కౌంటీల్లో సాయిసుదర్శన్ జోరు శతక్కొట్టిన యువ క్రికెటర్

భారత యువ క్రికెటర్ కౌంటీ క్రికెట్ లో సాయిసుదర్శన్ దుమ్ము రేపుతున్నాడు.

భారత యువ క్రికెటర్ కౌంటీ క్రికెట్ లో సాయిసుదర్శన్ దుమ్ము రేపుతున్నాడు. ఇంగ్లాండ్ కౌంటీ టీమ్ స‌ర్రే క్రికెట్ క్ల‌బ్‌కు ప్రాతినిథ్యం వ‌హిస్తున్న ఈ తమిళనాడు క్రికెటర్ తొలి శతకం సాధించాడు. నాటింగ్‌హామ్‌షైర్‌తో జ‌రుగుతున్న మ్యాచ్‌లో సాయిసుద‌ర్శ‌న్ అద్బుతమైన‌ సెంచ‌రీతో అదరగొట్టాడు. 10 ఫోర్లు, 1 సిక్సర్ తో 105 పరుగులు చేసిన సాయిసుదర్శన్ సిక్సర్ తో సెంచరీ మార్కు అందుకున్నాడు.
కౌంటీల్లో సుద‌ర్శ‌న్ ఆడ‌టం ఇదే రెండో సారి. గ‌తేడాది కౌంటీ ఛాంపియ‌న్ షిప్‌లో ఆఖ‌రి మూడు మ్యాచ్‌ల్లో స‌ర్రే త‌ర‌పున ఆడాడు. అయితే ఈ ఏడాది కొన్ని కౌంటీ మ్యాచ్ లకే అందుబాటులో ఉంటాడు. సెప్టెంబ‌ర్ 5 నుంచి జరిగే దులీప్ ట్రోఫీలో సాయిసుదర్శన్ బరిలోకి దిగుతాడు.