అన్ స్టాపబుల్ సీజన్ 4 లో జూనియర్ ఎన్టీఆర్, కళ్యాణ్ రామ్, నందమూరి అభిమానులకు పండుగ

నట సింహం నందమూరి బాలకృష్ణకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. బాలయ్య సినిమాల కోసం ఫ్యాన్స్ కళ్ళు కాయలు కాసేలా ఎదురు చూస్తూ ఉంటారు. అఖండ సినిమా తర్వాత బాలయ్యకు అన్ని వర్గాల ప్రేక్షకుల్లో క్రేజ్ వచ్చిన మాట వాస్తవం.

నట సింహం నందమూరి బాలకృష్ణకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. బాలయ్య సినిమాల కోసం ఫ్యాన్స్ కళ్ళు కాయలు కాసేలా ఎదురు చూస్తూ ఉంటారు. అఖండ సినిమా తర్వాత బాలయ్యకు అన్ని వర్గాల ప్రేక్షకుల్లో క్రేజ్ వచ్చిన మాట వాస్తవం. ఇప్పుడు ఆయన యువ హీరోల కంటే స్పీడ్ గా సినిమాలు చేసేస్తున్నారు. వచ్చే ఏడాది బాలకృష్ణ రెండు సినిమాలను విడుదల చేసే ఛాన్స్ పక్కాగా కనపడుతోంది. ఇక తాజాగా బోయపాటి దర్శకత్వంలో బాలయ్య మరో సినిమాను ప్రకటించారు.

ఈ సినిమాకు నిర్మాతగా బాలయ్య చిన్న కుమార్తె వ్యవహరిస్తున్నారు. ఇక వచ్చే ఏడాది ఆగస్ట్ లేదా డిసెంబర్ లో బోయపాటితో బాలయ్య చేసే సినిమా విడుదల కానుందని తెలుస్తోంది. ఇక బాలకృష్ణ ప్రస్తుతం ఆహాతో కూడా బిజీగానే ఉన్న మాట వాస్తవం. ఆహాలో బాలయ్య అన్ స్టాపబుల్ సీజన్ 4 లో కనపడుతున్న సంగతి తెలిసిందే. మొదటి రెండు సీజన్ లు సూపర్ హిట్ కాగా మూడో సీజన్ అంతగా ఆకట్టుకోలేదు. దీనితో నాలుగో సీజన్ ను గ్రాండ్ గా ప్లాన్ చేసి తీసుకొస్తుంది ఆహా. దీనికి సంబంధించి ఇప్పటికే కొన్ని ఎపిసోడ్ లు కూడా షూట్ చేసారు.

ఈ నెల 24 నుంచి ఆహాలో సీజన్ 4 ప్రసారం కానున్న సంగతి తెలిసిందే. ఇక తాజాగా సూపర్ హీరోగా బాలకృష్ణ కనపడే ఓ లుక్ ని సీజన్ 4 ట్రైలర్ ని ఆహా విడుదల చేయగా మంచి స్పందన వచ్చింది. పండుగ సమయం వచ్చేసింది అంటూ ఇందులో సూపర్ హీరో అవతార్ లో బాలయ్య చెప్పిన డైలాగ్ లు ఆకట్టుకున్నాయి. ఇక ఈ సీజన్ లో వచ్చే గెస్ట్ లు ఎవరు అనే దానిపై ఆసక్తి నెలకొంది. ఏపీ సిఎం చంద్రబాబు నాయుడు, ఆయన సతీమణి భువనేశ్వరి వచ్చే అవకాశం ఉందని తెలుస్తోంది. అలాగే జూనియర్ ఎన్టీఆర్ కూడా వచ్చే అవకాశం ఉందని టాక్.

అలాగే రజనీ కాంత్ ని కూడా ఆహ్వానించే ఛాన్స్ కనపడుతోంది. అలాగే కన్నడ నటుడు శివ రాజ్ కుమార్ తో కూడా ఆహా చర్చలు జరిపినట్టు తెలుస్తోంది. అలాగే ఉప ముఖ్యమంత్రి పవన్ కళ్యాణ్… తన భార్య తో కలిసి రానున్నారని తెలుస్తోంది. ఇలా ఈ సీజన్ ను గ్రాండ్ గా ఉండేలా ఆహా ప్లాన్ చేస్తోంది. జూనియర్ ఎన్టీఆర్, కళ్యాణ్ రామ్ కలిసి వచ్చే అవకాశం ఉందని టాలీవుడ్ వర్గాలు అంటున్నాయి. ఏది ఎలా ఉన్నా సీజన్ 4 పై ఉన్న అంచనాలు మాత్రం పీక్స్ లో ఉన్నాయి. ఇలా బాలయ్య అభిమానులకు దసరా రోజు రెండు గుడ్ న్యూస్ లు చెప్పారు. ఒకటి బోయపాటితో సినిమా రెండు సీజన్ 4.