లగ్జరీ ఫ్లాట్ కొన్న శ్రేయాస్ ఖరీదు ఎంతంటే ?

టీమిండియా స్టార్ క్రికెటర్ శ్రేయస్ అయ్యర్ మరో ఖరీదైన అపార్ట్‌మెంట్ కొనుగోలు చేశాడు. ముంబైలోని వర్లీ ప్రాంతంలో 2.90 కోట్లతో ఇంటిని కొనుగోలు చేసినట్లు తెలుస్తోంది.

టీమిండియా స్టార్ క్రికెటర్ శ్రేయస్ అయ్యర్ మరో ఖరీదైన అపార్ట్‌మెంట్ కొనుగోలు చేశాడు. ముంబైలోని వర్లీ ప్రాంతంలో 2.90 కోట్లతో ఇంటిని కొనుగోలు చేసినట్లు తెలుస్తోంది. తల్లి రోహిణీ అయ్య‌ర్‌తో క‌లిసి అత‌డు ఈ ఇంటిని కొన్న‌ట్టు స్థానిక‌ రిజిస్ట్రేష‌న్ కార్యాల‌యం అధికారులు చెబుతున్నారు. వర్లీలోని త్రివేణి ఇండస్ట్రియల్ 2వ అంతస్తులో ఈ అపార్ట్‌మెంట్ ఉన్నట్లు తెలుస్తోంది. 525 చదరపు అడుగుల విస్తీర్ణంలో అయ్యర్ ఖరీదు చేసిన అపార్ట్‌మెంట్ ఉందని సమాచారం. రిజిస్ట్రేష‌న్ కోసం 17.40 ల‌క్ష‌ల స్టాంప్ డ్యూటీ కట్టినట్లు పలు రిపోర్టులు పేర్కొంటున్నాయి. ఇప్పటికే ముంబైలో అయ్యర్ పేరిట ఓ అపార్ట్‌మెంట్ ఉంది. 2020లో ముంబైలోనే అత్యంత ఎత్తైన లోధా వ‌ర‌ల్డ్ ట‌వ‌ర్స్‌ 48వ అంత‌స్థులో ప్లాట్‌ను శ్రేయస్ కొనుగోలు చేశాడు.