గుజరాత్ టైటాన్స్ ప్లేయర్ విధ్వంసం సిక్సర్లతో రెచ్చిపోతున్న అభినవ్ మనోహర్

ఐపీఎల్ మెగా వేలానికి ముందు పలువురు యువ ఆటగాళ్ళు చెలరేగిపోతున్నారు.

ఐపీఎల్ మెగా వేలానికి ముందు పలువురు యువ ఆటగాళ్ళు చెలరేగిపోతున్నారు. దేశవాళీ క్రికెట్ టోర్నీల్లో పరుగుల వరద పారిస్తున్నారు. తాజాగా మహారాజా టీ20 టోర్నీలో గుజరాత్‌ టైటాన్స్‌ ప్లేయర్‌ అభినవ్‌ మనోహర్‌ ఆకాశమే హద్దుగా చెలరేగిపోతున్నాడు. ఈ టోర్నీలో అభినవ్‌ 10 మ్యాచ్‌ల్లో 6 అర్ద సెంచరీల సాయంతో 84.50 సగటున 507 పరుగులు చేసి టాప్ స్కోరర్‌గా కొనసాగుతున్నాడు. ఈ టోర్నీలో అభినవ్‌ ఏకంగా 52 సిక్సర్లు బాదాడు. తాజాగా బెంగళూరు బ్లాస్టర్స్‌తో జరిగిన మ్యాచ్‌లో అభినవ్‌ 24 బంతుల్లో 7 సిక్సర్లు, 1 బౌండరీతో 59 పరుగులు చేశాడు. అభినవ్ మనోహర్ స్ట్రోక్ ప్లే చూస్తే వచ్చే మెగా వేలంలో జాక్ పాట్ కొట్టే అవకాశముంది.