ఫ్లాట్ వికెట్ పైనా ఇంతేనా ? బాబర్ అజామ్ పై విమర్శలు
పాకిస్థాన్ మాజీ కెప్టెన్ బాబర్ అజామ్ పేలవ ఫామ్ కొనసాగుతోంది. గత ఏడాదికాలంగా సరైన ఫామ్ లో లేక సతమతమవుతున్న బాబర్ ప్రస్తుతం ఇంగ్లాండ్ తో సిరీస్ లోనూ నిరాశపరుస్తున్నాడు. ముఖ్యంగా ముల్తాన్ లాంటి ఫ్లాట్ వికెట్ పైనా ఫ్లాపయ్యాడు.
Dialtelugu Desk
Posted on: October 11, 2024 | 03:12 PM ⚊ Last Updated on: Oct 11, 2024 | 3:12 PM
పాకిస్థాన్ మాజీ కెప్టెన్ బాబర్ అజామ్ పేలవ ఫామ్ కొనసాగుతోంది. గత ఏడాదికాలంగా సరైన ఫామ్ లో లేక సతమతమవుతున్న బాబర్ ప్రస్తుతం ఇంగ్లాండ్ తో సిరీస్ లోనూ నిరాశపరుస్తున్నాడు. ముఖ్యంగా ముల్తాన్ లాంటి ఫ్లాట్ వికెట్ పైనా ఫ్లాపయ్యాడు. ఇంగ్లండ్‌ ఆటగాళ్లు డబుల్‌ సెంచరీ, ట్రిపుల్‌ సెంచరీ చేసిన పిచ్‌పై బాబర్ కనీసం ఫిఫ్టీ కూడా చేయలేకపోయాడు.ముల్తాన్ టెస్ట్‌ తొలి ఇన్నింగ్స్ లో 30 రన్స్ చేసిన బాబర్ సెకెండ్‌ ఇన్నింగ్స్‌లో కేవలం ఐదు పరుగులు మాత్రమే చేసి ఔటయ్యాడు. బాబార్‌ గత 18 ఇన్నింగ్స్‌ల్లో కనీసం ఒ‍క్క హాఫ్‌ సెంచరీ కూడా చేయలేకపోయాడు. అతను చివరిసారిగా 2023లో ఓ హాఫ్‌ సెంచరీ చేశాడు. ముల్తాన్ లాంటి పిచ్ పై కూడా సెంచరీ కొట్టలేకపోయాడంటూ నెటిజన్లు బాబర్ ను ఆడుకుంటున్నారు.
