JANASENA: నోటాకంటే వైసీపీకి తక్కువ ఓట్లు.. సీఎం జగన్‌కు దిమ్మతిరిగే కౌంటర్‌ ఇచ్చిన జనసేన
2014లో తెలంగాణలో పోటీ చేసిన వైసీపీకి చాలా స్థానాల్లో నోటా కంటే కూడా తక్కువ ఓట్లు వచ్చాయంటూ ట్విటర్‌లో పోస్ట్‌ పెట్టారు జనసేన నేతలు. జనసేన పార్టీకి ఎట్‌లీస్ట్‌ తెలంగాణలో పోటీ చేసే దమ్ముంది. కానీ వైసీపీలో ఒక్కరికైనా తెలంగాణలో పోటీ చేసే దమ్ముందా అంటూ ప్రశ్నించారు.
Dialtelugu Desk
Posted on: December 14, 2023 | 07:42 PM ⚊ Last Updated on: Dec 14, 2023 | 7:42 PM
JANASENA: ఏపీలో జనసేన పార్టీ రోజు రోజుకూ రాటుదేలిపోతోంది. మాటకు మాట.. దెబ్బకు అన్నట్టుగానే వ్యవహరిస్తున్నారు జనసేన పార్టీ నేతలు. విమర్శ చేసింది ఎవరైనా అదే స్థాయిలో ప్రతివిమర్శ చేస్తున్నారు. రీసెంట్‌గా పవన్‌ను విమర్శిస్తూ జగన్‌ చేసిన కామెంట్స్‌కు అదే స్థాయిలో కౌంటర్‌ ఇచ్చారు జనసేన నేతలు. తెలంగాణలో జనసేన పార్టీ కంటే కొల్లాపూర్‌ నుంచి పోటీ చేసిన బర్రెలక్క చాలా బెటర్‌ అంటూ సీఎం జగన్‌ ఓ మీటింగ్‌లో అన్నారు.
PAWAN KALYAN: ఒక్క సీటు కూడా వైసీపీకి వెళ్లొద్దు.. జనసైనికులకు పవన్‌ కల్యాణ్‌ పిలుపు
జనసేన నిలబెట్టిన అభ్యర్థుల కంటే బర్రెలక్కకు ఎక్కువ ఓట్లు వచ్చాయంటూ చెప్పారు. దీనికి జనసేన పార్టీ సోషల్‌ మీడియా టీం అదే స్థాయిలో స్పందించింది. 2014లో తెలంగాణలో పోటీ చేసిన వైసీపీకి చాలా స్థానాల్లో నోటా కంటే కూడా తక్కువ ఓట్లు వచ్చాయంటూ ట్విటర్‌లో పోస్ట్‌ పెట్టారు జనసేన నేతలు. జనసేన పార్టీకి ఎట్‌లీస్ట్‌ తెలంగాణలో పోటీ చేసే దమ్ముంది. కానీ వైసీపీలో ఒక్కరికైనా తెలంగాణలో పోటీ చేసే దమ్ముందా అంటూ ప్రశ్నించారు. పోటీకి అభ్యర్థులు కూడా లేనివాళ్లు జనసేన గురించి మాట్లాడుతున్నారంటూ కౌంటర్‌ ఇచ్చారు.
జగన్‌కు జనసేన ఇచ్చిన కౌంటర్‌ ఇప్పుడు ట్విటర్‌లో వైరల్‌ అవుతోంది. ఎవరి పార్టీకి వాళ్లు మద్దతుగా కామెంట్లు పెడుతున్నారు. ఇక కొందరైతే బర్రెలక్క క్రేజ్‌ ఏపీకి కూడా వెళ్లిపోయిందంటూ కామెంట్స్‌ చేస్తున్నారు.
