Income Tax : ఇన్కం ట్యాక్స్లో కొత్త మార్పులు.. లాభమా ? నష్టమా ?
కేంద్ర ప్రభుత్వం వార్షిక బడ్జెట్ ప్రవేశపెడుతోంది అంటే అందరి చూపు ఇన్కం ట్యాక్స్‌ స్లాబ్స్‌ మీదే ఉంటుంది. ఎందుకంటే ట్యాక్స్లో వచ్చే చిన్న చిన్న మార్పులు ప్రతీ ఒక్కరి జీవితంలో మార్పులు తీసుకువస్తాయి.
Dialtelugu Desk
Posted on: July 25, 2024 | 01:15 PM ⚊ Last Updated on: Jul 25, 2024 | 1:15 PM
As the central government presents the annual budget, all eyes will be on the income tax slabs.
కేంద్ర ప్రభుత్వం వార్షిక బడ్జెట్ ప్రవేశపెడుతోంది అంటే అందరి చూపు ఇన్కం ట్యాక్స్‌ స్లాబ్స్‌ మీదే ఉంటుంది. ఎందుకంటే ట్యాక్స్లో వచ్చే చిన్న చిన్న మార్పులు ప్రతీ ఒక్కరి జీవితంలో మార్పులు తీసుకువస్తాయి. అందుకే బడ్జెట్‌లో ఈ అంశం చాలా కీలకం. 2024-25 సంవత్సరానికి గానూ లోక్‌సభలో ఆర్థిక మంత్రి నిర్మలా సీతారామన్ బడ్జెట్ ప్రవేశపెట్టేశారు. ఇన్కం ట్యాక్స్‌ విషయంలో పాత పన్ను విధానంలో మార్పులేమీ చేయలేదు. కానీ కొత్త పన్ను విధానంలో కొన్ని శ్లాబులు మారాయి. తాజా శ్లాబుల ప్రకారం 3 లక్షల నుంచి 7 లక్షల ఆదాయంపై 5% పన్ను చెల్లించాలి.
గతంలో ఇది 3 నుంచి 6 లక్షల రూపాయలుగా ఉండేది. దీంతోపాటు కొత్త పన్ను విధానంలో స్టాండర్డ్ డిడక్షన్‌ను 50 వేల రూపాయల నుంచి 75 వేల రూపాయలకు పెంచారు. ఇది నిజంగా మిడిల్‌ గుడ్‌న్యూస్‌ అనే చెప్పాలి ఎందుకంటే ఈ మార్పుల వల్ల 17 వేల 500 రూపాయలు ఆదా అవుతుంది. అయితే పాత పన్ను విధానంలో మాత్రం ఎలాంటి మార్పులు చేయలేదు. ఇక 3 లక్షల రూపాయల ఆదాయం వరకు ఎటువంటి పన్ను చెల్లించాల్సిన అవసరం లేదు. న్యూ టాక్స్ రెజీమ్‌లో 7 లక్షల వరకు కూడా పన్ను కట్టక్కరలేదు. కొత్త టాక్స్ రెజీమ్‌లో 3 లక్షల రూపాయల వరకు పన్ను లేదు. 3 నుంచి 7 లక్షల రూపాయలవరకు 5% పన్ను విధించారు. ఈ మేరకు 4 లక్షల రూపాయలకు 5% పన్నుచెల్లించాలి. అంటే 20 వేలు చెల్లించాలి. కానీ సెక్షన్ 87A కింద ప్రభుత్వం 20 వేల రూపాయల పన్నును మాఫీ చేస్తుంది. ఇక స్టాండర్డ్ డిడక్షన్ మొత్తాన్ని కూడా 50 వేల రూపాయల నుంచి 75 వేల రూపాయలకు పెంచారు. దీంతో 7 లక్షల 75 వేల రూపాయల ఆదాయానికి పన్ను చెల్లించాల్సిన అవసరం లేదు. ఇది నిజంగా తక్కువ ఇన్కం ఉన్న ఉద్యోగులకు చాలా ప్లస్‌ అయ్యే విషయం అంటున్నారు నిపుణులు.
