Naseem Shah: పాక్ బౌలర్‌కు గాయం.. టోర్నీలో ఆడుతాడా..?
పాకిస్థానీ ఆటగాడు మ్యాచ్‌లో గాయపడ్డాడు. దాని ప్రభావం వల్ల ఆటగాడు వెంటనే మైదానం వీడాల్సిన పరిస్థితి ఏర్పడింది. పాక్ ఆటగాడు ఫాస్ట్ బౌలర్ నసీమ్ షా బౌండరీ లైన్‌లో ఫీల్డింగ్ చేస్తున్న సమయంలో గాయమైంది.
Dialtelugu Desk
Posted on: September 6, 2023 | 07:25 PM ⚊ Last Updated on: Sep 06, 2023 | 7:25 PM
Naseem Shah: 2023 ఆసియా కప్‌లో సూపర్-4 తొలి మ్యాచ్ కొనసాగుతోంది. లాహోర్ వేదికగా బంగ్లాదేశ్, పాకిస్థాన్ మధ్య మ్యాచ్ జరుగుతోంది. ఈ క్రమంలో పాకిస్తాన్ టీంకు బ్యాడ్ న్యూస్ అందింది. పాకిస్థానీ ఆటగాడు మ్యాచ్‌లో గాయపడ్డాడు. దాని ప్రభావం వల్ల ఆటగాడు వెంటనే మైదానం వీడాల్సిన పరిస్థితి ఏర్పడింది. పాక్ ఆటగాడు ఫాస్ట్ బౌలర్ నసీమ్ షా బౌండరీ లైన్‌లో ఫీల్డింగ్ చేస్తున్న సమయంలో గాయమైంది. బంతిని ఆపే క్రమంలో బౌండరీ లైన్‌లో కిందపడ్డాడు. అతికష్టం మీద లేచాడు.
విషయం ఏమిటంటే, జట్టులోని ఫిజియో మైదానంలోకి రావాల్సి వచ్చింది. అతను నసీమ్‌కు మద్దతు ఇచ్చి మైదానం నుంచి బయటకు తీసుకెళ్లాడు. బంగ్లాదేశ్‌తో జరిగిన మ్యాచ్‌లో పాకిస్తాన్ మెరుగైన స్థితిలో ఉన్నట్లు కనిపిస్తోంది. కాబట్టి, నసీమ్ షా గాయం ప్రస్తుతం వారికి ఆందోళన కలిగించే విషయం కాదు. కానీ, ఈ గాయం తీవ్రంగా మారితే, అతనికి సమస్య పెరుగుతుంది. ఎందుకంటే ఆసియా కప్‌లో ఫైనల్ చేరే అసలైన రేసు ఇప్పుడే మొదలైంది. పాకిస్థాన్ తన తదుపరి మ్యాచ్‌ను భారత్‌తో ఆడాల్సి ఉంది. ఈ పరిస్థితుల్లో, నసీమ్ గాయం మెన్ ఇన్ గ్రీన్‌లో ఆందోళనను పెంచుతున్నట్లు కనిపిస్తోంది.
గాయపడకముందే నసీమ్ షా అద్భుతంగా బౌలింగ్ చేశాడు. బంగ్లాదేశ్‌తో జరుగుతోన్న మ్యాచ్‌లో తొలి బంతికే వికెట్ తీశాడు. నసీమ్ షా గాయంతో మైదానం వీడగానే అతని స్థానంలో మహ్మద్ హారిస్ రంగంలోకి దిగాడు. అయితే కొంతకాలం తర్వాత నసీమ్ షా మళ్లీ రంగంలోకి దిగాడు.
