లారెన్స్ బిష్ణోయ్ గ్యాంగ్ లో పోలీసులు…? ఇంటర్వ్యూ కోసం స్టూడియో

నార్త్ ఇండియాలో సినీ ప్రముఖులు, రాజకీయ నాయకులకు కంటి మీద కునుకు లేకుండా చేస్తున్న గ్యాంగ్స్టర్ లారెన్స్ బిష్ణోయ్ ఇప్పుడు పంజాబ్ పోలీసులకు కూడా తన వ్యవహారాలతో చుక్కలు చూపిస్తున్నాడు.

నార్త్ ఇండియాలో సినీ ప్రముఖులు, రాజకీయ నాయకులకు కంటి మీద కునుకు లేకుండా చేస్తున్న గ్యాంగ్స్టర్ లారెన్స్ బిష్ణోయ్ ఇప్పుడు పంజాబ్ పోలీసులకు కూడా తన వ్యవహారాలతో చుక్కలు చూపిస్తున్నాడు. ఓ జాతీయ మీడియాకు జైలు నుంచి ఇంటర్వ్యూ ఇచ్చిన కేసులో స్పెషల్ ఇన్వెస్టిగేషన్ టీమ్ (సిట్) దాఖలు చేసిన నివేదిక పోలీసు అధికారులు, గ్యాంగ్‌స్టర్ మధ్య బంధం ఏ రేంజ్ లో ఉందో ప్రూవ్ చేస్తోందని… అనేక అనుమానాలను రేకెత్తించిందని పంజాబ్ మరియు హర్యానా హైకోర్టు పేర్కొంది . 2023లో భటిండా జైలులో ఉన్న సమయంలో బిష్ణోయ్ ఒక ప్రైవేట్ ఛానెల్‌కు ఇచ్చిన ఇంటర్వ్యూపై దర్యాప్తునకు కోర్టు ఆదేశించింది.

“పోలీసు అధికారులు నేరస్థుడికి ఒక ఎలక్ట్రానిక్ పరికరం ఉపయోగించడానికి ఏ విధంగా అనుమతి ఇచ్చారు, ఇంటర్వ్యూ చేయడానికి స్టూడియో లాంటి సదుపాయాన్ని ఏ విధంగా అందించారు అని కోర్ట్ ప్రశ్నించింది. ఇది నేరస్థుడు అతని గ్యాంగ్ కు నేరాలను చేయడానికి సహకారం అందించినట్టు ఉందని కోర్ట్ ఈ సందర్భంగా ప్రస్తావించింది. కింది స్థాయి అధికారులను బలిపశువులుగా మారుస్తున్నారని కోర్ట్ అభిప్రాయపడింది. సమస్యను కట్టడి చేయడానికి రాష్ట్ర ప్రభుత్వం ఏ విధంగా చర్యలు తీసుకుందని ప్రశ్నించింది.

న్యాయమూర్తులు అనుపిందర్ సింగ్ గ్రేవాల్ మరియు లపితా బెనర్జీ నేతృత్వంలోని ధర్మాసనం ఈ కేసుపై విచారణ జరిపింది. సస్పెండ్ అయిన అధికారులలో ఇద్దరు మాత్రమే గెజిటెడ్ అధికారులు, మిగిలినవారు జూనియర్ సిబ్బంది అని పేర్కొంది. పోలీసు అధికారుల ప్రమేయం నేరస్థుడు లేదా అతని సహచరుల నుండి చట్టవిరుద్ధమైన తృప్తిని పొందాలని సూచించవచ్చు మరియు అవినీతి నిరోధక చట్టం కింద నేరాలను ఏర్పరుస్తుంది. అందువల్ల, కేసు తదుపరి దర్యాప్తు అవసరం” అని బెంచ్ పేర్కొంది.

తాజాగా, ఈ కేసుకు సంబంధించి ఇద్దరు డిప్యూటీ సూపరింటెండెంట్ ర్యాంక్ అధికారులతో సహా ఏడుగురు సిబ్బందిని పంజాబ్ పోలీసులు సస్పెండ్ చేశారు. అయితే, మాజీ సెంట్రల్ ఇంటెలిజెన్స్ ఏజెన్సీ (CIA) ఇన్‌చార్జ్ శివ కుమార్ పాత్రపై కోర్టు ఆందోళన వ్యక్తం చేసింది, అతను సస్పెండ్ అయినా విధుల్లో ఉన్నాడని కోర్ట్ పేర్కొంది. రిమాండ్ మరియు విచారణ కోసం మాత్రమే ఖరార్‌లోని CIA కార్యాలయానికి బిష్ణోయ్ ను పదే పదే పంపడం వెనుక ఉన్న కారణాన్ని కూడా కోర్టు ప్రశ్నించింది. అదనపు అఫిడవిట్‌లను దాఖలు చేయాలని రాష్ట్రాన్ని ఆదేశించింది.

పంజాబ్ జైలులో బిష్ణోయ్ ఇంటర్వ్యూకు సంబంధించి సీనియర్ అధికారుల నుండి అఫిడవిట్ లేకపోవడంపై కోర్టు ప్రశ్నించింది. పంజాబ్ జైల్లో ఎలాంటి ఇంటర్వ్యూ జరగలేదని డీజీపీ ఎందుకు పేర్కొన్నారని, నేరపూరిత కుట్ర చట్టంలోని సెక్షన్ 120-బిని ప్రమేయం ఉన్న అధికారులకు ఎందుకు వర్తించలేదని కోర్టు ప్రశ్నించింది. స్పెషల్ డైరెక్టర్ జనరల్ ఆఫ్ పోలీస్ (మానవ హక్కుల) నేతృత్వంలోని స్పెషల్ ఇన్వెస్టిగేషన్ టీమ్, మొహాలీలోని ఖరార్‌లో బిష్ణోయ్ కస్టడీ సమయంలో ఒక ఇంటర్వ్యూ జరిగిందని, మరొకటి రాజస్థాన్‌లో జరిగిందని గుర్తించింది.