బూమ్రా టాప్ ప్లేస్ పోయే టాప్-10 నుంచి కోహ్లీ, పంత్ ఔట్

న్యూజిలాండ్ తో స్వదేశంలో 12 ఏళ్ల తర్వాత టెస్ట్ సిరీస్ కోల్పోయిన టీమిండియాకు తాజాగా ఐసీసీ టెస్టు ర్యాంకుల్లోనూ షాక్ తగిలింది. నంబర్ వన్ బౌలర్ గా నిలిచిన బుమ్రా.. ఇప్పుడు తన అగ్రస్థానాన్ని సౌతాఫ్రికా పేస్ బౌలర్ కగిసో రబాడాకు కోల్పోయాడు.

న్యూజిలాండ్ తో స్వదేశంలో 12 ఏళ్ల తర్వాత టెస్ట్ సిరీస్ కోల్పోయిన టీమిండియాకు తాజాగా ఐసీసీ టెస్టు ర్యాంకుల్లోనూ షాక్ తగిలింది. నంబర్ వన్ బౌలర్ గా నిలిచిన బుమ్రా.. ఇప్పుడు తన అగ్రస్థానాన్ని సౌతాఫ్రికా పేస్ బౌలర్ కగిసో రబాడాకు కోల్పోయాడు. పేస్ బౌలర్ బుమ్రా టెస్టుల్లో నంబర్ వన్ ర్యాంక్ కోల్పోయాడు. ఈ మధ్యే టెస్టుల్లో 300 వికెట్ల మైలురాయిని అందుకున్న సౌతాఫ్రికా పేస్ బౌలర్ కగిసో రబాడా 2019 తర్వాత తొలిసారి టెస్టుల్లో నంబర్ వన్ అయ్యాడు. బంగ్లాదేశ్ తో జరిగిన తొలి టెస్టులో ఏకంగా 9 వికెట్లు తీసి సౌతాఫ్రికాను గెలిపించిన రబాడా.. తాజా ర్యాంకుల్లోనూ అగ్రస్థానానికి దూసుకెళ్లాడు. అదే సమయంలో న్యూజిలాండ్ తో రెండో టెస్టులో బుమ్రా దారుణంగా విఫలమయ్యాడు. ఒక్క వికెట్ కూడా తీయలేకపోయాడు. దీంతో తొలి స్థానం నుంచి మూడో స్థానానికి పడిపోయాడు. ఆస్ట్రేలియా పేసర్ హేజిల్‌వుడ్ రెండో స్థానంలో ఉన్నాడు. ఇక స్టార్ స్పిన్నర్ రవిచంద్రన్ అశ్విన్ కూడా రెండు స్థానాలు కోల్పోయి నాలుగో ర్యాంకులో నిలిచాడు.

రెండో టెస్టులో సత్తా చాటిన న్యూజిలాండ్‌ స్పిన్నర్‌ మిచెల్‌ సాంట్నర్‌ సైతం ముందుకు దూసుకువచ్చాడు. రెండో టెస్టులో 13 వికెట్లతో చెలరేగిన ఈ లెఫ్టార్మ్‌ బౌలర్‌ 30 స్థానాలు ఎగబాకి 44వ ర్యాంకుకు చేరుకున్నాడు. మరోవైపు బ్యాటింగ్ ర్యాంకుల్లోనూ మన ప్లేయర్స్ దిగజారారు. విరాట్ కోహ్లితోపాటు రిషబ్ పంత్ కూడా టాప్ 10లో చోటు దక్కించుకోలేకపోయారు. కోహ్లి ఆరు స్థానాలు దిగజారి 14వ ర్యాంకుకు పడిపోయాడు. వికెట్ కీపర్ పంత్ కూడా 11వ స్థానంతో సరిపెట్టుకున్నాడు. ఇక కెప్టెన్ రోహిత్ శర్మ అయితే టాప్ 20 నుంచి కూడా బయటకు వెళ్లిపోయాడు. తాజా ర్యాంకుల్లో అతడు ఏకంగా 24వ ర్యాంకులో ఉన్నాడు. టాప్ 10లో ఇండియా నుంచి యశస్వి జైస్వాల్ మాత్రమే మూడో స్థానంలో కొనసాగుతున్నాడు.

స్టు బ్యాటర్ల ర్యాంకింగ్స్‌లో జో రూట్‌ అగ్రస్థానంలో కొనసాగుతుండగా.. కేన్‌ విలియమ్సన్‌ రెండో ర్యాంకు నిలబెట్టుకున్నాడు. ఇక ఇంగ్లండ్‌ బ్యాటర్‌ హ్యారీ బ్రూక్‌, ఆస్ట్రేలియా దిగ్గజం స్టీవ్‌ స్మిత్‌ ఆ తర్వాతి ర్యాంకుల్లో కొనసాగుతున్నారు. టెస్ట్ ఆల్ రౌండర్ల జాబితాలో ఇండియన్ ఆల్ రౌండర్లు రవీంద్ర జడేజా, అశ్విన్ మాత్రం టాప్ లోనే కొనసాగుతున్నారు.