అన్‌ ప్రిడిక్టబుల్‌! గేమ్‌ ఛేంజర్‌ టీజర్‌ రివ్యూ

గ్లోబల్‌ స్టార్‌ రామ్‌ చరణ్‌ ఫ్యాన్స్‌ ఎప్పుడెప్పుడా అని ఎదురుచూస్తున్న గేమ్‌ ఛేంజర్‌ టీజర్‌ రానే వచ్చింది. లక్నో వేదికగా ఈ సినిమా టీజర్‌ను విడుదల చేశారు మూవీ టీం. 1 నిమిషం 30 సెకన్ల డ్యూరేషన్‌లో సినిమా లైన్‌ మొత్తం చెప్పేశాడు శంకర్‌.

గ్లోబల్‌ స్టార్‌ రామ్‌ చరణ్‌ ఫ్యాన్స్‌ ఎప్పుడెప్పుడా అని ఎదురుచూస్తున్న గేమ్‌ ఛేంజర్‌ టీజర్‌ రానే వచ్చింది. లక్నో వేదికగా ఈ సినిమా టీజర్‌ను విడుదల చేశారు మూవీ టీం. 1 నిమిషం 30 సెకన్ల డ్యూరేషన్‌లో సినిమా లైన్‌ మొత్తం చెప్పేశాడు శంకర్‌. రామ్‌ చరణ్‌ డ్యుయల్‌ రోల్‌లో కనిపించబోతున్న ఈ సినిమాలో రెండు క్యారెక్టర్లను టీజర్‌లో ఇంట్రడ్యూస్‌ చేశారు. కాలేజీలో స్టూడెంట్‌గా మొదలు పెడితే ఐఏఎస్‌ ఆఫీసర్‌గా చరణ్‌ రెండు షేడ్స్‌ను పరిపయం చేశాడు శంకర్‌. ఇక శంకర్‌ సినిమా అంటే గ్రాఫిక్స్‌ ఏ రేంజ్‌లో ఉంటాయో సపరేట్‌గా చెప్పాల్సిన పని లేదు. జస్ట్‌ వన్‌ అండ్‌ హాఫ్‌ మినట్‌లోనే సినిమాలో ఏ రేంజ్‌తో గ్రాఫిక్స్‌ తీర్చి దిద్దారో గ్లింప్స్‌ వదిలాడు దర్శకుడు. ఇక చెర్రీలో అబ్బాయిలు కోరుకునే మాస్‌ యాంగిల్‌, అమ్మాయిలు కోరుకునే లవర్‌ బాయ్‌ యాంగిల్‌ను ఒకే టీజర్‌లో చూపించాడు.

హీరోయిన్‌ కియారా అడ్వానీని మాత్రం జస్ట్‌ అలా కనిపించి వెళ్లినట్టు చూపించారు. ఈ టీజర్‌ ప్రకారం చూస్తే సినిమాలో కూడా హీరోయిన్‌ క్యారెక్టర్‌ పెద్దగా ఉండే అవకాశం లేనట్టుగానే అనిపిస్తోంది. ఇక యాక్షన్‌, ఎమోషనల్‌ సీన్స్‌లో థమన్‌ ఇచ్చిన బీజీఎం వేరే లెవెల్‌. సముద్రఖని, ఎస్‌జే సూర్య లాంటి వెరీ టాలెంటెండ్‌ యాక్టర్స్‌ను కీరోల్‌లో ఎంచుకున్నాడు శంకర్‌. చరణ్‌ నుంచి కూడా పర్ఫార్మెన్స్‌ ఏ రేంజ్‌లో రాబట్టాలో అదే రేంజ్‌లో రాబట్టినట్టు తెలుస్తోంది. యాక్షన్‌ సీన్స్‌తో పాటు రొమాంటిక్‌ ఎమోషనల్‌ సీన్‌లో చెర్రీ కనిపించిన తీరు ఫ్యాన్స్‌లో మరింత క్యూరియాసిటీని పెంచింది. ఓవరాల్‌గా ఒక్క టీజర్‌తోనే ఫుల్‌ మీల్స్‌ రెడీ అవుతోంది అనే మెసేజ్‌ను ఇచ్చేశాడు శంకర్‌. చెర్రీని మాంచి మాస్‌ యాంగిల్‌లో చూడాలని వెయిట్‌ చేస్తున్న చరణ్‌ ఫ్యాన్స్‌కు, శంకర్‌ నుంచి మరో జెంటిల్‌మెన్‌ను ఆశిస్తున్న శంకర్‌ ఫ్యాన్స్‌కు ఈ సినిమా కడుపు నింపబోతోంది అంటున్నారు విశ్లేషకులు.