MS DHONI: అందుకే ధోనీ అంత స్పెషల్.. ఫ్రెండ్ కోసం మహీ ఏం చేశాడో తెలుసా..?

ధోనీ తన చిన్ననాటి స్నేహితుడి కోసం అతని చేసిన ఓ పని నెట్టింట్లో వైరల్‌గా మారింది. మరికొన్ని వారాల్లో ప్రారంభం కానున్న ఐపీఎల్ కోసం ధోనీ తిరిగి ప్రాక్టీస్ మొదలుపెట్టాడు. అయితే ఈ ప్రాక్టీస్‌లో అందరిచూపు ధోనీ బ్యాటు వైపు మళ్లింది.

MS DHONI: మనం ఎంత ఎత్తుకు ఎదిగినా మనం ఏ స్థాయి నుంచి వచ్చామో మర్చిపోకూడదు. ముఖ్యంగా మన ఎదుగుదలకు సాయపడిన వారికి ఎప్పటికీ కృతజ్ఞతగా ఉండాలి. ఈ విషయంలో తనకు తానే సాటి అని నిరూపించాడు భారత మాజీ కెప్టెన్ ధోనీ. తన చిన్ననాటి స్నేహితుడి కోసం అతని చేసిన ఓ పని నెట్టింట్లో వైరల్‌గా మారింది. మరికొన్ని వారాల్లో ప్రారంభం కానున్న ఐపీఎల్ కోసం ధోనీ తిరిగి ప్రాక్టీస్ మొదలుపెట్టాడు.

IVPL 2024: వచ్చేస్తోంది వెటరన్ ప్రీమియర్ లీగ్.. తెలంగాణ టీమ్ కెప్టెన్‌గా క్రిస్ గేల్

అయితే ఈ ప్రాక్టీస్‌లో అందరిచూపు ధోనీ బ్యాటు వైపు మళ్లింది. ప్రైమ్ స్పోర్ట్స్ అనే స్టిక్కర్‌ ఉన్న బ్యాటుతో ధోనీ ప్రాక్టీస్ చేస్తున్నాడు. క్రికెట్ ఫ్యాన్స్‌కు ఈ పేరు పెద్దగా పరిచయం లేదు. దీంతో అది ఎవరిది అని ఆరా తీయడం మొదలుపెట్టారు. ధోనీ చిన్ననాటి స్నేహితుడు పరమ్‌జిత్ సింగ్‌కు చెందిన కంపెనీయే ప్రైమ్ స్పోర్ట్స్. ధోనీ కెరీర్ ప్రారంభంలో పరమ్‌జిత్ ఎంతో సాయంపడ్డాడు. ధోనీ బయోపిక్ సినిమా ‘ఎంఎస్ ధోనీ.. ది అన్‌టోల్డ్ స్టోరీ’లో వీరిద్దరి మధ్య ఉన్న బంధాన్ని చక్కగా తెరకెక్కించారు. టీమిండియాలో ధోనీ చోటు దక్కించుకోవడంలో పరమ్‌జిత్ సాయం కీలకం. ఈ నేపథ్యంలో ధోనీ తన స్నేహానికి గుర్తుగా ప్రైమ్ స్పోర్ట్స్ లోగోతో బరిలోకి దిగాడని తన ఫ్యాన్స్ భావిస్తున్నారు.

ధోనీ గొప్ప వ్యక్తిత్వానికి ఇది ఉదాహరణ అని, స్నేహం కోసం ఏమైనా చేస్తాడని కామెంట్లు చేస్తున్నారు. ఇదిలా ఉంటే గత సీజన్ అనంతరం మోకాలి సర్జరీ చేయించుకున్న మిస్టర్ కూల్ ఇటీవల తిరిగి పూర్తిఫిటె‌నెస్ సాధించాడు.