జైశ్వాల్ సిక్సర్ల జోరు, మెక్ కల్లమ్ రికార్డ్ గల్లంతు

వరల్డ్ టెస్ట్ ఛాంపియన్ 2023-25 సీజన్ లో పరుగుల వరద పారిస్తున్న టీమిండియా యువ ఓపెనర్ యశస్వి జైశ్వాల్ ఆసీస్ గడ్డపైనా ఫామ్ అందుకున్నాడు.

వరల్డ్ టెస్ట్ ఛాంపియన్ 2023-25 సీజన్ లో పరుగుల వరద పారిస్తున్న టీమిండియా యువ ఓపెనర్ యశస్వి జైశ్వాల్ ఆసీస్ గడ్డపైనా ఫామ్ అందుకున్నాడు. పెర్త్ టెస్ట్ తొలి ఇన్నింగ్స్ లో డకౌటైన జైశ్వాల్… రెండో ఇన్నింగ్స్ లో మాత్రం సత్తా చాటాడు. ఈ క్ర‌మంలో జైశ్వాల్ ఓ అరుదైన మైలురాయి అందుకున్నాడు. ఒకే క్యాలెండ‌ర్ ఈయ‌ర్‌లో టెస్టుల్లో అత్య‌ధిక సిక్స్‌లు బాదిన ప్లేయ‌ర్‌గా వ‌ర‌ల్డ్ రికార్డు సృష్టించాడు. ఈ ఏడాది టెస్టు క్రికెట్‌లో జైశ్వాల్ ఇప్పటివరకు 34 సిక్స్‌లు బాదాడు. ఇంతకుముందు ఈ రికార్డు న్యూజిలాండ్ దిగ్గజం బ్రెండన్ మెకల్లమ్ పేరిట ఉండేది. మెక్‌కల్లమ్ 2014 ఏడాదిలో టెస్టుల్లో 33 సిక్స్‌లు బాదాడు. తాజా మ్యాచ్‌లో నాథన్ లియోన్ బౌలింగ్‌లో భారీ సిక్సర్ బాదిన జైశ్వాల్‌.. మెకల్లమ్ అల్‌టైమ్ రికార్డును బ్రేక్ చేశాడు.