హమ్మయ్య.. విశ్వంభర రిలీజ్ డేట్ ఫిక్స్.. ఖతర్నాక్ డేట్ లాక్ చేసుకున్న చిరంజీవి..!

అప్పుడెప్పుడో 2024 నవంబర్ లోనే విశ్వంభర షూటింగ్ పూర్తయింది. సినిమా కూడా సంక్రాంతికి రావాలి. కానీ రామ్ చరణ్ గేమ్ ఛేంజర్ కోసం తన సినిమా వాయిదా వేసుకున్నాడు చిరంజీవి.

అప్పుడెప్పుడో 2024 నవంబర్ లోనే విశ్వంభర షూటింగ్ పూర్తయింది. సినిమా కూడా సంక్రాంతికి రావాలి. కానీ రామ్ చరణ్ గేమ్ ఛేంజర్ కోసం తన సినిమా వాయిదా వేసుకున్నాడు చిరంజీవి. దాంతో పాటు సినిమాలో కొన్ని విజువల్ ఎఫెక్ట్స్ కూడా బాగాలేవు అని మరోసారి దాని మీద రీ వర్క్ చేస్తున్నారు. కొన్ని సన్నివేశాలు కూడా మళ్లీ యాడ్ చేశారు. సెకండ్ హాఫ్ లో కనెక్టివిటీ మిస్ అవుతుందని.. ప్రత్యేకంగా మళ్ళీ రెండు మూడు సన్నివేశాలు ఈ మధ్య షూట్ చేశారు. అయితే ఈ సినిమా అనౌన్స్ చేసినప్పుడు వచ్చిన బజ్.. టీజర్ విడుదల తర్వాత కనిపించట్లేదు అనేది కాదనలేని వాస్తవం. సినిమాలో విఎఫ్ఎక్స్ మరీ దారుణంగా ఉన్నాయని.. ఇంత అడ్వాన్సుడ్ టెక్నాలజీ ఉన్న టైంలో కూడా ఏదో తూతూ మంత్రంగా గ్రాఫిక్స్ పూర్తి చేయడం అభిమానులకు అసలు నచ్చడం లేదు.

చిరంజీవి వరకు ఈ కంప్లైంట్ వెళ్ళింది. అందుకే ఆయన కూడా రిలీజ్ లేట్ అయిన పర్లేదు కానీ.. క్వాలిటీ అవుట్ పుట్ కావాలి అన్నాడు. దానికోసమే సమ్మర్ కూడా కాదని మరో రిలీజ్ డేట్ కోసం వెళ్తుంది విశ్వంభర. నిజానికి మే 9న ఈ సినిమా విడుదల చేయాలి అనుకున్నారు. షూట్ అయిపోయింది.. పోస్ట్ ప్రొడక్షన్ కూడా వేగంగా జరుగుతుంది.. గ్రాఫిక్స్ వర్క్స్ కూడా నడుస్తున్నాయి.. అనుకుంటే సమ్మర్లో విశ్వంభర సినిమాను విడుదల చేయొచ్చు. కానీ రిస్క్ తీసుకోవడానికి చిరంజీవి అస్సలు సిద్ధంగా లేడు. ఎందుకంటే ఈయన గత సినిమా భోళా శంకర్ దారుణంగా నిరాశపరిచింది. మెహర్ రమేష్ తెరకెక్కించిన ఈ సినిమా రెండో రోజే థియేటర్ నుంచి బయటకు వెళ్లిపోయింది. ఈ మధ్య కాలంలో చిరంజీవి ఇంత పెద్ద ఫ్లాప్ చూడలేదు. అందుకే నెక్స్ట్ రాబోయే సినిమా ఖచ్చితంగా బాగుండాలి అని కసితో ఉన్నాడు మెగాస్టార్. కావాల్సినంత టైం తీసుకోండి కానీ అరకొర ఔట్ పుట్ మాత్రం ఇవ్వద్దు అంటున్నాడు.

పరిస్థితులు చూస్తుంటే విశ్వంభర సినిమా కోసం మరో రెండు నెలలు పోస్ట్ ప్రొడక్షన్ చేయాల్సిన అవసరం కనిపించేలా ఉంది. ఈ లెక్కన సమ్మర్ నుంచి ఈ సినిమా తప్పుకున్నట్టే. మరి కొత్త రిలీజ్ డేట్ ఎప్పుడు అని అభిమానులు ఎదురుచూస్తున్న సమయంలో.. అదిరిపోయే డేట్ పట్టుకున్నాడు చిరంజీవి. అది ఇంకేదో కాదు ఆగస్టు 22. ఆ డేట్ కు ఉన్న ప్రత్యేకత గురించి ప్రత్యేకంగా చెప్పాల్సిన పనిలేదు. చిరంజీవి పుట్టినరోజు నాడే విశ్వంభర విడుదల కానుందని తెలుస్తుంది. దీనికి సంబంధించిన అధికారిక ప్రకటన త్వరలోనే రానుంది. ఇందులో త్రిష మెయిన్ హీరోయిన్ గా నటిస్తుంటే.. సురభి, ఆషిక రంగనాథ్ లాంటి వాళ్ళు కీలక పాత్రలు చేస్తున్నారు. దాదాపు 30 ఏళ్ల తర్వాత చిరంజీవి సినిమాకు కీరవాణి సంగీతం అందిస్తున్నాడు. మరి ఈ సినిమాతో చిరంజీవి మళ్ళీ హిట్ కొడతాడా లేదా అనేది చూడాలి.