అట్లుంటది బుమ్రాతోని క్రికెటర్ ఆఫ్ ది ఇయర్ గా స్టార్ పేసర్

ప్రపంచ క్రికెట్ లో ఫార్మాట్ తో సంబంధం లేకుండా అత్యంత నిలకడగా రాణిస్తున్న క్రికెటర్లు చాలా కొద్ది మందే ఉన్నారు. ఆ జాబితాలో భారత స్టార్ పేసర్ జస్ప్రీత్ బుమ్రా పేరు ఖచ్చితంగా ఉంటుంది. గత ఏడాది బుమ్రా అన్ని ఫార్మాట్లలోనూ అదరగొట్టాడు. టెస్ట్, వన్డే, టీ ట్వంటీ... ఇలా అన్ని ఫార్మాట్ లలోనూ తనదైన ముద్ర వేశాడు.

ప్రపంచ క్రికెట్ లో ఫార్మాట్ తో సంబంధం లేకుండా అత్యంత నిలకడగా రాణిస్తున్న క్రికెటర్లు చాలా కొద్ది మందే ఉన్నారు. ఆ జాబితాలో భారత స్టార్ పేసర్ జస్ప్రీత్ బుమ్రా పేరు ఖచ్చితంగా ఉంటుంది. గత ఏడాది బుమ్రా అన్ని ఫార్మాట్లలోనూ అదరగొట్టాడు. టెస్ట్, వన్డే, టీ ట్వంటీ… ఇలా అన్ని ఫార్మాట్ లలోనూ తనదైన ముద్ర వేశాడు. మరో బౌలర్ కు అవకాశం ఇవ్వకుండా పూర్తి ఆధిపత్యం కనబరిచాడు. భారత్ సాధించిన చాలా విజయాల్లో బూమ్రానే కీలకంగా ఉన్నాడు.2024లో ప్రదర్శన గానూ ఇప్పటికే టెస్ట్ క్రికెటర్ ఆఫ్ ది ఇయర్ గా ఎంపికైన బుమ్రా తాజాగా గత ఏడాదికి అత్యుత్తమ క్రికెటర్ గానూ అవార్డు కైవసం చేసుకున్నాడు. సర్ గ్యారీ ఫీల్డ్ సోబర్స్ ట్రోఫీగా పిలిచే ఈ అవార్డ్ కోసం పలువురు స్టార్ క్రికెటర్లు వెనక్కి నెట్టి బుమ్రా విజేతగా నిలిచాడు. భారత్‌ నుంచి ఈ ఘనతను అందుకున్న ఐదో క్రికెటర్‌గానూ, తొలి భారత పేసర్‌గానూ నిలిచి చరిత్ర సృష్టించాడు.

గతేడాది జస్‌ప్రీత్ బుమ్రా అత్యుత్తమ ప్రదర్శన కనబర్చడంతో ఐసీసీ అతన్ని ఈ అవార్డుకు ఎంపిక చేసింది. దాంతో బుమ్రా.. సచిన్ టెండూల్కర్, విరాట్ కోహ్లీ, రాహుల్ ద్రవిడ్, రవిచంద్రన్ అశ్విన్‌ల సరసన నిలిచాడు. ట్రావిస్ హెడ్, హ్యారీ ట్రూక్, జో రూట్‌లను వెనక్కినెట్టి మరి ఐసీసీ క్రికెటర్ ఆఫ్ ది ఇయర్ 2024 అవార్డ్‌ను గెలుచుకున్నాడు. గతేడాది 13 టెస్ట్‌లు ఆడిన బుమ్రా 71 వికెట్లు పడగొట్టాడు. 8 టీ20ల్లో 15 వికెట్లు తీసాడు. టీమిండియా టీ20 ప్రపంచకప్ విజయంలో బుమ్రా కీలకపాత్ర పోషించాడు. వెస్టిండీస్,అమెరికా వేదికగా జరిగిన వరల్డ్ కప్ లో బుమ్రా ప్లేయర్ ఆఫ్ ది టోర్నీగా ఎంపికయ్యాడు.

2004 నుంచి ఐసీసీ క్రికెటర్ ఆఫ్ ది ఇయర్ అవార్డ్ ఇస్తుండగా.. ఆ ఏడాది రాహుల్ ద్రవిడ్ ఈ ఘనతను అందుకున్నాడు. 2010లో సచిన్ టెండూల్కర్, 2016లో రవిచంద్రన్ అశ్విన్, 2017, 2018లో విరాట్ కోహ్లీ ఐసీసీ క్రికెటర్ ఆఫ్ ది ఇయర్ అవార్డు అందుకున్నారు. ఇప్పుడు బుమ్రా కూడా వారి సరసన చేరాడు. ప్రస్తుతం టెస్టుల్లో నెంబర్ వన్ బౌలర్ గా ఉన్న ఈ భారత స్టార్ పేసర్ ఇటీవలే టెస్టుల్లో అత్యంత వేగంగా 200 వికెట్లు పడగొట్టిన బౌలర్ గానూ రికార్డులకెక్కాడు. అలాగే ఐసీసీ టెస్ట్ ర్యాంకింగ్స్ లో అత్యధిక రేటింగ్ పాయింట్లు సాధించిన పేస్ బౌలర్ గానూ చరిత్ర సృష్టించాడు. ఇటీవల బోర్డర్ గవాస్కర్ ట్రోఫీలో అదరగొట్టిన బుమ్రా టాప్ వికెట్ టేకర్ గా నిలిచాడు. చివరి టెస్టు మధ్యలో వెన్నునొప్పి కారణంగా తప్పుకున్న బుమ్రా ప్రస్తుతం కోలుకుంటున్నాడు. ఫిట్ నెస్ సాధిస్తే ఛాంపియన్స్ ట్రోఫీలో ఆడతాడని బోర్డు వర్గాలు తెలిపాయి.