Sex Tournament: ప్రపంచంలో ఫస్ట్ టైమ్.. స్వీడన్ లో సెక్స్ టోర్నమెంట్..!

సాధారణంగా బాల్యంలో పిల్లలు తోటి స్నేహితులతో కలిసి ఆటలు ఆడుకుంటూ ఉంటారు. అందులో ఇండోర్ గేమ్స్, ఔట్ డోర్ గేమ్స్ రెండు రకాలుగా ఉంటాయి. కాస్త కౌమార దశలోకి వచ్చాక గ్రౌండుకు వెళ్లి ఆడుకుంటూ ఉంటారు. ఇక యువకులు, పెద్దవారు అయితే పని ఒత్తిడి ఎక్కువ అయినప్పుడు కాస్త అలసటను అధిగమించేందుకు మొబైల్లో బ్రైన్ రిలాక్స్ గేమ్స్ వంటివి ఆడుకుంటూ ఉంటారు. వీటన్నింటికీ భిన్నంగా రతి క్రీడలను ప్రోత్సహిస్తూ స్వీడన్ దేశం పోటీలకు సిద్దం అయ్యింది. అదే సెక్స్ టోర్నమెంట్. వీటి గురించిన పూర్తి వివరాలు చూస్తే షాక్ అవ్వాల్సిందే.

ఇప్పటి వరకూ ప్రపంచవ్యాప్తంగా ఫుట్ బాల్.. బాస్కెట్ బాల్.. క్రికెట్ టోర్నమెంట్ చూసి ఉంటారు. మరికొందరైతే కబడ్డీ, చెస్ టోర్నమెంట్లలో పాల్గొని కూడా ఉంటారు. అయితే వీటన్నింటినీ అధిగమించి ప్రపంచంలో మొదటిసారిగా.. సెక్స్ టోర్నమెంట్ నిర్వహిస్తున్నారు. ఆశ్చర్యంగా ఉన్నా.. ఇది నిజంగా నిజం. ఇక రోజులు మారాయి. ఇప్పుడు కొత్త రకం టోర్నమెంట్ చూడబోతున్నారు. అదే రతి క్రీడా పోటీలు. ప్రపంచంలో ఇలా ఎప్పుడూ లేదు. మెుదటిసారిగా స్వీడన్ దేశంలో సెక్స్ టోర్నమెంట్ నిర్వహిస్తున్నారు. మరికొన్నిరోజుల్లో రతి క్రీడా పోటీలు గోథెన్‌బర్గ్‌ వేదికగా జరగనున్నాయి. ఈ సెక్స్ టోర్నమెంట్ జూన్ 8 నుండి మెుదలవుతాయి అని తెలిపారు. స్వీడన్ సెక్స్‌ను అధికారిక క్రీడగా ప్రకటించింది.

జూన్ 8న ప్రారంభం

ఆ మధ్య కాలంలోనూ స్వీడన్ దేశం కొత్తరకం రూల్ తో ముందుకు వచ్చింది. ఆఫీసుల్లో పనిచేసే ఉద్యోగులకు డ్యూటీ మధ్యలో సెక్స్(Sex) కోసం ఒక గంట పెయిడ్ పర్మిషన్ ఇవ్వాలని నిర్ణయం తీసుకుంది. అయితే తాజాగా ఏకంగా రతి క్రీడా పోటీలనే నిర్వహిస్తోంది. ఇప్పుడు ఈ వార్త వైరల్ అయింది. జూన్ 8వ తేదీ నుంచి గోథెన్ బర్గ్ లో ఈ టోర్నమెంట్ జరగనుంది. ఈ క్రీడా పోటీలు నిపుణుల పర్యవేక్షణలో జరుగుతాయి. న్యాయనిర్ణేతల అభిప్రాయాలతో గెలుపోటములు నిర్ణయిస్తారు. ఇలా రతి క్రీడా పోటీలు నిర్వహించడం ప్రపంచంలో ఇదే ఫస్ట్ టైమ్. ఇందులో ఆడా, మగా ఎవరైనా పాల్గొనవచ్చు. అయితే కొన్ని నిబంధనలు ఉన్నాయి. సెక్స్ టోర్నమెంట్ లో రోజుకు 6 గంటలపాటు పాల్గొనాలి. అంటే రోజుకు ఆరు గంటలు అలసిపోవాలన్నమాట.

