పవన్ తాట తీస్తాం: రోజా వార్నింగ్

చంద్రబాబు ఈ జిల్లా వాడనీ చెప్పు కోవడానికి సిగ్గు పడుతున్నాం అంటూ మాజీ మంత్రి ఆర్కే రోజా మండిపడ్డారు. సూపర్ సిక్స్ కాదు, సూపర్ చీటింగ్ చేస్తున్నాడని ఎద్దేవా చేసారు. కూటమి ప్రభుత్వం మెడలు వంచాలన్నారు. తప్పుడు ప్రచారం వల్ల మనం ఓడి పోయామన్న ఆమె...

చంద్రబాబు ఈ జిల్లా వాడనీ చెప్పు కోవడానికి సిగ్గు పడుతున్నాం అంటూ మాజీ మంత్రి ఆర్కే రోజా మండిపడ్డారు. సూపర్ సిక్స్ కాదు, సూపర్ చీటింగ్ చేస్తున్నాడని ఎద్దేవా చేసారు. కూటమి ప్రభుత్వం మెడలు వంచాలన్నారు. తప్పుడు ప్రచారం వల్ల మనం ఓడి పోయామన్న ఆమె… చంద్రబాబు చెప్పిన ఉచితంలో ఉచితం లేదన్నారు. సినిమా ఇండస్ట్రీలో ఏవీఏం బ్యానర్ ఎన్నో పెద్ద పెద్ద హిట్ సినిమాలు తీశారు అని ఇప్పుడు రాష్ట్రంలో ఈవీఏం ప్రొడక్షన్ వారి సీబీఎన్ ప్రభుత్వం వచ్చిందని ఎద్దేవా చేసారు.

సూటిగా ప్రశ్నిస్తున్నా రెడ్ బుక్ అంటూ మీ కొడుకు ఏవిధంగా వేధిస్తున్నడో చూస్తున్నామన్నారు. చంద్రబాబు పాలనలో పవన్ నోటికి ప్లాస్టర్ వేసుకున్నాడని ఆమె మండిపడ్డారు. సూపర్ సిక్స్ అమలు కావడం లేదని సంక్షేమ పథకాలు లేవని ఆరోపించారు. రాష్ట్రంలో మహిళలు , చిన్నారులపై అత్యాచారాలు జరుగు తున్నాయన్నారు. చంద్రబాబు విజయవాడను నీట ముంచేశారని మండిపడ్డారు. పులిహోర పొట్లాలకోసం రూ 360 కోట్లు ఖర్చు చేశారని ఆరోపించారు. చంద్రబాబు విష ప్రచారం వల్లనే ఓటమి చెందామన్నారు. ప్రశ్నించే పార్టీ అని పవన్ కళ్యాణ్ ఏం చేస్తున్నారని… తొక్కి నారతీస్త మని చెప్పిన పవన్ కళ్యాణ్ కు ప్రజలే నొక్కి తాట తీస్తారని హెచ్చరించారు.