రోలెక్స్ పై మైండ్ బ్లాక్ న్యూస్ చెప్పిన సూర్య

లోక నాయకుడు కమల్ హాసన్ హీరోగా లోకేష్ కనగరాజ్ దర్శకత్వంలో వచ్చిన విక్రమ్ సినిమా ఏ రేంజ్ లో హిట్ కొట్టిందో అందరికి తెలిసిందే. లోకేష్ సినిమాటిక్ యూనివర్స్ లో విక్రమ్ అత్యంత కీలకంగా మారింది. ఈ సినిమాలో పరిచయం చేసిన విలన్ రోల్... రోలెక్స్ ఇప్పుడు సినిమాపై అంచనాలను భారీగా పెంచింది.

లోక నాయకుడు కమల్ హాసన్ హీరోగా లోకేష్ కనగరాజ్ దర్శకత్వంలో వచ్చిన విక్రమ్ సినిమా ఏ రేంజ్ లో హిట్ కొట్టిందో అందరికి తెలిసిందే. లోకేష్ సినిమాటిక్ యూనివర్స్ లో విక్రమ్ అత్యంత కీలకంగా మారింది. ఈ సినిమాలో పరిచయం చేసిన విలన్ రోల్… రోలెక్స్ ఇప్పుడు సినిమాపై అంచనాలను భారీగా పెంచింది. కార్తీ హీరోగా వచ్చిన… ఖైదీ సినిమాకు, విక్రమ్ కు లింక్ చేసాడు లోకేష్. ఇక క్లైమాక్స్ లో వచ్చిన రోలెక్స్ పాత్ర తో సినిమా పీక్స్ కు వెళ్ళింది. ఆ పాత్రకు ప్రత్యేకంగా ఫ్యాన్స్ కూడా ఉన్నారంటే ఏ రేంజ్ లో సక్సెస్ అయిందో క్లారిటీ ఉంది జనాలకు.

ఇక ఆ పాత్ర సూపర్ హిట్ కావడంతో లోకేష్ ఇప్పుడు రోలెక్స్ అనే టైటిల్ తో సినిమా కూడా ప్లాన్ చేస్తున్నాడు. ఆ సినిమాను కూడా త్వరలోనే తీసుకు రావాలని ప్లాన్ మొదలుపెట్టారు. డ్రగ్స్ గ్యాంగ్ కు లీడర్ గా అసలు రోలెక్స్ ఎలా ఎదిగాడు అనేది ఈ సినిమాలో చూపిస్తారు. ఈ సినిమా కోసం ఇప్పుడు సూర్య రెడీ అవుతున్నాడనే వార్తలు కూడా వస్తున్నాయి. ప్రస్తుతం సూర్య కంగువ సినిమా ప్రమోషన్స్ లో బిజీగా ఉన్నాడు. ఇప్పటి వరకు ఇండియన్ సినిమాలో రాని ఓ కొత్త కథతో వస్తున్నాడు సూర్య. దీనితో సినిమాపై అంచనాలు భారీగా ఉన్నాయి.

కంగువ సినిమా కచ్చితంగా రెండు వేల కోట్లు వసూలు చేస్తుందని దర్శకుడు చాలా కాన్ఫిడెంట్ గా ఉన్న సంగతి తెలిసిందే. ఇక ఈ సినిమా తర్వాత లోకేష్ కచ్చితంగా రోలెక్స్ సినిమా చేయనున్నాడని టాక్. ఇటీవల తన ఫ్యూచర్ ప్లానింగ్ చెప్పిన లోకేష్… రోలెక్స్ సినిమాపై కూడా ప్రకటన చేసాడు. రానున్న ఐదేళ్లపాటు బ్లడ్‌, గన్స్‌ లేకుండా సినిమాలు ప్లాన్‌ చేయలేను అని చెప్పేసాడు. ఎందుకంటే ఇప్పటికే అలాంటి కథలకు కమిట్‌ అయ్యా అంటూ తన ప్లానింగ్ ప్రకటించాడు. ‘ఖైదీ’, ‘విక్రమ్‌’, ‘లియో’తో లోకేశ్‌ సినిమాటిక్‌ యూనివర్స్‌ మొదలైందన్నాడు.

దానిని సరైన విధంగా పూర్తి చేయాలని క్లారిటీ ఇచ్చాడు. ‘విక్రమ్‌’ని అద్భుతంగా పూర్తి చేసేందుకు ‘రోలెక్స్‌’ సీన్స్‌ క్రియేట్‌ చేశాను అని తెలిపాడు. ఆ పాత్రకు వచ్చిన క్రేజ్‌ దృష్టిలో ఉంచుకుని ‘రోలెక్స్‌’పై ఒక స్టాండలో మూవీ చేయాలనుకుంటున్నా అని… ‘కూలీ’ పూర్తి చేసిన తర్వాత, ఎల్‌సీయూ హీరోలందరితో పీక్‌ ఎల్‌సీయూ మూవీ చేస్తా అంటూ ప్రకటించాడు. ఇక దీనిపై తాజాగా సూర్య రియాక్ట్ అయ్యాడు. 1986 లో వచ్చిన విక్రమ్ సినిమాకు 2022 లో చేసిన విక్రమ్ సినిమాకు లింక్ ఉన్నట్టు… రోలెక్స్ పాత్రకు తాను చేసిన ఓ సినిమాకు కనెక్షన్ ఉంటుందని చెప్పడంతో రోలెక్స్ సినిమా వస్తుందని క్లారిటీ వచ్చేసింది. దీనితో రోలెక్స్ సినిమా ఎప్పుడు వస్తుందా అని ఫ్యాన్స్ ఓ రేంజ్ లో ఎదురు చూస్తున్నారు.