IPL Cricket: బట్లర్ కోసం స్కెచ్ ఏంటి? గైక్వాడ్ కు చెక్ పెట్టకపోతే మ్యాచ్ గతేంటి.?

చెన్నైతో ఈ సీజన్‌లో జరిగిన మొదటి యుద్ధంలో విజయం సాధించినందుకు రాయల్స్ కొంత కాన్ఫిడెన్స్ తో ఉంది. అయినప్పటికీ, చెన్నై భీకర ఫామ్ చూస్తే వాళ్ళను తక్కువ అంచనా వేయలేం. రాయల్స్ బాగా రాణించాలంటే, జోస్ బట్లర్, యశస్వి జైస్వాల్ మరియు కెప్టెన్ సంజూ శాంసన్ వంటి దిగ్గజాలు బ్యాట్‌తో మరింతగా రాణించడం అత్యవసరం. ఆపై, స్లో బౌలర్లకు సహాయపడే పిచ్‌పై, అనుభవజ్ఞుడైన స్పిన్ ద్వయం రవిచంద్రన్ అశ్విన్, యుజ్వేంద్ర చాహల్ ల స్పిన్ మ్యాజిక్ మరోసారి చక్రం తిప్పాల్సిన సందర్భం కూడా ఇది.

రాజస్థాన్‌లోని టాప్ 4 బ్యాట్స్ మెన్ మరియు హెట్మేయర్ లు మంచి ఫామ్‌లో ఉన్నారు, అయితే సమిష్టిగా పరుగులు చేయకపోవడంతో కొన్ని మ్యాచ్‌లను కోల్పోవాల్సి వచ్చింది. ట్రెంట్ బౌల్ట్ పవర్‌ప్లేలో అద్భుతంగా బౌలింగ్ చేస్తున్నాడు కానీ డెత్ ఓవర్లలో ఇంకా మెరుగ్గా రాణించాల్సి ఉంది. 12 వికెట్లతో, చాహల్ 4వ అత్యధిక వికెట్లు తీసిన బౌలర్ గా కొనసాగుతూ, చెన్నైతో జరిగే మ్యాచ్‌లో అగ్రస్థానాన్ని కైవసం చేసుకోవాలని లక్ష్యంగా పెట్టుకున్నాడు.

చాహల్ తో పాటుగా.. ఐపీఎల్‌లో 144 సిక్సర్లు బాదిన బట్లర్ 150కి ఆరు తక్కువ దూరంలో ఉన్నాడు. గైక్వాడ్ 1,477 పరుగులు చేసి 1,500 పరుగుల మార్క్‌కు 23 పరుగుల దూరంలో ఉన్నాడు. సంజూ శాంసన్ 292 ఐపిఎల్ ఫోర్లు సాధించి, 300కి ఎనిమిది బౌండరీల దూరంలో నిల్చున్నాడు.