నందమూరి తమన్ కు చంద్రబాబు గిఫ్ట్.. బాలయ్య రిఫరెన్స్

అఖండ సినిమా తర్వాత నుంచి నందమూరి కుటుంబానికి, నందమూరి అభిమానులకు మ్యూజిక్ డైరెక్టర్ తమన్ బాగా దగ్గర అయిపోయాడు. బాలకృష్ణ సినిమా అంటే తమన్ మ్యూజిక్ ఉండాల్సిందే అన్నట్లు అభిమానులు కూడా ఫిక్స్ అయిపోయారు.

అఖండ సినిమా తర్వాత నుంచి నందమూరి కుటుంబానికి, నందమూరి అభిమానులకు మ్యూజిక్ డైరెక్టర్ తమన్ బాగా దగ్గర అయిపోయాడు. బాలకృష్ణ సినిమా అంటే తమన్ మ్యూజిక్ ఉండాల్సిందే అన్నట్లు అభిమానులు కూడా ఫిక్స్ అయిపోయారు. ఇక బాలయ్య కూడా తమన్ విషయంలో చాలా పాజిటివ్ గా ఉంటున్నారు. రీసెంట్ గా వచ్చిన డాకు మహారాజ్ సినిమాలో తమన్ ఇచ్చిన మ్యూజిక్ అదిరిపోయింది. దీనితో నందమూరి అభిమానులు తమన్ ను.. నందమూరి కుటుంబానికి చెందిన వ్యక్తని.. అతని పేరు ఇకనుంచి నందమూరి తమన్ అంటూ కామెంట్ చేయడం మొదలుపెట్టారు.

లేటెస్ట్ గా రెండు కోట్ల ఖరీదైన కారును కూడా బాలయ్య తమన్ కు గిఫ్ట్ ఇచ్చారు. ఈ ఫోటోలు సోషల్ మీడియాలో ఇప్పటికీ వైరల్ అవుతున్నాయి. ఇక ఇది పక్కన పెడితే తాజాగా ఆంధ్రప్రదేశ్ ప్రభుత్వం కూడా తమన్ కు గిఫ్ట్ ఇచ్చినట్లు ప్రచారం జరుగుతుంది. సినిమా ఇండస్ట్రీని రాష్ట్రంలో ప్రోత్సహించాలని భావిస్తున్న ఏపీ ప్రభుత్వం.. స్టూడియోలకు స్థలాలు కేటాయిస్తూ వస్తోంది. ఇక తాజాగా అమరావతిలో మ్యూజిక్ అకాడమీ ఏర్పాటు చేసేందుకు తమన్ కు రాష్ట్ర ప్రభుత్వం గ్రీన్ సిగ్నల్ ఇచ్చినట్లుగా వార్తలు వస్తున్నాయి.

అమరావతి పరిధిలో మూడు ఎకరాల స్థలాన్ని మ్యూజిక్ అకాడమీకి కేటాయించినట్లు సమాచారం. నందమూరి బాలకృష్ణ జోక్యంతో ఈ విషయంలో చంద్రబాబు నాయుడు ఫైల్ ను వేగంగా మూవ్ చేయించారని.. త్వరలోనే ఈ అకాడమీకి బాలకృష్ణ స్వయంగా భూమి పూజ చేస్తారని ప్రచారం జరుగుతుంది. సినిమా పరిశ్రమను ఎలాగైనా సరే ఆంధ్రప్రదేశ్.. తీసుకురావాలని రాష్ట్ర ప్రభుత్వం కంకణం కట్టుకొని పనిచేస్తుంది అయితే సినిమా పరిశ్రమ పెద్దలు మాత్రం తెలంగాణలో భారీగా ఆస్తులు ఉన్న నేపథ్యంలో ఆంధ్రప్రదేశ్ రావడానికి పెద్దగా ఆసక్తి చూపించలేదు.

దానికి తోడు తెలంగాణతో పోలిస్తే ఆంధ్రప్రదేశ్ లో రాజకీయంగా పరిణామాలు కాస్త భిన్నంగా ఉంటాయి. ముఖ్యంగా గత ఐదేళ్ల ప్రభుత్వ పరిపాలన సినిమా వాళ్ళలో కాస్త భయం పెంచిందని చెప్పాలి. దీంతోనే సినిమా పరిశ్రమ ఆంధ్రప్రదేశ్ లో అడుగు పెట్టేందుకు ఆసక్తి చూపించడం లేదు. పవన్ కళ్యాణ్ ఉపముఖ్యమంత్రి అయినా సరే ఆంధ్రప్రదేశ్ లో అడుగు పెట్టడానికి సినిమా వాళ్ళు ఇంట్రెస్ట్ చూపించడం లేదు. అయితే ఇప్పుడు సినిమా పరిశ్రమ పెద్దలను ఒప్పించే దిశగా అడుగులు పడుతున్నాయి. ఇక తాజాగా మ్యూజిక్ అకాడమీకి రాష్ట్ర ప్రభుత్వం కొంత స్థలం కేటాయించే దిశగా నిర్ణయం తీసుకోవడం పట్ల ప్రశంసల వ్యక్తం అవుతున్నాయి. ఇటీవల ఎన్టీఆర్ ట్రస్ట్ ఆధ్వర్యంలో నిర్వహించిన మ్యూజికల్ నైట్ ఈవెంట్ లో తమన్ పర్ఫార్మ్ చేశారు. అయితే సెప్టెంబర్ లో దీనికి భూమి పూజ జరిగే అవకాశాలు ఉన్నాయని సిని వర్గాలు అంటున్నాయి. దీనిపై త్వరలోనే అధికారిక ప్రకటన కూడా వెలువడే అవకాశాలు ఉన్నాయి. ప్రస్తుతం తమన్ బాలకృష్ణ కోసం అఖండ సీక్వెల్ కు వర్క్ చేస్తున్నాడు.