Atal Seth : భారత దేశంలో సముద్రంపై నిర్మించి ఏకైక బ్రిడ్జి.. దేశంలోనే అతి పెద్ద బ్రిడ్జి “అటల్ సేత్”

దేశంనే అతి పొడ‌వైన సీ బ్రిడ్జి అట‌ల్ సేత్‌ను ప్ర‌ధామ‌మంత్రి న‌రేంద్ర‌మోడీ ప్రారంభించిన విషయం తెలిసిందే.. దేశ ఆర్థిక రాజ‌ధాని ముంబయి న‌గ‌రంలో రూపొందిన ఈ వంతెన గురించి తెలుసుకుందాం పదండి..

ఈ వంతెన ద్వారా ముంబ‌యి న‌గ‌ర ప్రజలకు ట్రాఫిక్ కష్టాలు తీరిపోయాయి.

ఈ బ్రిడ్జ్ పూర్తి పేరు అటల్ బిహారీ వాజ్‌పేయి శివది న్వశేవ అటల్ సేతు.

దివంగత ప్రధాన మంత్రి అటల్ బిహారీ వాజ్ పేయ్ స్మారకార్ధం ఈ బ్రిడ్జికి అటల్ సేతు పేరును పెట్ట‌డం జ‌రిగింది.

అటల్ సేతు బ్రిడ్జ్ ని ముంబై ట్రాన్స్ హార్బర్ లింక్ (MTHL) అని కూడా పిలుస్తారు.

ఈ వంతెన ప్రధానంగా ముంబై నగరంలోని ముంబై నుండి నవీ ముంబై మధ్య ప్రయాణించే సాధారణ ప్రయాణీకుల కష్టాలను తీర్చుస్తుంది.

ఈ బ్రిడ్జి సముద్రంలో 16.5 కిలోమీట‌ర్లు, భూమిపై 5.5 కిలోమీట‌ర్ల పొడవు ఉంటుంది. అటల్ సేతు వంతెన పొడవు 21.8 కిలోమీట‌ర్లు. ఈ బ్రిడ్జిని ఆరు లేన్లతో నిర్మించారు.

ఇండియాలో సముద్రంపై ఉన్న అత్యంత పొడవైన వంతెన ఇదే కావ‌డం విశేషం.

ముంబై నుండి నవీ ముంబై మధ్య ప్రయాణ సమయం.. రెండు గంటల పడుతుంది. అదే అటల్ సేతు వంతెన‌పై ప్రయాణం చేస్తే కేవలం 20 నిమిషాల్లో ప్ర‌యాణం పూర్త‌వుతుంది.

ఈ బ్రిడ్జ్‌ఫై 100 కిలోమీట‌ర్ల‌. వేగంతో దూసుకెళ్లొచ్చు. ఎంఎంఆర్‌డీఏ, జేఐసీఏ నిర్వహించిన అధ్యయనం మేరకు ఎంటీహెచ్ఎల్ సెర్వీ, చిర్లే మధ్య ప్రయాణం 61 నిమిషాల నుండి 16 నిమిషాలకు తగ్గనున్న‌ట్లు స‌మాచారం.

అటల్ సేతు వంతెనలో 8 అద్భుతమైన ఇంజనీరింగ్ సాంకేతికతలు ఉన్నట్లు వివరించారు.

ఈ బ్రిడ్జి నిర్మాణంలో అధికశాతం స్టీల్ డెక్ లను ఉపయోగించడం వల్ల బరువు తక్కువ ఉంటుంది. కాంక్రీట్ కంటే కూడా తక్కువ ఖర్చుతో కూడుకున్నది. తక్కువ పిల్లర్లతో పొడవాటి రహదారులు ప్రత్యేకతగా నిలుస్తున్నాయి.

ప్రతి రోజూ కనీసం ఈ వంతెన‌పై సుమారు 40 వేల వాహనాలు ప్రయాణించనున్నాయని అధికారులు తెలుపుతున్నారు.

పుణె, అలిబాగ్, గోవా, పన్వేల్‌ల‌ను క‌లిపేందుకు కూడా ఈ బ్రిడ్జి ఎంత‌గానో దోహదం చేస్తుంది.

