“ఇది రెబల్ స్టార్ రేంజు” ప్రభాస్ పై జీ5 డాక్యుమెంటరి

రెబల్ స్టార్ ప్రభాస్... ఇప్పుడు బాలీవుడ్ ని సైతం షేక్ చేస్తున్న పేరు ఇది. బాలీవుడ్ హీరోలకు తన రికార్డులతో కంటి మీద కునుకు లేకుండా చేస్తున్న హీరో ప్రభాస్. రెబల్ స్టార్ దెబ్బకు బాలీవుడ్ రికార్డులు అన్నీ గంగా నదిలో కలిసిపోయాయి.

రెబల్ స్టార్ ప్రభాస్… ఇప్పుడు బాలీవుడ్ ని సైతం షేక్ చేస్తున్న పేరు ఇది. బాలీవుడ్ హీరోలకు తన రికార్డులతో కంటి మీద కునుకు లేకుండా చేస్తున్న హీరో ప్రభాస్. రెబల్ స్టార్ దెబ్బకు బాలీవుడ్ రికార్డులు అన్నీ గంగా నదిలో కలిసిపోయాయి. ఒక్కో సినిమాతో ఒక్కో టార్గెట్ ను బాలీవుడ్ ముందు ఉంచుతున్నా అక్కడి హీరోలు మాత్రం వాటిని అందుకోవడంలో ఫెయిల్ అవుతున్నారనే చెప్పాలి. ఇప్పుడు రెండు మూడు సినిమాలను రెబల్ స్టార్ లైన్ లో పెట్టాడు. వచ్చే ఏడాది ఆ సినిమాల్లో ఒక్కటి అయినా విడుదల అయ్యే అవకాశం ఉంది.

గతంలో ఎన్నడూ లేని విధంగా ప్రభాస్ స్పీడ్ గా సినిమాలు చేయడం చూసి ఇటు తెలుగు హీరోలు కూడా షాక్ అవుతున్నారు. కథ నచ్చితే చాలు సినిమా చేసేస్తున్నాడు. బాహుబలి సినిమా దెబ్బకు 5 ఏళ్ళు ఆలస్యం కావడంతో దాన్ని ఇప్పుడు కవర్ చేసే ప్రయత్నం చేస్తున్నాడు. ఇక ఇప్పుడు స్పిరిట్ సినిమాతో ఏ రికార్డులు బద్దలు కొడతాడో అని అందరూ ఆసక్తిగా ఎదురు చూస్తున్నారు. వచ్చే ఏడాది ఈ సినిమా షూట్ మొదలయ్యే అవకాశం ఉంది. రాజా సాబ్ సినిమా తర్వాత స్పిరిట్ ని మొదలుపెడతాడు రెబల్ స్టార్.

అది అలా ఉంచితే ఇప్పుడు ప్రభాస్ పై ఓ డాక్యుమెంటరీ ప్లాన్ చేస్తోంది జీ5. వాస్తవానికి ఇండియన్ సినిమా రేంజ్ పెరిగింది ప్రభాస్ సినిమాలతోనే. ఓ చిన్న హీరోగా కెరీర్ స్టార్ట్ చేసి ఇప్పుడు హాలీవుడ్ రేంజ్ కి వెళ్ళాడు ప్రభాస్. సాధారణంగా సౌత్ నుంచి ప్రభాస్ రేంజ్ లో ఇప్పటి వరకు ఏ హీరో కూడా బాలీవుడ్ ని షేక్ చేయలేదు. 1200 కోట్ల వసూళ్లు కల్కీ సినిమాతో సాధించడం అంటే సాధారణ విషయం కాదు. అందుకే ఇప్పుడు ప్రభాస్ ఈ స్థాయికి ఎదగడంపై ఓ డాక్యుమెంటరీని ప్లాన్ చేస్తోంది జీ5. ఇందుకోసం ఓ వర్క్ కూడా స్టార్ట్ చేసినట్టు సమాచారం.

ప్రభాస్ సొంత ఊరు మొగల్తూరు వెళ్లి అక్కడి గ్రామస్థులతో అలాగే… ప్రభాస్ మొదటి సినిమాలో చేసిన నటులతో… మొదటి సినిమా డైరెక్టర్ తో, అలాగే ప్రభాస్ ఫ్రెండ్స్ తో, టాలీవుడ్ లో ప్రభాస్ తో సన్నిహితంగా ఉండే నటులు, దర్శకులు ఇతర సిబ్బందితో వీడియోలు చేసేందుకు సిద్దమవుతోంది. దీని కోసం ప్రభాస్ కూడా గ్రీన్ సిగ్నల్ ఇచ్చినట్టు సమాచారం. త్వరలోనే దీనిపై కీలక అడుగు పడే అవకాశం ఉంది. ఇక ప్రభాస్ లైఫ్ స్టైల్ ని కూడా ఇందులో చూపిస్తారు. వచ్చే ఏడాది చివర్లో ఇది అందుబాటులోకి రానుంది.