నెంబర్ 1కు అడుగే దూరం ర్యాంకింగ్స్ లో తిలక్ దూకుడు

టీ ట్వంటీ క్రికెట్ లో గత కొంతకాలంగా హైదరాబాదీ బ్యాటర్ తిలక్ వర్మ దుమ్మురేపుతున్నాడు. అంతర్జాతీయ మ్యాచ్ లలో విధ్వంసం సృష్టిస్తున్నాడు. షార్ట్ ఫార్మాట్ లో వరుసగా హ్యాట్రిక్ సెంచరీలు కొట్టిన ఆటగాడిగా రికార్డులకెక్కిన తిలక్ వర్మ ప్రస్తుతం ఇంగ్లాండ్ పైనా సత్తా చాటుడుతున్నాడు.

టీ ట్వంటీ క్రికెట్ లో గత కొంతకాలంగా హైదరాబాదీ బ్యాటర్ తిలక్ వర్మ దుమ్మురేపుతున్నాడు. అంతర్జాతీయ మ్యాచ్ లలో విధ్వంసం సృష్టిస్తున్నాడు. షార్ట్ ఫార్మాట్ లో వరుసగా హ్యాట్రిక్ సెంచరీలు కొట్టిన ఆటగాడిగా రికార్డులకెక్కిన తిలక్ వర్మ ప్రస్తుతం ఇంగ్లాండ్ పైనా సత్తా చాటుడుతున్నాడు. రెండో టీ ట్వంటీలో తిలక్ అద్భుతమైన ఇన్నింగ్స్ ఆడి జట్టును గెలిపించాడు. 72 పరుగులతో చివరి వరకూ క్రీజులో నిలిచి భారత్ కు విజయాన్నందించాడు. ఓడిపోయిందనుకున్న మ్యాచ్ ను గెలిపించిన ఈ హైదరాబాదీ బ్యాటర్ అటు ఐసీసీ టీ ట్వంటీ ర్యాంకింగ్స్ లోనూ అదరగొట్టాడు. కెరీర్ లోనే బెస్ట్ ర్యాంక్ సాధించాడు. తాజా జాబితాలో తిలక్ వర్మ రెండో స్థానానికి దూసుకొచ్చాడు. ఇంగ్లాండ్ ఓపెనర్ ఫిల్ సాల్ట్ ను వెనక్కి నెట్టి అగ్రస్థానానికి చేరువయ్యాడు. ప్రస్తుతం ఆసీస్ బ్యాటర్ ట్రావిస్ హెడ్ టాప్ ప్లేస్ లో కొనసాగుతున్నాడు.

ఇంగ్లాండ్ తో తో టీ20 సిరీస్ ప్రారంభానికి ముందు తిలక్ వర్మ ఐసీసీ ర్యాంకుల్లో మూడో స్థానంలో ఉండేవాడు. గత కొన్ని నెలలుగా టీ20 క్రికెట్ లో తిలక్ నిలకడగా రాణిస్తున్నాడు. ప్రస్తుతం టాప్ ప్లేస్ లో ఉన్న ట్రావిస్ హెడ్ ను కూడా త్వరలోనే అతడు వెనక్కి నెట్టే అవకాశం కూడా ఉంది. హెడ్ ప్రస్తుతం 855 పాయింట్లతో ఉండగా.. తిలక్ వర్మ 832 పాయింట్లతో సెకండ్ ప్లేస్ లో ఉన్నాడు. ఇంగ్లండ్ తో మరో రెండు టీ20లు మిగిలి ఉండటంతో ఈ సిరీస్ లోనే అతడు టాప్ లోకి దూసుకెళ్ళే అవకాశముంది. ఎందుకంటే హెడ్ మరో ఐదు నెలల వరకూ అంతర్జాతీయ టీ ట్వంటీలు ఆడే ఛాన్స్ లేదు. దీంతో టీ ట్వంటీల్లో నెంబర్ వన్ గా నిలిచేందుకు ఈ సిరీస్ అతనికి మంచి అవకాశంగా చెప్పొచ్చు. బ్యాటింగ్ ఆర్డర్ లో మూడో స్థానానికి ప్రమోట్ చేసిన తర్వాత తిలక్ చెలరేగిపోతున్నాడు.

ఇదిలా ఉంటే టాప్ 10లో పలువురు భారత బ్యాటర్లు కూడా చోటు దక్కించుకున్నారు. ప్టెన్ సూర్యకుమార్ యాదవ్ 4వ స్థానంలో ఉండగా.. యశస్వి జైస్వాల్ 9వ స్థానంలో కొనసాగుతున్నాడు. మరోవైపు ఈ సిరీస్ లో వరుసగా విఫలమవుతున్న వికెట్ కీపర్ సంజూ శాంసన్ తాజా ర్యాంకుల్లో 17 నుంచి 29వ ర్యాంకుకు పడిపోయాడు.
అటు టీమిండియా మిస్టరీ స్పిన్నర్ వరుణ్ చక్రవర్తి తాజా ర్యాంకుల్లో టాప్ 5లోకి దూసుకొచ్చాడు. ఇంగ్లండ్ తో తొలి మూడు టీ20ల్లో రాణించడంతోపాటు మూడో మ్యాచ్ లో ఐదు వికెట్లు తీసుకున్నాడు. దీంతో అతడు ఏకంగా 25 స్థానాలు ఎగబాకి కెరీర్ బెస్ట్ 679 పాయింట్లతో ఐదో స్థానానికి చేరుకున్నాడు. ఈ మూడు మ్యాచ్ లలో వరుణ్ 10 వికెట్లు తీశాడు. ఇక తాజా ర్యాంకుల్లో ఇంగ్లండ్ స్పిన్నర్ ఆదిల్ రషీద్ తొలి స్థానానికి వెళ్లాడు. వెస్టిండీస్ కు చెందిన అకీల్ హొస్సేన్ రెండో స్థానంలో, శ్రీలంక స్పిన్నర్ వనిందు హసరంగా మూడో స్థానంలో ఉన్నారు.