16 విభాగాల్లో మెప్పింస్తేనే..

ఈ టోర్నమెంట్లో ఊరికే అలా సరదాకి పాల్గొంటే గెలవారు. చాలా రకాలుగా ప్రయత్నం చేస్తేనే విజయం సాధిస్తారు అంటున్నారు నిర్వాహకులు. మసాజ్, ఓరల్ సెక్స్, అందమైన భంగిమలు, కష్టమైన భంగిమలు ఇలా అన్నింటినీ ట్రై చేసి.. మెప్పించాలి. మరో విషయం ఏంటంటే.. సెక్స్ చేస్తే సరిపోదు.. అందుకు తగ్గట్టుగా చేసే శబ్దాలు కూడా గెలుపు ఓటములను నిర్ణయిస్తాయి. ఇలా సుమారు 16 విభాగాల్లో పోటీపడతారని చెబుతున్నారు. ఈ టోర్నమెంట్ ప్రారంభమైతే.. ఇంటర్నెట్ షేక్ అయిపోయే అవకాశాలు ఉన్నాయి. ఒకవేళ ఏదేనా సైట్ లో లైవ్ ఇస్తే మాత్రం.. వ్యూయర్ షిప్ ఘోరంగా వస్తుంది. ఈ రతి క్రీడలను చూసేందుకు చాలా మంది ఆసక్తి చూపిస్తారని నిర్వాహకులు అంచనా వేస్తున్నారు.

శారీరక, మానసిక ఉత్సాహమే లక్ష్యంగా..

వివిధ దేశాల నుండి 20 మంది ఇప్పుడు ఛాంపియన్‌షిప్‌కు దరఖాస్తు చేసుకున్నారు. విజేతలు మూడు జ్యూరీల ద్వారా ప్రేక్షకుల రేటింగ్‌ల ద్వారా నిర్ణయించబడతారు. ప్రతి విభాగంలో, పాల్గొనేవారు 5 నుంచి 10 పాయింట్ల మధ్య స్కోర్ చేస్తారు. ఈ యూరోపియన్ సెక్స్ ఛాంపియన్‌షిప్ వైవిధ్యానికి విలువనిస్తుంది. అలాగే లైంగిక ధోరణికి సంబంధించిన పోటీదారులను అంగీకరిస్తుందని చెప్పుకొచ్చారు ఇక్కడి నిర్వాహకులు. ఈ క్రీడలో లైంగిక ధోరణి ఒక వ్యూహాత్మక పాత్రను పోషిస్తుందంటున్నారు. అలాగే భవిష్యత్తులో ఇతర యూరోపియన్ దేశాలు దీనిని అవలంబిస్తాయని నొక్కిమరీ చెబుతున్నారు. “క్రీడా వ్యూహాలలో భాగంగా లైంగిక ధోరణిని చేర్చడం యూరోపియన్ దేశాలలో సంచలనాత్మక అభివృద్ధి అవుతుంది” అని పోటీ నిర్వాహకులు పేర్కొన్నారు. సెక్స్‌ను క్రీడగా గుర్తించడం అనివార్యమని స్వీడిష్ ఫెడరేషన్ ఆఫ్ సెక్స్ అధ్యక్షుడు డ్రాగన్ బ్రాటిచ్ తన నమ్మకాన్ని వ్యక్తం చేశారు. అతను లైంగిక కార్యకలాపాల ద్వారా శారీరక, మానసిక ఉత్సాహాన్ని కలిగేందుకు దోహదపడుతుందని ఈ శిక్షణ యొక్క ప్రాముఖ్యతను చెప్పాడు.

ఈవిషయాన్ని తెలుసుకున్న వాళ్ళు ఇలాంటి వాటిని ప్రోత్సహింస్తున్నందుకు చింతించాలో.. అసహించుకోవాలో తెలియని సంసిగ్ధతలో ఉన్నారు.

 

T.V.SRIKAR