తమ సినిమాలను ఈ హీరోలు ఎంత ప్రమోట్ చేసుకుంటున్నారో తెలియదు గాని… స్టార్ హీరోల సినిమాలకు మాత్రం బాగా ప్లస్ అవుతున్నారు. దేవర సినిమాకు ఈ ఇద్దరూ బాగా హెల్ప్ అయ్యారు. ఎన్టీఆర్ తో… విశ్వక్సేన్, సిద్దు చేసిన ఇంటర్వ్యూ సోషల్ మీడియాలో యమా వైరాల్ అయింది.

అందులో సిద్ధూ అడిగిన ప్రశ్నలకు ఎన్టీఆర్ ఇచ్చిన ఆన్సర్లకు సంబంధించిన రీల్స్ సోషల్ మీడియాను ఊపెస్తున్నాయి ఇప్పటికీ. ఇక ఇప్పుడు పుష్ప 2 విషయంలో బన్నీ కూడా ఆ ఇద్దరినే నమ్ముకున్నాడు అంటున్నారు టాలీవుడ్ జనాలు. ఎస్ జరుగుతుంది చూస్తుంటే అదే నిజం అంటున్నాయి టాలీవుడ్ సర్కిల్స్. అన్ స్టాపబుల్ షోకు అటెండ్ అయిన బన్నీ… సిద్దూ తన ఫేవరేట్ హీరో అని చెప్పుకొచ్చాడు. విశ్వక్సేన్ సినిమాలు తనకు బాగా నచ్చుతాయని… కాని సిద్దూ సినిమాలను బాగా ఇష్టపడతా అని తన ఫేవరేట్ హీరో అన్నాడు.

దీని బట్టి చూస్తుంటే త్వరలోనే ఈ ఇద్దరితో పుష్ప కూడా ఓ లైవ్ ఇంటర్వ్యూ ప్లాన్ చేసినట్టే కనపడుతోంది అంటున్నారు ఆడియన్స్. యాంకర్స్ కంటే మంచి క్వశ్చన్స్ అడగడం… ఆ ఇద్దరికీ సెన్స్ ఆఫ్ హ్యూమర్ కూడా ఎక్కువగా ఉండటంతో ఇంటర్వ్యూలు బాగా వైరల్ అవుతున్నాయి. అందుకే ఇప్పుడు మన హీరోలు అందరూ ఆ ఇద్దరి వెంట పడుతున్నారు. ఆ ఇద్దరూ కూడా తమ సినిమాలకు స్టార్లను వాడుకునే పనిలో పడ్డారు. ఇచ్చి పుచ్చుకునే కార్యక్రమంలో ఇద్దరూ ఆరి తెరిపోయారు అనే చెప్పాలి. మరి పుష్ప ఇంటర్వ్యూ ఉంటుందో లేదో చూడాలి. కాగా పుష్ప 2 వచ్చే నెల 5 న ప్రేక్షకుల ముందుకు రానుంది.