జురెల్ కు ఛాన్స్ ఇవ్వండి రాహుల్ వద్దంటున్న ఫ్యాన్స్

టీమిండియా సీనియ‌ర్ ప్లేయర్ కేఎల్ రాహుల్ ప్రస్తుతం గడ్డుకాలాన్ని ఎదుర్కొంటున్నాడు. పేలవ ఫామ్ తో సతమతమవుతున్న రాహుల్ ఆసీస్ తో సిరీస్ కు ఎంపికయ్యాడు.

టీమిండియా సీనియ‌ర్ ప్లేయర్ కేఎల్ రాహుల్ ప్రస్తుతం గడ్డుకాలాన్ని ఎదుర్కొంటున్నాడు. పేలవ ఫామ్ తో సతమతమవుతున్న రాహుల్ ఆసీస్ తో సిరీస్ కు ఎంపికయ్యాడు. అయితే అతన్ని తుది జట్టులో ఆడించొద్దంటూ నెటిజన్లు కోరుతున్నారు. భారత్ ఏ, ఆసీస్ ఏ సిరీస్ లో రాణించిన ధృవ్ జురెల్ ను తీసుకోవాలని డిమాండ్ చేస్తున్నారు. రాహుల్ కూడా ఈ సిరీస్ లో ఆడినా విఫలమయ్యాడు. అదే సమయంలో జురెల్ రెండు హాఫ్ సెంచరీలతో సత్తా చాటాడు. దీంతో పెర్త్ టెస్ట్ కోసం రాహుల్ ను పక్కన పెట్టి జురెల్ ను ఆడించాలంటూ పలువురు కోరుతున్నారు. రాహుల్ ఇటీవల కివీస్ తో సిరీస్ లోనూ, అంతకుముందు బంగ్లాతో సిరీస్ లోనూ నిరాశపరిచాడు. అతన్ని స్థానంలో కివీస్ తో సిరీస్ లో సర్ఫరాజ్ ఖాన్ రాణించాడు. దీంతో ఈ సీనియర్ క్రికెటర్ ను పక్కన పెట్టి యువ ఆటగాళ్ళకు ఛాన్స్ ఇవ్వాలన్న డిమాండ్ పెరుగుతోంది.