ఈ వంతెన నిర్మాణానికి రూ. 21, 200 కోట్లు ఖర్చు చేశారు. ఈ వంతెన నవీ ముంబైలో ఉన్న అంతర్జాతీయ విమానాశ్రయం, ముంబై పుణె ఎక్స్‌ప్రెస్ వే, ముంబై గోవా హైవే ల మధ్య కనెక్టివిటిని మెరుగుపర్చేందుకు దోహ‌ద‌ప‌డుతుంది.

ప్రత్యేకమైన రిగ్గులను ఏర్పాటు చేయడం వల్ల ప్రయాణించేటపప్పుడు పెద్ద శబ్ధాలు రాకుండా నివారించవచ్చు. అలాగే వంతెన వైబ్రేషన్ కి గురికాకుండా ఉంటుంది.

సముద్రంలోని జీవులకు ఎలాంటి అసౌకర్యం కలగదు.ఎకో ఫ్రెండ్లీ లైటింగ్ ను ఏర్పాటు చేయడం వల్ల తక్కువ ఖర్చు..అతి తక్కువ కరెంట్ వినియోగంతో మంచి వెలుగువచ్చేలా రూపొందించారు.

భూకంపాలు సంభవిస్తే 6.5 తీవ్రత వరకూ ఇవి తట్టుకొని నిలబడతాయి.

ఎలక్ట్రానిక్ టోల్ కేంద్రాలు ఏర్పాటు చేయడం వల్ల వాహనాలను నిలపాల్సిన పనిలేదు. ప్రయాణిస్తున్న క్రమంలోనే సెన్సార్లు ఆటోమేటిక్ గా టోల్ ఫీజులు కట్ చేసుకుంటాయి.

వంతెనపై ఉన్న ట్రాఫిక్ సమాచారాన్ని వాహన డ్రైవర్లు ఎప్పటికప్పుడు పరిశీలించేందుకు పెద్ద డిస్ ప్లే బోర్డులను ఏర్పాటు చేశారు. రోడుపై జరిగిన ప్రమాదాలను కూడా ఇది సూచిస్తుంది.

2006లో ఈ వంతెన‌ నిర్మాణానికి టెండర్లు వేయ‌డం జ‌రిగింది. 2008 ఫిబ్రవరిలో అనిల్ అంబానీ రిలయన్స్ ఇన్‌ఫ్రాస్ట్రక్చర్స్ పబ్లిక్ ప్రైవేట్ పార్ట్‌నర్‌షిప్ మోడల్ ద్వారా 11 నెలల్లో 6 వేల కోట్ల రూపాయ‌ల‌ను ఈ వంతెన నిర్మాణానికి ఇచ్చేందుకు ముందుకు వచ్చింది. కొన్ని నెలల అనంత‌రం ఈ ప్రాజెక్టు నుండి అంబానీకి చెందిన రిలయన్స్ కంపెనీ త‌ప్పుకుంది.

ఈ బ్రిడ్జి నిర్మాణంను నోడల్ ఏజెన్సీని మహారాష్ట్ర స్టేట్ రోడ్ డెవలప్ మెంట్ కార్పోరేషన్ నుండి ముంబై మెట్రోపాలిటిన్ రీజియన్ డెవలప్ మెంట్ అథారిటీకి మార్చారు.

జపాన్ ఇంటర్నేషనల్ కో ఆపరేటివ్ ఏజెన్సీతో ఎంఎంఆర్‌డీఏ అగ్రిమెంట్ కుదుర్చుకుంది.

దీంతో ప్రాజెక్టు వ్యయంలో 80 శాతం రాష్ట్ర, కేంద్ర ప్రభుత్వాలు భరిస్తాయి. 2017 డిసెంబర్‌లో ఈ వంతెన టెండరింగ్ పూర్తైంది. 2018లో ఈ వంతెన పనులు ప్రారంభమయ్యాయి. ఈ బ్రిడ్జి నిర్మాణానికి రూ. 21, 200 కోట్లు ఖర్చు చేశారు.

రాత్రి సమయంలో, ఈ వంతెన రంగురంగుల లైటింగ్‌తో ప్రయాణికులను ఆకర్షిస్తుంది.