ఒక్క ఫోర్ లేదు..అన్నీ సిక్సర్లే.. హెట్‌మెయిర్ వరల్డ్‌ రికార్డు

కరేబియన్ ప్రీమియర్ లీగ్ లో రికార్డులు హోరెత్తుతున్నాయి. తాజాగా వెస్టిండీస్ హిట్టర్ హెట్ మెయిర్ దుమ్మురేపాడు.

కరేబియన్ ప్రీమియర్ లీగ్ లో రికార్డులు హోరెత్తుతున్నాయి. తాజాగా వెస్టిండీస్ హిట్టర్ హెట్ మెయిర్ దుమ్మురేపాడు. విధ్వంసకర బ్యాటింగ్ లో ప్రపంచ రికార్డ్ సృష్టించాడు. అమెజాన్ వారియర్స్ కు ప్రాతినిథ్యం వహిస్తున్న ఈ విండీస్ క్రికెటర్ సెయింట్ కీట్స్ తో జరుగుతున్న మ్యాచ్ లో 39 బంతుల్లో 91 పరుగులు చేశాడు. టీ20 క్రికెట్ చరిత్రలో ఒక ఇన్నింగ్స్‌లో ఒక్క ఫోర్ కూడా కొట్టకుండా పదికి పైగా సిక్సర్లు బాదిన తొలి క్రికెటర్‌గా రికార్డులకెక్కాడు. ఈ మ్యాచ్‌లో 11 సిక్స్‌లు బాదిన హెట్‌మెయిర్ కనీసం ఒక్క ఫోరు కూడా కొట్టలేదు. అంతకుముందు ఫోరు కూడా లేకుండా అత్యధిక సిక్సర్లు బాదిన రికార్డు ఇంగ్లండ్‌ ఇంగ్లండ్ ఆటగాడు రికీ వెసెల్స్ పేరిట ఉండేది. ఇప్పుడు ఆ రికార్డును హెట్ మెయిర్ బ్రేక్ చేశాడు.