ఎట్టకేలకు ఓ సిరీస్ విజయం మూడో టెస్టులో పాక్ గెలుపు

బంగ్లాదేశ్ చేతిలో ఘోరపరాభవంతో తీవ్ర విమర్శలు ఎదుర్కొన్న పాకిస్తాన్ క్రికెట్ జట్టు ఎట్టకేలకు సొంతగడ్డపై సిరీస్ విజయాన్ని అందుకుంది. ఇంగ్లండ్‌తో జరిగిన మూడు టెస్ట్‌ల సిరీస్‌ను పాకిస్థాన్ 2-1తో కైవసం చేసుకుంది.

బంగ్లాదేశ్ చేతిలో ఘోరపరాభవంతో తీవ్ర విమర్శలు ఎదుర్కొన్న పాకిస్తాన్ క్రికెట్ జట్టు ఎట్టకేలకు సొంతగడ్డపై సిరీస్ విజయాన్ని అందుకుంది. ఇంగ్లండ్‌తో జరిగిన మూడు టెస్ట్‌ల సిరీస్‌ను పాకిస్థాన్ 2-1తో కైవసం చేసుకుంది. రావల్పిండి వేదికగా ముగిసిన మూడో టెస్ట్‌లో పాకిస్థాన్ 9 వికెట్ల తేడాతో గెలిచింది. 36 పరుగుల లక్ష్యాన్ని 3.1 ఓవర్లలోనే వికెట్ నష్టానికి చేధించి సునాయస విజయాన్నందుకుంది. అంతకుముందు 3 వికెట్లకు 24 పరుగుల ఓవర్‌నైట్ స్కోర్‌తో మూడో రోజు ఆటను కొనసాగించిన ఇంగ్లండ్ రెండో ఇన్నింగ్స్‌లో 37.2 ఓవర్లలో 112 పరుగులకు కుప్పకూలింది. పాకిస్థాన్ బౌలర్లలో నోమన్ అలీ, సాజిద్ ఖాన్ ఇంగ్లాండ్ పతనాన్ని శాసించారు. ఇంగ్లండ్ తొలి ఇన్నింగ్స్‌లో 267 పరుగులకు ఆలౌటైంది. తర్వాత పాకిస్థాన్ తొలి ఇన్నింగ్స్‌లో 344 పరుగులు చేసింది.