సిరాజ్ ప్రేమలో పడ్డాడా ? సింగర్ తో ఫోటోలు వైరల్

టీమిండియా క్రికెటర్ హైదరాబాదీ మహ్మద్ సిరాజ్ లవ్ స్టోరీ నడిపిస్తున్నాడా.. అంటే అవుననే అనాల్సి వస్తోంది. సిరాజ్ ఓ సింగ‌ర్‌తో డేటింగ్ చేస్తున్న‌ట్లుగా సోష‌ల్ మీడియా కోడై కూస్తోంది.

టీమిండియా క్రికెటర్ హైదరాబాదీ మహ్మద్ సిరాజ్ లవ్ స్టోరీ నడిపిస్తున్నాడా.. అంటే అవుననే అనాల్సి వస్తోంది. సిరాజ్ ఓ సింగ‌ర్‌తో డేటింగ్ చేస్తున్న‌ట్లుగా సోష‌ల్ మీడియా కోడై కూస్తోంది. ఆమె పుట్టిన రోజు పార్టీలో సిరాజ్ క‌నిపించాడు. ప్ర‌స్తుతం దీనికి సంబంధించిన ఫోటోలు సోష‌ల్ మీడియాలో వైర‌ల్ అవుతున్నాయి.తాజాగా ఆ సింగర్ బర్త్‌ డే వేడుకల్లోనూ సిరాజ్‌ ఆమెతో సన్నిహితంగా కనిపించడంతో ఆ రూమర్స్ కు మరింత బలం చేకూరింది. సిరాజ్ డేటింగ్ చేస్తున్న ఆ సింగర్ ఎవరు అంటూ ఫ్యాన్స్ తెగ వెతికేస్తున్నారు. ఆమె మ‌రెవ‌రో కాదు ప్ర‌ముఖ బాలీవుడ్ సింగ‌ర్ ఆశా భోంస్లే మ‌న‌వ‌రాలు జనై భోస్లే.

ఈమె కూడా సింగర్ గా కెరీర్ రాణిస్తోంది. రీసెంట్ గానే ఈమె తన పుట్టిన రోజు వేడుకలను జరుపుకుంది. ఈ బ‌ర్త్‌డే పార్టీకి ప‌లువురు సినీ తార‌ల‌తో పాటు చాలా మంది సెల‌బ్రిటీలు హాజ‌రు అయ్యారు. ఈ పార్టీలో ఆమె మ‌హ్మ‌ద్ సిరాజ్‌తో చాలా క్లోజ్‌గా క‌నిపించింది. అత‌డితో చాలా సేపు మాట్లాడడం కెమెరా కంటికి చిక్కింది. ఈ ఫొటోల్లో జనై భోస్లే.. సిరాజ్ కలిసి సరదాగా ఒకరి ముఖాన్ని ఇంకొకరు చూసుకుంటూ నవ్వుతూ కనిపించారు. వీరిద్దరూ చాలా సన్నిహితంగా మెలగడంతో.. మహ్మద్ సిరాజ్, జనై భోస్లే ప్రేమలో ఉన్నారంటూ సోషల్ మీడియాలో రూమర్లు చక్కర్లు కొడుతున్నాయి. పైగా ఒకరినొకరు ఇన్‌స్టాలో ఫాలో ‍అవుతుండటం కూడా ఈ రూమర్స్ ను మరింత బలపరిచాయి. కాగా.. ఈ పుట్టిన రోజు పార్టీలో మ‌రో టీమ్ఇండియా స్టార్ క్రికెట‌ర్ శ్రేయ‌స్ అయ్య‌ర్ సైతం పాల్గొన్నాడు.

ఇదిలా ఉంటే జనై భోస్లే సలామీ హో జాయే, బప్పా మోరియా వంటి పాట‌లు ఆమెకు గుర్తింపు తెచ్చిపెట్టాయి. ది ప్రైడ్ ఆఫ్ భారత్ ఛత్రపతి శివాజీ మహారాజ్ ద్వారా నటిగానూ ఆమె అరంగ్రేటం చేయనుంది. మరోవైపు భారత క్రికెట్ టీమ్ లో కీలక పేసర్ గా ఉన్న సిరాజ్ కు ఛాంపియన్స్ ట్రోఫీకి చోటు దక్కలేదు ఇంగ్లాండ్‌తో జ‌రుగుతున్న టీ20, వ‌న్డే సిరీసుకూ అత‌డిని ఎంపిక చేయలేదు. ప్ర‌స్తుతం త‌న‌కు దొరికిన బ్రేక్ ను సిరాజ్ ఎంజాయ్ చేస్తున్న‌ట్లుగా తెలుస్తోంది.