రాజస్థాన్ లో మహేష్ ఏం చేస్తున్నాడు…? జక్కన్న టార్గెట్ ఏంటీ…?

ఏ మాటకు ఆ మాట సూపర్ స్టార్ మహేష్ బాబు సినిమాలు అంటే ఆయన పడే కష్టం పెద్దగా ఏం ఉండదు. ఎప్పుడూ ఒకటే యాక్షన్, ఒకటే డాన్స్... ఒకటే డైలాగ్ డెలివరి అనే ఫీల్ జనాల్లో ఉంటుంది. మహేష్ ఇమేజ్ కారణంగా లేదంటే కథలో ఉన్న పట్టు కారణంగా ఆయన సినిమాలు హిట్ అవుతూ ఉంటాయి.

ఏ మాటకు ఆ మాట సూపర్ స్టార్ మహేష్ బాబు సినిమాలు అంటే ఆయన పడే కష్టం పెద్దగా ఏం ఉండదు. ఎప్పుడూ ఒకటే యాక్షన్, ఒకటే డాన్స్… ఒకటే డైలాగ్ డెలివరి అనే ఫీల్ జనాల్లో ఉంటుంది. మహేష్ ఇమేజ్ కారణంగా లేదంటే కథలో ఉన్న పట్టు కారణంగా ఆయన సినిమాలు హిట్ అవుతూ ఉంటాయి. ఈ మధ్య కాలంలో మహేష్ డాన్స్ మీద కాస్త ఫోకస్ చేసాడు గాని గతంలో ఆయనకు డాన్స్ పెద్ద మైనస్ అనే టాక్ ఉండేది. ఇన్నాళ్ళు తనకు ఉన్న స్టార్ ఇమేజ్ తో మహేష్ హిట్స్ కొట్టినా ఇప్పుడు మాత్రం కష్టపడే పరిస్థితి వచ్చింది.

రాజమౌళి తో సినిమా అంటే రిజల్ట్ ఊహించుకోవడం కంటే ముందు కష్టపడటం కూడా ఊహించుకోవాలి. సినిమాలో ఏ కోణంలో జక్కన్న హీరోని చూడాలి అనుకుంటే ఆ కోణం చూపించాల్సిందే. అందుకే ఇప్పటి వరకు ఆయనతో సినిమా చేసిన హీరోలు ఎవరూ ఫ్లాప్ ఎదుర్కోలేదు. ఇప్పుడు జక్కన్న మహేష్ బాబుతో సినిమా చేస్తున్నాడు. ఈ సినిమాను హాలీవుడ్ రేంజ్ లో తీసేందుకు ప్లాన్ చేసాడు. ఇండియాలో హాలీవుడ్ హీరో లుక్స్ ఉండేది మహేష్ బాబుకే. అందుకే మహేష్ ను జుట్టు, గడ్డం పెంచమని చెప్పాడు జక్కన్న.

రీసెంట్ గా ఒక ఫోటోని జక్కన్న తన సోషల్ హ్యాండిల్స్ లో రిలీజ్ చేసాడు. కెన్యాలోని వైల్డ్ లైఫ్ సఫారిలో జక్కన్న ఉన్నాడు. ఆ వీడియో, ఫోటో ఇప్పుడు సోషల్ మీడియాలో ఓ రేంజ్ లో వైరల్ అవుతున్నాయి. ఆఫ్రికా అంటేనే వేడికి మైండ్ పని చేయదు. అక్కడ హీరో ఇంట్రో సీన్ ప్లాన్ చేసాడు జక్కన్న. అందుకే అడవి జంతువుల మధ్యలో తిరుగుతూ లొకేషన్ ఫైనల్ చేస్తున్నాడు. గతంలో ఆయన ఏ సినిమాకు ఈ రేంజ్ లో వర్క్ చేయలేదు అనే చెప్పాలి. కాని ఇప్పుడు మాత్రం కాస్త సీరియస్ గా… లొకేషన్ ఫైనల్ చేస్తున్నారు.

ఇప్పుడు ఆ ఎండలో మహేష్ తిరగాలి అంటే మహేష్ కు ఫిట్నెస్ చాలా అవసరం. అందుకే ఇప్పుడు ఎండల్లో కాస్త ఎక్కువగా కష్టపడుతున్నాడు. అందుకే రాజస్థాన్ వెళ్ళిన మహేష్ బాబు… ఆ వేడి వాతావరణంలో ఉండే ప్రయత్నం చేస్తున్నాడు. బనియన్ తో ఎండలో తిరుగుతూ సినిమా కోసం ప్రిపేర్ అవుతున్నాడు. మహేష్ కు ఈ టాస్క్ ఇచ్చి జక్కన్న కెన్యా వెళ్లినట్టు సమాచారం. అలాగే మహేష్ స్విం కూడా ప్రాక్టిస్ చేస్తున్నట్టు టాక్. అమెజాన్ అడవుల్లో కూడా ఈ సినిమా షూట్ ఉండే ఛాన్స్ ఉంది.